Ոսկան Երևանցի (տպագրատուն)

Ոսկան Երևանցի
Տեսակ	տպարան
Հիմնադրված է	1994
Հիմնադիր	Մեխակ Տեր-Սարգսյան
Վայր	Երևան, Հայաստան
Երկիր	Հայաստան

«Ոսկան Երևանցի», հայկական տպագրատուն։

Պատմություն

Ստեղծվել է 1994 թվականին Երևանում։ Հինադիր-տնօրենը եղել է Մեխակ Տեր-Սարգսյանը։ 2004 թվականին տնօրեն է դարձել Մհեր Սարգսյանը։

Տպագրում է դասագրքեր, գեղարվեստական, պատմական, մասնագիտական, գրական, գունավոր ալբոմներ, բուկլետներ, բրոշյուրներ։

Տպագրատան առավել ուշագրավ հրատարակություններից են Վարդան Արևելցու «Ճառք ներբողեանք» (2000), Է. Տիգրանյանի «Հայ ճարտարապետների գործունեությունը Անդրկովկասում (XIX դարի վերջ–XX դարի սկիզբ)» (2003), Ա. Աղասյանի «Հայ կերպարվեստի զարգացման ուղիները XIX–XX դարերում» (2009) աշխատությունները, Հ. Թումանյանի «Ընտրանին» (2010), Հ. Սահյանի «Երկեր չորս հատորով» (հ. 1, 2..., 2011, 2014...) և «Ընտրանի» (2012) ժողովածուները, Հ. Ղուկասյանի «Ոսկան Երևանցի» պատմավեպը (2012) և այլն։

2002 թվականին «Ոսկան Երևանցի» տպագրատունն արժանացել է «Ոսկե աստղ» միջազգային մրցանակի։

Արտաքին հղումներ

• «Ոսկան Երևանցի» տպագրատան էջը Յութուբում

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։