Շեստակովի ճեմուղի (Տագանրոգ)
Շեստակովի ճեմուղի ռուս.՝ Шестаковский бульвар | |
---|---|
Կենտրոնական մանկական խաղահրապարակը, 2013 թվական | |
Երկիր | Ռուսաստան |
Գտնվում է | Տագանրոգ |
Անվանվել է | Իվան Շեստակով |
Շեստակովի ճեմուղի (ռուս.՝ Шестаковский бульвар), Ռուսաստանի Դաշնության Ռոստովի մարզի Տագանրոգ քաղաքի Սոբորնայա հրապարակի մոտակայքում 1860-ական թվականներին ստեղծված ճեմուղի։ Անվանումը տրվել է 1866-1868 թվականներին Տագանրոգի քաղաքագլխի պաշտոնը զբաղեցրած Իվան Շեստակովի պատվին, որի նախաձեռնությամբ հիմնադրվել է այս ճեմուղին։ Հիմնադրվել է 1867 թվականին Սոբորնայա հրապարակում, որտեղ նախկինում իրականացվել է ձկան վաճառք[1]։
Պատմություն[խմբագրել | խմբագրել կոդը]
Ճեմուղին ստեղծվել է 1860-ական թվականներին` Տագանրոգի քաղաքագլուխ Իվան Շեստակովի հանձնարարությամբ[2][3]։ Գտնվել է Սոբորնայա հրապարակում, այսօրվա Ուկրաինական նրբանցքի տեղում, ժամանակակից անվանումներով` Պետրոսի և Ֆրունզեի փողոցների միջև։ Նախկինում Սոբորնայա հրապարակում գործել է ձկնամթերքի շուկա[1]։
Այստեղ տնկվել են ծառեր ու թփեր, կառուցվել հանգստի համար նստարաններով ծառուղի[2]։
Շեստակովի անունով ճեմուղին կոչվել է միայն 1885 թվականին, երբ քաղաք էր ժամանել Իվան Շեստակովը, որն այդ տարիներին արդեն ծովային հարցերի նախարար էր[1]։ Խորհրդային տարիներին այս ճեմուղին սկսեցին կոչել «պուրակ Ուկրաինական նրբանցքում»[2]։
1979 թվականին ճեմուղու սկզբնամասում (Պետրոսի փողոցում) տեղադրվեց «Կորոլյով և Գագարին» քանդակագործական կոմպոզիցիան (հեղինակ՝ Ռուսաստանի ժողովրդական նկարիչ Օլեգ Կոմով)։ Այժմ այն տեղափոխվել է Հարավային դաշնային համալսարանի ինժեներա-տեխնոլոգիական ակադեմիայի «Ա» մասնաշենքի մոտ[1] (Չեխովի փողոց)։
1980-ական թվականների վերջում՝ Միխայիլ Գորբաչովի նախաձեռնած Վերակառուցման տարիներին, պուրակն ամայացավ։ Պուրակի որոշ հատվածներ մնացին, սակայն նրա անվանումը մոռացվեց[1]։ 2001 թվականին, «Բլագո» («Բարօրություն») հասարակական հիմնադրամի ջանքերով, պուրակում կազմակերպվեց Կենտրոնական մանկական խաղահրապարակ[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 «Шестаковский бульвар». Արխիվացված է օրիգինալից 2020 թ․ օգոստոսի 11-ին. Վերցված է 2017 Ապրիլ 7-ին.
- ↑ 2,0 2,1 2,2 2,3 Киричек М. С. По ладоням твоих площадей. — Таганрог: Лукоморье, 2007. — С. 58.
- ↑ Шестаков И. А. Полвека обыкновенной жизни. Воспоминания (1838—1881 гг.). — Санкт-Петербург: Судостроение, 2006. — 784 с.