Ուբին (կղզի)
Անվան այլ կիրառումների համար տե՛ս՝ Ուբին (գետ)
 | |
|---|---|
 | |
| Տեսակ | կղզի |
| Երկիր |  Սինգապուր[1] |
| Վարչատարածքային միավոր | North-East Region? |
| Մասն է | Մալայան կղզեխումբ |
| Երկարություն | 8 կմ |
| Լայնություն | 1,7 կմ |
| Մակերես | 10,2 կմ² |
 | |
 | |
Ուբին կղզի կամ Պուլաու Ուբին (չինարեն՝ 乌敏岛 կամ թամիլերեն՝ ՝ உபின் தீவு, մալայերեն՝ Pulau Ubin, անգլ.՝ Pulau Ubin), փոքր կղզի Սինգապուր քաղաք-պետությունում։ Մալայերեն՝ «գրանիտե կղզի»։ Ֆիզիկա-աշխարհագրական տեսակետից գտնվում է Հարավ-Արևելյան Ասիայի Մալայան կղզեխմբի մեջ։ Տարածքը՝ 10,19 քառ. կմ։ Ուբինից դեպի հարավ-արևմուտք Սինգապուրն է, դեպի արևելք՝ Տեկոնգ կղզին։ Կղզին թռչունների միջազգային կարևորության արգելանոց է[2]։
Առասպելը
[խմբագրել | խմբագրել կոդը]Ըստ պահպանված առասպելի՝ Ուբին կղզին առաջացել է, երբ երեք կենդանիներ՝ գորտը, խոզը և փիղը մրցության մեջ են մտել՝ ցանկանալով Սինգապուրից հասնել Ջոհորի ափը։ Այն կենդանին, որը չկարողանար հասնել, պիտի քար դառնար։ Բոլոր երեքն էլ անցան բազում դժվարությունների միջոցով և, այնուամենայնիվ, չկարողացան հասնել Ջոհորի ափերին։ Այդ իսկ պատճառով փիղն ու խոզը քարացան՝ վերածվելով Ուբին կղզու, իսկ գորտը դարձավ Սեկուդու կղզին, որը մալայերենից թարգմանված «գորտի կղզի» է նշանակում[3]։
Պատմություն
[խմբագրել | խմբագրել կոդը]Ուբին կղզին առաջին անգամ քարտեզի վրա է հայտնվել 1828 թվականի Սինգապուր կղզու սխեմա-գծագրում՝ Պուլո Օբին (Pulo Obin) անունով, իսկ ապա՝ Ֆրանկլինի և Ֆիլիպ Ջեքսոնի քարտեզում՝ որպես Պո. Ուբին (Po. Ubin)։
Քարհանքները
[խմբագրել | խմբագրել կոդը]Այն ժամանակից ի վեր, ինչ բրիտանացիները հիմնեցին Սինգապուրը, Ուբին կղզին հայտնի է եղել իր գրանիտով։ Բրիտանացիներն արդյունահանված գրանիտն օգտագործում էին Սինգապուրի նշանավոր շենքերի, Սինգապուր-Ջոհար ծովային ճանապարհ-կամրջի, և ծովային փարոսների շինարարության համար։
1970-ականներին գրանիտի քարհանքները դադարեցին շահագործվել, փակվեցին և դրանք մշակող տեղացի բնակչությունը սկսեց լքել կղզին[4]։
Պատկերասրահ
[խմբագրել | խմբագրել կոդը]-
Տեղացիների տնակներն Ուբին կղզում -
Տուն Ուբին կղզու հյուսիսում -
Մի տեսարան Ուբին կղզուց. քարհանք -
![Ձեռնասուն վարազը և նրա բուծողը Ուբին կղզում]]](//upload.wikimedia.org/wikipedia/commons/thumb/6/64/Pulau_Ubin_tame_wild_boar.jpg/120px-Pulau_Ubin_tame_wild_boar.jpg)
Ձեռնասուն վարազը և նրա բուծողը Ուբին կղզում]] -
«Անթրակոկերոս ալբիրոստրիս» թռչնատեսակը վերահաստատվում է Ուբին կղզում -
Զբոսաշրջիկներն Ուբին կղզում -
Բումբոթ նավերն Ուբին կղզում
![Ձեռնասուն վարազը և նրա բուծողը Ուբին կղզում]]](/wiki/%D5%8A%D5%A1%D5%BF%D5%AF%D5%A5%D6%80:Pulau_Ubin_tame_wild_boar.jpg)
Ծանոթագրություններ
[խմբագրել | խմբագրել կոդը]- ↑ GEOnet Names Server — 2018.
- ↑ «Ubin–Khatib». Important Bird Areas factsheet. BirdLife International. 2014. Վերցված է 2014 թ․ մարտի 18-ին.
- ↑ «Legends of Pulau Ubin». Wild Singapore. Վերցված է 2007 թ․ օգոստոսի 19-ին.
- ↑ Chua Ee Kiam (2000). Pulau Ubin – Ours to Treasure. p. 39. Simply Green, Singapore. ISBN 981-04-3088-4
 | Վիքիպահեստն ունի նյութեր, որոնք վերաբերում են «Ուբին (կղզի)» հոդվածին։ |
| ||||||
