Շահեն Հայրապետով
Շահեն Հայրապետով | |
---|---|
Ի ծնե | Շահեն Ալեքսանդրի Հայրապետով |
Ծնվել է | 1917 նոյեմբերի 30 |
Ծննդավայր | Տանակերտ, Նախիջևան[1] |
Մահացել է | սեպտեմբերի 6, 2007 | (տարիքը 89)
Վախճանի վայր | Մոսկվա |
Ազգություն | հայ |
Ճյուղ(եր) | ճարտարապետություն |
Գործունեություն | ճարտարապետ |
Կրթություն | Մոսկվայի ճարտարապետության ինստիտուտ |
Պարգևներ |
Շահեն Ալեքսանդրի Հայրապետով (նոյեմբերի 30, 1917, Դերբենդ, Դաղստանի մարզ, ՌԽՖՍՀ - սեպտեմբերի 6, 2007, Մոսկվա, Ռուսաստան), ճարտարապետ, ՌՍՖՍՀ վաստակավոր ճարտարապետ (1975)։
Կենսագրություն[խմբագրել | խմբագրել կոդը]
1947 թվականին ավարտել է Մոսկվայի ճարտարապետության ինստիտուտը։ Եղել է «Մոսնախագիծ-2»-ի, «Ակադեմ» նախագծերի գլխավոր ճարտարապետը, Քաղաքացիական շինարարության և ճարտարապետության պետկոմի հասարակական կառույցների վարչության պետի տեղակալ, ԽՍՀՄ ԳԱ նախագծերի փորձագիտության բաժնի գլխավոր փորձագետ։
Հեղինակային խմբի կազմում իրականացրել է Մոսկվայի Կալինինի պողոտայի առևտրային կենտրոնի կառույցները, Կրեմլում ԽՍՀՄ ԳԽ նախագահության շենքի, Գորկու փողոցի և Կառլ Մարքսի պողոտայի վերակառուցումները։
Հայրապետովի նախագծերով կառուցվել են ԽՍՀՄ ԳԱ Լեռնային գործի ինստիտուտի, ԽՄԿԿ կենտկոմին կից հասարակական ԳԱ շենքերը, Մոսկվայում` Լյուքսեմբուրգի դեսպանատունը, Դամասկոսում` ԽՍՀՄ դեսպանատան շենքերի համակառույցը, Ջոկյակարտայում` ԽՍՀՄ տաղավարը Ինդոնեզիայի միջազգային ցուցահանդեսում։
Մասնակցություն Հայրենական պատերազմին[խմբագրել | խմբագրել կոդը]
1941 թվականի մարտից մինչև 1945 թվականը ծառայել է բանակում։ 1942 թվականին ավարտել է Ռազմա-ինժեներական ակադեմիայի արագացված դասընթացները։ Մարտնչել է Կալինինյան ռազմաճակատում, Արևմտյան ռազմաճակատում, Երրորդ Բելառուսական ռազմաճակատում, Առաջին մերձբալթյան ռազմաճակատում` որպես ականազերծման վաշտի հրամանատար։ Վերջին զինվորական կոչումը եղել է կապիտան։ Երեք անգամ վիրավորվել է։ Եղել է Հայրենական մեծ պատերազմի հաշմանդամ[2]։
Ցուցահանդեսներ[խմբագրել | խմբագրել կոդը]
Ունեցել է ստեղծագործական և գրաֆիկական աշխատանքների ցուցահանդեսներ (1978, 1979, 1987 թվականներ), 1991 թվականին կազմակերպել է «Հայաստանի հին ճարտարապետությունը» ցուցահանդեսը Մոսկվայում[3]։
Մրցանակներ[խմբագրել | խմբագրել կոդը]
- Հայրենական պատերազմի 1-ին և 2-րդ աստիճանի շքանշաններ
- Ժուկովի անվան արծաթե մեդալ
- ԺՏՆՑ արծաթե մեդալ
- «Ոսկեհատույթ» մրցանակ, 2005
Ծանոթագրություններ[խմբագրել | խմբագրել կոդը]
- ↑ Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 274 — 368 էջ. — 2700 հատ, ISBN 5-8079-0911-9։
- ↑ «О принципах архитектурной композиции Жолтовского. Айрапетов.pdf». Google Docs. Վերցված է 2019 թ․ մարտի 6-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- Մոսկվայի ճարտարապետության ինստիտուտի շրջանավարտներ
- Հայրենական պատերազմի 1-ին աստիճանի շքանշանակիրներ
- Հայրենական պատերազմի 2-րդ աստիճանի շքանշանակիրներ
- Կարմիր աստղի շքանշանի ասպետներ
- Պատվո շքանշանի ասպետներ (ԽՍՀՄ)
- Անձինք այբբենական կարգով
- Ճարտարապետներ այբբենական կարգով
- Նոյեմբերի 30 ծնունդներ
- 1917 ծնունդներ
- Սեպտեմբերի 6 մահեր
- 2007 մահեր
- Մոսկվա քաղաքում մահացածներ
- Դերբենտ քաղաքում ծնվածներ
- Հայ ճարտարապետներ
- Խորհրդային ճարտարապետներ