Պատրիկ Մալաքյան

Պատրիկ Մալաքյան
Ծնվել է	օգոստոսի 27, 1963(1963-08-27) (60 տարեկան)
Քաղաքացիություն	Ֆրանսիա
Մասնագիտացում	կինոռեժիսոր, ռեժիսոր, սցենարիստ և դերասան
IMDb	ID ID 0538883

Պատրիկ Աշոտի Մալաքյան (1963, օգոստոս 28, Ֆրանսիա), հայազգի կինոռեժիսոր, սցենարիստ, դերասան, Մարսելի հայկական բարեգործական ընդհանուր միության նախագահ։ Անրի Վերնոյի որդին։

Պատրիկ Մալաքյանը Հայոց ցեղասպանության 100-րդ տարելիցի կապակցությամբ նախաձեռնել է ճամփորդություն՝ Մարսելից մոտոցիկլով անցնելով եվրոպական որոշ երկրներ՝ հասել է Թուրքիա, եղել հոր ծննդավայրում՝ Ռոդոսթոյում, ապա Արևմտյան Հայաստանով մտել Հայաստան։

Պատրիկ Մալաքյանը ծնվել է Անրի Վերնոյի և Ֆրանսուազ Բոնոյի ընտանիքում։ Մանկության տարիներին կրել է Վերնոյ ազգանունը, իսկ երբ չափահաս է դարձել, փոխել է Մալաքյանի։ Քույրը՝ Սոֆին, մասնագիտությամբ անասնաբույժ է։ Պատրիկը մարկետինգի և հասարակության հետ կապերի (PR) ոլորտում գիտական աստիճան ստանալուց հետո իրեն նվիրել է կինոարվեստին։ Սկզբում աշխատել է ռեժիսորի երկրորդ օգնական, հետագայում՝ առաջին։ Պատրիկը ինքնուրույն ինը ֆիլմ է նկարահանել, իսկ որպես ռեժիսորի օգնական մասնակցել է բազմաթիվ ֆիլմերի, այդ թվում նաև Անրի Վերնոյի ֆիլմերի ստեղծմանը։ Պատրիկ Մալաքյանը նաև Հայկական Բարեգործական Ընդհանուր Միության (ՀԲԸՄ)-ի Մարսելի մասնաճյուղի նախագահն է։

Ֆիլմեր

• «Ինչու՞ է մայրիկը իմ անկողնու մեջ» (1994), Pourquoi maman est dans mon lit ?
• «Տարօրինակները 1» (2008), Les toqués 1
• «Տարօրինակները 2» (2009), Les toqués 2
• «Պահապան հրեշտակ Ժոզեֆինը» սեզոն (2003),Joséphine, ange gardien,saison (2003)
• «Պահապան հրեշտակ Ժոզեֆինը» սեզոն (2007),Joséphine, ange gardien,saison (2007)
• «Պահապան հրեշտակ Ժոզեֆինը» սեզոն (2008), Joséphine, ange gardien, saison (2008)
• «Աստեղային որսորդները» (2000), Starhunter, (2000)
• «Տեղաշարժ» (1998), Changement de cap (1998)

Մրցանակներ

• «Պողոս Նուբար» մեդալ (2016)

Արտաքին հղումներ

• Պատրիկ Մալաքյանի մասին imdb.com կայքում
• Պատրիկ Վերնոյ Մալաքյան(չաշխատող հղում)