Ուղանցույց Միյո

Ուղանցույց Միյո
Երկիր	Ֆրանսիա
Տեղանք	Միյո և Կրեսել
Տեսակ	կայմապարաններային կամուրջ, պողպատե կամուրջ, ճանապարհային կամուրջ և տեսարժանություն
Նյութ	երկաթբետոն
Թռիչքների քանակ	8
Հատում է	Թարն
Ճարտարապետ	Foster and Partners
Երկարություն	2460 մետր
Լայնություն	12 մետր
Բացման տարեթիվ	դեկտեմբերի 16, 2004
Ժառանգության կարգավիճակ	« Patrimoine du XXe siècle » label?

Ուղանցույց Միյո (ֆր.՝ le Viaduc de Millau), ավտոճանապարհային կամուրջ՝ Ֆրանսիայի հարավում, ունի 7380 ոտնաչափ երկարություն (2460 մ) և 1029 ոտնաչափ բարձրություն (343 մ)։ Կամուրջը բացվել է 2004 թվականի դեկտեմբերի 14-ին։

Նկարագրություն

կամրջի նախագծի հեղինակներն էին բրիտանացի ճարտարապետ Նորման Ֆոսթերը և ֆրանսիացի կամրջաշինարար Միշել Վիրլոժոն։ Այն նախագծված էր որպես վճարովի կամուրջ, որն անցնելու էր Թարն գետի հովտի վրայով և թեթևացնելու էր Լանգեդոկ շրջանով անցնող ճանապարհային երթևեկությունը Փարիզից Իսպանիա։

Հսկայական կամրջի շինարարության համար պահանջվեց երեք տարի։ Այն կազմված է ութ հատվածներից, որոնք հենվում են յոթ վեր խոյացող վիթխարի բետոնե սյուների վրա, որի արդյունքում կամուրջը սահմռկեցուցիչ տեսք է ստանում իր շրջապատի գեղեցիկ ֆոնի վրա։ Կամուրջը, որի արժեքը 394 մլն. եվրո էր, անհրաժեշտ էր կահավորել նաև երթևեկության վարձավճարների մուծման համար ծառայող հանգույցով, ինչի շինարարությունը կամրջի արժեքը ավելացրեց ևս 20 մլն եվրոյով։ Վարձավճարները այժմ հավաքում է կամրջի համար պատասխանատու շինարարական մասնավոր ընկերությունը, սակայն ֆրանսիական կառավարությունը մտադիր է ի վերջո ստանձնել դրա վերահսկողությունը։

Կառուցման ժամանակ Վիադուկը ամենաբարձր տրանսպորտային կամուրջն էր աշխարհում, նրա սյուներից մեկն ունի 343 մ բարձրություն, որը մի փոքր ավելի բարձր է, քան Էյֆելյան աշտարակը և 40 մ ցածր՝ Նյու-Յորքի Էմփայր Սթեյթ Բիլդինգից։

Աղբյուրներ

• Մարկ Տրուման «Աշխարհի հրաշալիքները» (Զանգակ 97)
• Le Viaduc de Millau(ֆր.)(անգլ.)
• Сайт, посвящённый Виадуку Мийо Archived 2005-06-21 at the Wayback Machine.(անգլ.)
• Structurae: Millau Viaduct(անգլ.)
• France shows off tallest bridge(անգլ.) (Репортаж BBC с официального открытия моста)
• In Pictures: The Millau Bridge(անգլ.) (Фотографии моста, а также карта с его расположением, сделанные BBC)
• France opens world’s tallest bridge(անգլ.) (Репортаж MSNBC с открытия моста)