Պաոլա դե Միքելի

Վիքիպեդիայից՝ ազատ հանրագիտարանից
Jump to navigation Jump to search
Պաոլա դե Միքելի
Paola De Micheli daticamera.jpg
 
Կուսակցություն՝ Դեմոկրատական կուսակցություն
Կրթություն՝ Սուրբ Սրտի կաթոլիկ համալսարան
Մասնագիտություն՝ քաղաքական գործիչ
Ծննդյան օր սեպտեմբերի 1, 1973(1973-09-01)[1] (47 տարեկան)
Ծննդավայր Պյաչենցա, Էմիլիա Ռոմանիա, Իտալիա
Քաղաքացիություն Flag of Italy.svg Իտալիա
 
Կայք՝ paolademicheli.it

Պաոլա դե Միքելի (իտալ.՝ Paola De Micheli, սեպտեմբերի 1, 1973(1973-09-01)[1], Պյաչենցա, Էմիլիա Ռոմանիա, Իտալիա), իտալացի քաղաքական գործիչ, ենթակառուցվածքների և տրանսպորտի նախարար (2019 թվականից):

Կենսագրություն[խմբագրել | խմբագրել կոդը]

Պաոլա դե Միքելին ավարտել է Միլանի Սուրբ Սրտի Կաթոլիկ համալսարանը, որտեղ սովորել է քաղաքագիտություն: Մասնագիտական գործունեությունն սկսել է Պյաչենցայի գյուղատնտեսության և սննդի կոոպերատիվ կոնսորցիումում: 1999-2004 թվականներին եղել է Պոնտենուրեի կոմունալ խորհրդի պատգամավոր, 2007 թվականի հունիսից մինչև 2010 թվականի մարտը Պյաչենցայի վարչակազմում զբաղեցրել է տնտեսաֆինանսական և մարդկային ռեսուրսների գծով դատական ատենակալի պաշտոնը[2]։

Երիտասարդ տարիքում եղել է Քրիստոնեադեմոկրատական կուսակցության անդամ (առաջին անգամ անդամավճար է վճարել 1990 թվականին[3]), նրա լուծարումից հետո կուսակցական վերակազմավորմանը զուգընթաց անդամագրվել Է Իտալիայի ժողովրդական կուսակցությանը, ապա՝ Մարգարիտկային և վերջապես՝ Դեմոկրատական կուսակցությանը։ 2008 թվականին առաջին անգամ ընտրվել է Իտալիայի Պատգամավորների պալատում, 2009 թվականից, երբ Դեմոկրատական կուսակցության առաջնորդը Պիեռ Լուիջի Բերսանին էր, աշխատել է կուսակցության քարտուղարության տնտեսական բաժնում՝ ղեկավարելով փոքր և միջին ձեռնարկատիրության խնդիրները: Ջանի Կուպերլոյի և Էնրիկո Լետայի քաղաքական դաշնակիցն է, 2018 թվականի սեպտեմբերից համագործակցել է Նիկոլա Դզինգարետիի հետ[4]:

2013 թվականի ապրիլի 15-ին դարձել է Պատգամավորների պալատի 17-րդ գումարման Դեմոկրատական կուսակցության խմբակցության նախագահի առաջին տեղակալ, 2013 թվականի մայիսի 16-ին՝ նիստերի դահլիճի պատվիրակ:

2014 թվականի նոյեմբերի 10-ին Ռենցիի կառավարությունում նշանակվել է տնտեսության և ֆինանսների նախարարության կրտսեր պետքարտուղար Ջովաննի Լենինիի փոխարեն[5], որը պաշտոնից ազատվել էր 2014 թվականի սեպտեմբերի 30-ին՝ մագիստրատուրայի բարձրագույն խորհրդի նախագահի տեղակալ նշանակվելու պատճառով[6]։

