Ոզնագլխիկ Տուրնեֆորի

Վիքիպեդիայից՝ ազատ հանրագիտարանից
Jump to navigation Jump to search
Ոզնագլխիկ Տուրնեֆորի
Echinops bannaticus 'Taplow Blue' 02.JPG
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Բարդածաղկավորներ
Տեսակ Ոզնագլխիկ Տուրնեֆորի
Լատիներեն անվանում
Echinops tournefortii


Ոզնագլխիկ Տուրնեֆորի (լատ.՝ Echinops tournefortii), բարդածաղկավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Մինչև 1 մ բարձրությամբ բազմամյա բույս է: Ցողունն ունի սպիտակ թաղիքային թավոտություն, զամբյուղների տակ տերևակալած չէ: Տերևները շատ փշոտ են, գոգավոր կամ փետրաձև հատված, վերևից` ոստայնանման, տակից՝ թաղիքային թավոտությամբ և գեղձերով ծածկված ջղերով: Խոզանների փունջը խիտ չէ և հասնում է զամբյուղի կեսին: Ծածկոցի բոլոր տերևները՝ արտաքինները և միջինները, ունեն երկար, կոշտ, ցցված փշոտ–թարթիչավոր եզրեր, գագաթում` հազվադեպ փոքր կարճոտիկ գեղձերով: Պսակը դժգույն–երկնագույն է[1]:

Տարածվածություն[խմբագրել | խմբագրել կոդը]

Հանդիպում է Իջևանի ֆլորիստիկական շրջանում (Իջևանի և Բերդի շրջակայք): Աճում է նաև Արևելյան Անատոլիայում և Հյուսիսարևմտյան Իրանում[1]:

Էկոլոգիա[խմբագրել | խմբագրել կոդը]

Աճում է ստորին և միջին լեռնային գոտիներում՝ ծովի մակարդակից 700–1400 մ բարձրությունների վրա, ինչպես նաև անտառների եզրերին: Ծաղկում է օգոստոս–սեպտեմբեր ամիսներին, պտղաբերում՝ սեպտեմբեր-հոկտեմբերին[1]:

Պահպանություն[խմբագրել | խմբագրել կոդը]

Վտանգված տեսակ է: Հայտնի է ինտենսիվ տնտեսական գործունեության գոտում գտնվող մեկ պոպուլյացիա: Տարածման և բնակության շրջանների մակերեսը 500 կմ²-ից պակաս է: Հայաստանի Կարմիր գրքի առաջին հրատարակության մեջ ընդգրկված չէր: Ընդգրկված չէ նաև CITES–ի և Բեռնի կոնվենցիաների հավելվածներում[1]:

Պահպանության գործողություններ չեն իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6