Ում մահն է գուժում զանգը (վեպ)

Ում մահն է գուժում զանգը; անգլ.՝ For Whom the Bell Tolls
Հեղինակ	Էռնեստ Հեմինգուեյ
Տեսակ	գրական ստեղծագործություն
Ժանր	վեպ
Թեմա	Իսպանիայի քաղաքացիական պատերազմ
Բնօրինակ լեզու	անգլերեն
Նկարագրում է	Իսպանիա
Նախորդ	The Fifth Column and the First Forty-Nine Stories?
Երկիր	ԱՄՆ
Հրատարակիչ	Charles Scribner's Sons
Հրատարակման տարեթիվ	հոկտեմբերի 21, 1940
Թվային տարբերակ	fadedpage.com/showbook.php?pid=20210122
Պարգև(ներ)	Դարի 100 գրքերն ըստ Լը Մոնդ օրաթերթի
Վիքիքաղվածք	Ում մահն է գուժում զանգը
	For Whom the Bell Tolls Վիքիպահեստում

Ում մահն է գուժում զանգը (անգլ.՝ For Whom the Bell Tolls), Էռնեստ Հեմինգուեյի վեպը, որ գրվել է 1940 թվականին։ Վեպը պատմում է Ռոբերտ Ջորդանի՝ Ինտերնացիոնալ բրիգադի ամերիկացի երիտասարդ զինվորի մասին, ով Իսպանիայի քաղաքացիական պատերազմի ժամանակ մեկնել է պարտիզանների մոտ։ Որպես մասնագետի՝ նրան հանձնարարված էր կամրջի պայթեցում՝ Սեգովիայի հարձակման ժամանակ ֆրանկիստների արշավը կասեցնելու համար։ Հեմինգուեյն ասել է, որ վեպում Մարիային նկարագրելիս պատկերացրել է Ինգրիդ Բերգմանին, ով էլ հենց երեք տարի անց խաղաց նրա դերը համանուն ֆիլմում։

Սյուժե[խմբագրել | խմբագրել կոդը]

1937 թվական, Իսպանիա։ Ավարտվում է քաղաքացիական պատերազմի առաջին տարին։ Ռոբերտ Ջորդանը, ով Պաբլոյի պարտիզանական ջոկատ է գալիս հանրապետական ուժերի հրամանով, հանդիպում է Մարիային։ Վերջինիս կյանքը ջախջախվել է պատերազմի հարվածներից։ Ահա այստեղ էլ զարգանում են վեպի հիմնական գործողությունները. Պաբլոյի՝ վտանգավոր հանձնարարությունը չկատարելու ցանկության ու Ջորդանի՝ պարտքի զգացման բախումը, ինչպես նաև բախվում են Ջորդանի պատասխանատվության զգացումն ու կյանքի՝ նոր ձեռք բերած համը, որըպայմանավորված է Մարիայի հանդեպ սիրով։ Վեպի նշանակալի մասը պատմվում է Ռոբերտ Ջորդանի մտքերով ու ապրումներով, իր հոր ու պապի, Մադրիդում ունեցած հանդիպումների մասին հիշողություններով։ Պաբլոյի կինը՝ Պիլարը, պատմում է քաղաքացիական պատերազմի սարսափների մասին։