2016 թվականի դեկտեմբերի 29-ին՝ Ջենտիլոնիի կառավարության ձևավորման ժամանակ, պահպանել է նախկին պաշտոնը[7] և զբաղեցրել այն մինչև 2018 թվականի հունիսի 1-ին կառավարության լիազորությունների ավարտը։

Հաջորդ տարի՝ 2019 թվականի փրայմերիզների ժամանակ, նա աջակցել է Նիկոլա Զինգարեթիին[8]. հենց որ Զինգարեթին ընտրվել է քարտուղար, Դե Միկելը դարձել է Դեմոկրատական կուսակցության քարտուղարի նոր տեղակալի հավակնորդ[9][10]:

2019 թվականի սեպտեմբերի 4-ին՝ Ջուզեպպե Կոնտեի երկրորդ կառավարության ձևավորման ժամանակ, նշանակվել է ենթակառուցվածքի և տրանսպորտի նախարար[11], իսկ սեպտեմբերի 5-ին նոր կաբինետը երդում է տվել[12]։

2020 թվականի օգոստոսի 3-ին Ջենովայում՝ 2018 թվականին փլուզված Պոնտե Մորանդիի տեղում, մասնակցել է Սուրբ Գեորգիի կամրջի բացման արարողությանը[13]:

Ծանոթագրություններ[խմբագրել | խմբագրել կոդը]

  1. 1,0 1,1 http://politici.openpolis.it/politico/332707
  2. «Paola De Micheli» (իտալերեն)։ il Sole 24 Ore։ 2016-02-24։ Վերցված է 2019-08-29 
  3. «Primarie PD. Il ritratto di Paola De Micheli» (իտալերեն)։ piacenzasera.it։ 2012-12-28։ Վերցված է 2019-08-29 
  4. Silvio Buzzanca (2019-03-05)։ «Chi è Paola De Micheli, candidata a essere la vice di Zingaretti nel Pd» (իտալերեն)։ la Repubblica։ Վերցված է 2019-08-29 
  5. Pietro Salvatori (2014-10-31)։ «Matteo Renzi sottosegretari: Davide Faraone e Paola De Micheli sbarcano al governo» (իտալերեն)։ Huffington Post։ Վերցված է 2014-11-08 
  6. «GIOVANNI LEGNINI. Chi è il nuovo vicepresidente del Consiglio superiore della magistratura (Csm)» (իտալերեն)։ il Sussidiario։ 2014-09-30։ Վերցված է 2014-11-08 
  7. «Gentiloni completa la squadra: ecco i sottosegretari, non assegnata la delega sui Servizi» (իտալերեն)։ la Repubblica։ 2016-12-29։ Վերցված է 2016-12-31 
  8. «Paola De Micheli apre i lavori di "Piazza Grande", l'incontro promosso da Nicola Zingaretti»։ ilpiacenza.it։ 12 October 2018։ Վերցված է 17 March 2019 
  9. «Chi è Paola De Micheli, candidata a essere la vice di Zingaretti nel Pd»։ La Repubblica։ 5 March 2019։ Վերցված է 17 March 2019 
  10. «Pd: Orlando-De Micheli vice Zingaretti» (իտալերեն)։ ANSA։ 2019-04-17։ Վերցված է 2019-08-29 
  11. «Governo Conte bis: ecco la lista completa dei ministri» (իտալերեն)։ la Repubblica։ 2019-09-04։ Վերցված է 2019-09-04 
  12. «Il nuovo governo ha giurato, iniziato il primo Consiglio dei ministri» (իտալերեն)։ la Stampa։ 2019-09-05։ Վերցված է 2019-09-05 
  13. Andrea Carli e Nicoletta Cottone (2020-08-03)։ «Nuovo ponte di Genova, tagliato il nastro. Mattarella: «La ferita non si rimargina». Bucci: «Se ci sono costi extra fattura ad Aspi»» (իտալերեն)։ il Sole 24 Ore։ Վերցված է 2020-08-04 

Արտաքին հղումներ[խմբագրել | խմբագրել կոդը]