Պատերազմական մանկության թանգարան
Պատերազմական մանկության թանգարան | |
|---|---|
 | |
| Տեսակ | թանգարան և պատմության թանգարան |
| Երկիր |  Բոսնիա և Հերցեգովինա |
| Տեղագրություն | Ստարի Գրադ (համայնք, Բոսնիա և Հերցեգովինա) և Սարաևո |
| Հասցե | 30-32, Logavina, Sarajevo, 7100071000 |
| Հիմնադրվել է | 2017 |
| Կայք | museum.warchildhood.com(անգլ.) |
 | |
 | |
Պատերազմական մանկության թանգարան (բոսնիերեն։ Muzej ratnog djetinjstva), պատմության թանգարան Բոսնիա և Հերցեգովինայի մայրաքաղաք Սարաևոյում։ Բացվել է 2017 թվականի հունվարին։ Ցուցանմուշները՝ խաղալիքներ, այլ իրեր, նամակներ, տեսա- և ձայնագրված վկայություններ ներկայացնում են բոսնիական պատերազմի սարսափների թոհուբոհով անցած երեխաների տարած փորձությունները, նրանց ծանր ապրումները, հույզերը, կրած կորուստներն ու դրանց պատճառած ցավը, ժամանակից շուտ հասունանալը[1]։ 2018 թվականին մշակութային այս օջախը ճանաչվել է տարվա եվրոպական թանգարան, և նրան շնորհվել է Եվրոպայի խորհրդի հատուկ մրցանակ, որն ամենահեղինակավոր պարգևներից է թանգարանային գործի ասպարեզում[2][3][4][5]։
Թանգարանի ստեղծման աշխատանքներy սկսվել են 2010 թվականին, երբ սարաևոցի գործարար ու ակտիվիստ, «պատերազմի երեխա» Յասմինկո Հալիլովիչը առցանց մի հարթակ է գործարկել բոսնիական պատերազմի ժամանակներում իրենց մանկությունն ապրածների հակիրճ հուշագրությունները հավաքելու համար։ Հազարից ավելի մարդ է արձագանքել նրա նախաձեռնությանը և այդ առցանց հարթակում գրի առել իր հուշերը։ Հալիլովիչը ի մի է բերել այդ հիշողությունները, ամփոփել մի ժողովածուում, որը հրատարակել է 2013 թվականին։ Կարճ ժամանակ անց գիրքը թարգմանվել ու լույս է ընծայվել նաև գերմաներեն, ճապոներեն[6]։
Հալիլովիչը նամակագրություն է սկսել պատերազմի երեխաների հետ, պարզել, որ նրանցից շատերը դեռ պահպանել են պատերազմական ժամանակների զանազան իրեր[7]։ Երիտասարդ մասնագետների մի խմբի հետ համագործակցելով՝ նա ստեղծել է թանգարանային հավաքածու, որը բաղկացած էր երեք հազարից ավելի ցուցանմուշներից, վաթսունից ավելի վկայություններից[8]։
2016 թվականի մայիսին պատերազմական մանկության թանգարանն իր առաջին, ժամանակավոր ցուցադրությունն է կազմակերպել Բոսնիա և Հերցեգովինայի պատմության թանգարանում[9], դրան հաջորդել են ցուցահանդեսները Զենիցա և Վիսոկո քաղաքներում[10]։ 2017 թվականի հունվարին բացվել է թանգարանի մշտական ցուցադրությունը Սարաևոյում՝ Լոգավինա փողոցի վրա գտնվող շենքում, որը հատկացվել էր թանգարանին։ Նրա հավաքածուում տեղ են գտել օրագրություններ, խաղալիքներ, լուսանկարներ, հագուստներ, այլևայլ առարկաներ, որոնք նվիրաբերել են պատերազմի արհավիրքներից փրկվածները[11]։ Բոլոր ցուցանմուշները ներկայացված են դրանք նվիրած անձանց հուշերի զուգադրմամբ։ Թանգարանի այցելուները կարող են նաև ունկնդրել ձայնագրված վկայություններ, ընթերցել պատմություններ, նամակներ, հարցազրույցներ[12]։
Թանգարանի ձևավորման գործում իր ավանդն է ներդրել բոսնիացի նկարիչ-դիզայներ Անուր Խոջամերշպախիչը[13]։
Պատկերասրահ
[խմբագրել | խմբագրել կոդը]
Ծանոթագրություններ
[խմբագրել | խմբագրել կոդը]- ↑ «Ideja, misija i vizija muzeja». djetinjstvouratu.com. Վերցված է 25. 5. 2018-ին.
- ↑ «Council of Europe Museum Prize 2018». European Museum Forum. Արխիվացված է օրիգինալից 2019 թ․ ապրիլի 25-ին. Վերցված է 2018 թ․ մայիսի 17-ին.
- ↑ «War Childhood Museum, Sarajevo, wins 2018 Museum Prize». European Museum Forum. January 2018. Արխիվացված է օրիգինալից 2019 թ․ մայիսի 25-ին. Վերցված է 2018 թ․ մայիսի 17-ին.
- ↑ «Muzej ratnog djetinjstva: Jedinstven u svijetu». Radio Slobodna Evropa. 23. 1. 2018. Վերցված է 25. 5. 2018-ին.
- ↑ «Council of Europe Museum Prize 2018». Vijeće Evrope. Արխիվացված է օրիգինալից 2019 թ․ ապրիլի 25-ին. Վերցված է 25. 5. 2018-ին.
- ↑ Sheehan, Dan (December 2015). «Jasminko Halilovic: Children of War». Guernica Magazine. Վերցված է 2017 թ․ փետրվարի 5-ին.
- ↑ Toe, Rodolfo (2016 թ․ մայիսի 11). «Sarajevo Museum to Preserve Wartime Childhood Memories». Balkan Transitional Justice. Balkan Insight.
- ↑ Rose, Eleanor (2017 թ․ հունվարի 1). «Bosnia's War Childhood Museum Finally Opens». Balkan Transitional Justice. Balkan Insight. Վերցված է 2017 թ․ փետրվարի 5-ին.
- ↑ Toe, Rodolfo. «Sarajevo Museum to Preserve Wartime Childhood Memories». Balkan Transitional Justice. Balkan Insight. Վերցված է 2017 թ․ փետրվարի 5-ին.
- ↑ Ruvic, Dado (2016 թ․ հուլիսի 8). «Bosnian museum of wartime childhood helps heal trauma». Reuters. Արխիվացված է օրիգինալից 2018 թ․ հոկտեմբերի 5-ին. Վերցված է 2017 թ․ փետրվարի 5-ին.
- ↑ «War Childhood Museum». 2015–2020. Վերցված է 2020 թ․ սեպտեմբերի 11-ին.
- ↑ Rose, Eleanor (2017 թ․ հունվարի 30). «Bosnia's War Childhood Museum Finally Opens». Balkan Transitional Justice. Վերցված է 2017 թ․ փետրվարի 5-ին.
- ↑ «Muzej ratnog djetinjstva proslavio rođendan». Oslobođenje. Վերցված է 27. 5. 2018-ին.
Արտաքին հղումներ
[խմբագրել | խմբագրել կոդը]- (անգլերեն) Թանգարանի կայքէջը Արխիվացված 2020-07-08 Wayback Machine
 | Վիքիպահեստն ունի նյութեր, որոնք վերաբերում են «Պատերազմական մանկության թանգարան» հոդվածին։ |
| ||||||||||
