Շպրոյերհոֆշտրասե
| Շպրոյերհոֆշտրասե | |
|---|---|
.jpg) | |
| Երկիր |  Գերմանիա |
| Գտնվում է | Ռոյթլինգեն[1] |
| Լայնություն | 0,5 մետր և 0,31 մետր[1] |
Շպրոյերհոֆշտրասե (գերմ.՝ Spreuerhofstraße), աշխարհի ամենանեղ փողոցը, որը գտնվում է Գերմանիայի Ռոյթլինգեն քաղաքում[2]։ Փողոցի երկարությունը 50 մետր է, այն ճյուղավորվում է հյուսիսային եզրամասում միմյանց մոտ կառուցված երեք տների շուրջ․ այդ ճյուղերի արևմտյան թևը ձևավորում է «աշխարհի ամենանեղ փողոցը» ըստ Գինեսի ռեկորդների գրքի։ Փողոցի միջին լայնությունը 40 սանտիմետր է, ամենանեղ հատվածում՝ 31 սանտիմետր[3][4]։ Փողոցը կառուցվել է 1727 թվականին՝ նախորդող տարվա հրդեհից հետո, որն ավերել է քաղաքը։ Պաշտոնապես մուտքագրվել է քաղաքային ռեգիստր՝ 72 համարով[5][6]։
Նկարագրություն[խմբագրել | խմբագրել կոդը]
Շպրոյերհոֆշտրասեն գրանցված է Գինեսի ռեկորդների գրքում որպես աշխարհի ամենանեղ փողոցը. ամենանեղ հատվածում նրա լայնությունը 31 սմ է։ Այս փողոցը, որն իրականում ընդամենը տների միջև անցում է, հայտնվել է քարտեզների վրա 1820 թվականին[7]։
Պատմություն[խմբագրել | խմբագրել կոդը]
Փողոցը ստեղծվել է 1726 թվականին քաղաքում տեղի ունեցած հրդեհից հետո, որի ժամանակ ավերվել է բնակելի և հասարակական շենքերի մեծ մասը։ 1820 թվականին փողոցը նշվել է որպես տեղական երթուղի՝ 72 համարով[8]։ Սկզբում Շպրոյեհոֆը Ռոյթլինգենի հիվանդանոցի հացահատիկի պահեստն էր, և անցուղին հավանաբար ծառայել է որպես տարհանման ճանապարհ[9]։ Ռոյթլինգենի քաղաքային մարքեթինգային ընկերության զբոսաշրջության մենեջերի ջանքերից հետո[9] այն 2007 թվականին գրանցվել է Գինեսի ռեկորդների գրքում՝ որպես «աշխարհի ամենանեղ փողոց»[8]։ Նախկինում այդ կոչումը կրում էր Անգլիայի հարավային Էքսետեր քաղաքի Խորհրդարանի փողոցը։ Ռեկորդը գրանցելուց ի վեր Շպրոյերհոֆշտրասեն համարվում է Ռոյթլինգենի զբոսաշրջային տեսարժանությունը[9]։
9 համարի տունը կիսավեր վիճակում էր։ Փտած հեծանների պատճառով այն ավելի ու ավելի էր թեքվում՝ փողոցն ավելի նեղացնելով․ ջրորդանի և հարակից շենքի միջև հեռավորությունը մեկ սանտիմետրից պակաս էր։ Քանի որ սեփականատերը չէր ցանկացել արդիականացնել շենքը, այն ընդգրկված չէր պահպանվող հուշարձանների ցանկում, և ռեկորդային տիտղոսը կվտանգվեր, եթե այն քանդվեր, Ռոյթլինգեն քաղաքը 2013 թվականի հոկտեմբերին գնել է այն և անմիջապես սկսել վերանորոգման աշխատանքները[10]։
Փողոցի ամենանեղ հատվածը գտնվում է թիվ 9 տան մոտ, նրա երկարությունը 3,80 մետր է։ Քանի որ փողոցը գտնվում է քաղաքի տարածքում, այն համարվում է ընդհանուր օգտագործման գոտի, ինչն էլ նրան տվել է «ամենանեղ փողոց» կոչվելու հնարավորություն[11]։
Հետաքրքիր փաստ[խմբագրել | խմբագրել կոդը]
Այն բանից հետո, երբ գողացվեցին ռեկորդի մասին հավաստող ավելի քան 20 ցուցանակներ, այն վերջապես ամրացվեց հատուկ պտուտակներով[12]։
Պատկերասրահ[խմբագրել | խմբագրել կոդը]
|
.jpg)
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.tourismus-reutlingen.de/freizeit-kultur/sehenswertes/reutlingen/locator/engste-strasse-der-welt.html
- ↑ «Engste Straße der Welt». StaRT Reutlingen. Արխիվացված է օրիգինալից 2012 թ․ օգոստոսի 29-ին. Վերցված է 2012 թ․ հունիսի 2-ին.
- ↑ «Narrowest street».
- ↑ Guinness World Records 2009 / Glenday, Craig. — Random House Publishing Group, 2009. — С. 493. — ISBN 0-553-59256-4
- ↑ «Tourismus-Reutlingen: An eye of a needle with world fame». Wirtschaft-Necker Alb. Արխիվացված է օրիգինալից 2012 թ․ փետրվարի 25-ին. Վերցված է 2010 թ․ փետրվարի 5-ին.
- ↑ «Regio-Report Neckar-Alb Aus der Region» (գերմաներեն). E-Paper - Wirtschaft-Neckar Alb. 2007-04. Արխիվացված է օրիգինալից 2011 թ․ հուլիսի 19-ին. Վերցված է 2012 թ․ հունիսի 2-ին.
- ↑ «Самую узкую в мире улицу в Германии, занесенную в Книгу рекордов Гиннесса, могут закрыть». // gazeta.ru. Արխիվացված է օրիգինալից 2016 թ․ մարտի 4-ին. Վերցված է 2012 թ․ հունիսի 22-ին.
- ↑ 8,0 8,1 Engste Straße der Welt schwebt in Gefahr tagblatt.de vom 15. August 2012
- ↑ 9,0 9,1 9,2 Die schwäbische Stadt Reutlingen will die engste Straße der Welt retten Süddeutsche Zeitung vom 10. August 2012
- ↑ Weltrekord gerettet: Stadt kauft Spreuerhofstraße 9 Արխիվացված 2019-02-17 Wayback Machine, auf reutlingen.de
- ↑ 31 Zentimeter breite Straße, Das bisschen Weltrekord Spiegel-Online vom 10. Juli 2012
- ↑ Bildbeschreibung bei Spiegel-Online
Արտաքին հղումներ[խմբագրել | խմբագրել կոդը]
- Տեսարժան վայրեր Ռոյթլինգենում՝ աշխարհի ամենանեղ փողոցը, turistikus-reutlingen.de