Շավկատ Աբդուսալամով

Շավկատ Աբդուսալամով
Ծնվել է	ապրիլի 28, 1936(1936-04-28) (88 տարեկան)
Ծննդավայր	Տաշքենդ, Ուզբեկական ԽՍՀ, ԽՍՀՄ
Քաղաքացիություն	ԽՍՀՄ և  Ռուսաստան
Կրթություն	Մոսկվայի Գերասիմովի անվան կինեմատոգրաֆիայի ինստիտուտ
Մասնագիտություն	դերասան, կինոռեժիսոր, սցենարիստ և նկարիչ-բեմադրող
Պարգևներ
Shavkat Abdusalamov Վիքիպահեստում

Շավկատ Ֆազիլովիչ Աբդուսալամով (ռուս.՝ Шавкат Фазилович Абдусаламов, ապրիլի 28, 1936(1936-04-28), Տաշքենդ, Ուզբեկական ԽՍՀ, ԽՍՀՄ), խորհրդային և ռուս նկարիչ, դերասան, գրող և ռեժիսոր։

Կենսագրություն

Շավկատ Աբդուսալամովն ավարտել է Մոսկվայի Գերասիմովի անվան կինեմատոգրաֆիայի համառուսական պետական ինստիտուտը (1966)։ Որպես բեմադրող նկարիչ աշխատել է Անդրեյ Տարկովսկու, Էլեմ Կլիմովի, Ալի Խամրաևի ֆիլմերում։ Կատարել է գլխավոր դերեր Խամրաևի «Տրիպտիխ», «Թիկնապահ» ֆիլմերում։ Առաջին անհատական ցուցահանդեսը տեղի է ունեցել 1972 թվականին, սակայն կարճ ժամանակ անց փակվել է նկարների կրոնական թեմատիկայի պատճառով։ Նրա նկարները պահվում են Տրետյակովի պատկերասրահում, Նենսի և Նորդոն Դոջեյների հավաքածուում Միացյալ Նահանգներում։ 2000 թվականին Աբդուսալամովի «Միաեղջյուր» վեպը (Անդրեյ Նեմզերի բնորոշմամբ՝ էպիկական առակ) ընդգրկվել է «Ռուսական Բուքեր» մրցանակի ընդլայնված ցուցակում։  2002 թվականին նկարիչը հանդես է եկել որպես ռեժիսոր` նկարահանելով «Արյունաջուր» (ռուս.՝ «Сукровица») ֆիլմը։

Հարցին, թե Աբդուսալամովն իրեն ինչ է համարում՝ նկարիչ, գրող, թե ռեժիսոր, նա պատասխանել է․ «Ո՞վ ես հիմա ...Մարդ, որ սիրում է մարդկանց և կենդանիներին... Որը հասկանում է կենդանիներին և փորձում է հասկանալ մարդկանց...»:

Տոնինո Գուերրան (1920-2012), որը բազմիցս եղել է Մոսկվա և այցելել Շավկատ Աբդուսալամովին իր արվեստանոցում, բարձր է գնահատել նրա աշխատանքը և նրա կյանքի փիլիսոփայությունը։

Ցուցահանդեսներ

2005 թվականի դեկտեմբերի 9-ից մինչև 2006 թվականին հունվարի 22-ը Պուշկինի անվան կերպարվեստի թանգարանում անցկացվել է Շավկատ Աբդուսալամովի աշխատանքների ցուցահանդեսը՝ «Տարածություն Շավկատ Ա» (ռուս.՝ «Пространство Шавкат-А»), որի հետ թողարկվել է համանուն ալբոմը։

Ֆիլմագրություն

Նկարիչ

1. 1966 – Սպիտակ-սպիտակ արագիլներ (ռուս.՝ Белые-белые аисты)
2. 1966-1967 – Յուրաս Բրատչիկի կյանքն ու համբառնալը (ռուս.՝ Житие и вознесение Юрася Братчика)
3. 1971 – Ասք Ռոստամի մասին (ռուս.՝ Сказание о Рустаме)
4. 1974 – Ագոնիա
5. 1976 – Ասք Սիյավուշի մասին (ռուս.՝ Сказание о Сиявуше)
6. 1979 – Ստալկեր (տիտրերում նշված չէ)
7. 1979 – Տրիպտիխ
8. 1979 – Թիկնապահ
9. 1983 – Տոթ ամառ Քաբուլում
10. 1987 – Հեռանալով մնում են
11. 1988 – Սմերչ
12. 1989 – Փոքրիկ մարդը մեծ պատերազմում
13. 2002 – Կոստրոմա
14. 2002 – Արյունաջուր (ռուս.՝ «Сукровица»)
15. 2004 – Չորսը

Դերասան

1. 1974 – Ագոնիա
2. 1979 – Տրիպտիխ
3. 1979 – Թիկնապահ – Ֆոտաբեկ (դերը հնչյունավորել է Օլեգ Յանկովսկին)
4. 1979 թվական – Տրիպտիխ
5. 1979-1984 – Կրակե ճանապարհներ – Ումիդ
6. 1987 – Լիազորված է հեղափոխությամբ
7. 1989 – Փոքրիկ մարդը Մեծ պատերազմում
8. 2004 – Չորսը
9. 2007 – Երրորդ երկինք

Սցենարիստ

1. 2002 – Արյունաջուր (ռուս.՝ «Сукровица», Такваш կեղծանունով)

Ռեժիսոր

1. 2002 – Արյունաջուր (ռուս.՝ «Сукровица», Такваш կեղծանունով)

Մատենագրություն

• Отшельник Такваш. Единорог. Из тетрадей скитальца по межконтинентальному пейзажу. — М. : Фонд «Лики культур», 1999. — 336 с. — 1000 экз. — ISBN 5-901222-01-6.

Արտաքին հղումներ

• Линия жизни / Шавкат Абдусаламов / tvkultura.ru Արխիվացված 2013-10-02 Wayback Machine
• Шавкат Абдусаламов в галерее современного искусства
• Шавкат Абдусаламов. Крик паровоза
• Пространство Шавкат.А
• Чудесный мир Шавката Արխիվացված 2016-03-09 Wayback Machine
• Елена Широян. Узоры на ковре Արխիվացված 2015-09-24 Wayback Machine
• Шавкат Абдусаламов в «Энциклопедии отечественного кино»(չաշխատող հղում)
• Шавкат Абдусаламов (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Շավկատ Աբդուսալամով» հոդվածին։