Շալոմ (թատրոն)
 Московский еврейский театр «Шалом» | |
|---|---|
.jpg) | |
| Տեսակ | թատրոն |
| գեղարվեստական ղեկավար | ՌԴ ժողովրդական արտիստ Ալեքսանդր Լեվենբուկ |
| Երկիր | Ռուսաստան |
| Գտնվելու վայրը | Մոսկվա, Լենինգրադյան պողոտա, 71 շենք |
| Հիմնադրման ամսաթիվ | 1988 |
| Անվանված է | Մոսկվայի հրեական դրամատիկական թատրոն-ստուդիա |
 Shalom Theatre Վիքիպահեստում | |
Մոսկվայի հրեական «Շալոմ» թատրոն, հրեական թատրոն բոլոր ազգությունների համար, հիմնադրվել է 1988 թվականին։ Գտնվում է Մոսկվա, Վարշավյան պողոտա, 71 տուն հասցեում։ Միակ թատրոնն է Ռուսաստանում, որն ամբողջապես նվիրված է հրեական մշակույթին ու ավանդույթներին[1]։
Պատմություն[խմբագրել | խմբագրել կոդը]
Մոսկվայի հրեական դրամատիկական անսամբլ[խմբագրել | խմբագրել կոդը]
Թատրոնին տրամադրվել է նախկինում «Շող» կինոթատրոնին պատկանող շենքը Վարշավյան պողոտայում։ Թատրոնը մեծ պատմություն ունի, որն սկսվում է հետպատերազմյան տարիներից, երբ ԽՍՀՄ ժողովրդական արտիստ Սոլոմոն Միխոելսի սպանությունից հետո փակվել են բոլոր հրեական թատրոնները, այդ թվում` գլխավոր` Պետական հրեական թատրոնը, որի գեղարվեստական ղեկավարն էր նա։ Ավելի ուշ, 60-ական թվականներին, մեծ դժվարությամբ թույլտվություն է տրվել ստեղծելու Հրեական դրամատիկական անսամբլը, որը գոյութուն է ունեցել մինչև 1988 թվականը, այսինքն, մինչև Մոսկվայի հրեական «Շալոմ» թատրոնի ստեղծումը[1]։ 1962 թվականին Մոսկոնցերտին կից ստեղծվել է Մոսկվայի հրեական դրամատիկական անսամբլը։ Անսամբլի առաջին կազմում կային երեք դերասաններ 1949 թվականին փակված Մոսկվայի պետական հրեական թատրոնից։ Դրանք էին Բինիոմին Շվարցերը, Սոնյա Բինիկը և Ա. Կոգանը[2], ինչպես նաև` Լեա Կոլինան, Զինովի Շուլմանը, Ս. Լեշինսկայան։ Անսամբլի գեղարվեստական ղեկավարն էր Բինիոմին Շվարցերը։ 1973 թվականին ցուցադրվել է «Կախարդված դերձակը» ըստ Շալոմ Ալեյհեմի պատմվածքի։ Ներկայացումը բարձր է գնահատվել թատերական հասարակության կողմից, «Կախարդված դերձակը» եղել է անսամբլի խաղացանկի մեջ 8 տարի։ 1980 թվականին անսամբլի ղեկավար է նշանակվել Յակով Գուբենկոն, ում առաջարկել են ստեղծել հրեական թատրոն-ստուդիա, սակայն գործընթացը ձգվել է մի քանի տարի տարի։
Թատրոնի հիմնադրում[խմբագրել | խմբագրել կոդը]
1986 թվականին Մոսկվայի հրեական դրամատիկական անսամբլը վերանվանվել է Մոսկվայի հրեական դրամատիկական թատրոն-ստուդիայի և առաջին անգամ հրեական մշակութային հաստատությունների փակումից հետո ստացել է մշտական գործելու վայր։ 1987 թվականին թատրոնի գեղարվեստական ղեկավարն է դարձել Ալեքսանդր Լեվենբուկը։ Թատրոնն ստացել է նոր անվանում` Մոսկվայի հրեական «Շալոմ» թատրոն։ Այդ ժամանակ ռուսերեն լեզուն գերակա է դարձել բեմում, իսկ գործիքային անսամբլը դուրս է եկել թատրոնի կազմից։
Հրեական թատրոնն այսօր[խմբագրել | խմբագրել կոդը]
2013 թվականի ապրիլի 8-ին Մոսկվայի հրեական «Շալոմ» թատրոնը հանդիսավոր կերպով նշել է իր գործունեության 25-ամյակը Էստրադայի թատրոնի բեմում։ Հրեական թատրոնի համար հոբելյանական ներկայացում է եղել Իգոր Դեմարինի երաժշտության հիման վրա գրված «Ադամ և Եվա» ներկայացումը[3] Թատրոնի 26-րդ թատերաշրջանը բացվել է միանգամից երկու հարթակներում` կապված Վարշավյան պողոտայում գտնվող շենքում ընթացող շինարարության հետ։ Վերանորոգման աշխատանքների ժամանակ կիրակի օրերին «Շալոմ» թատրոնը ներկայացումներ է խաղացել Ռուսաստանի թատերական արվեստի համալսարանում[4]։
Դերասաններ[խմբագրել | խմբագրել կոդը]
- Մարինա Գոլուբ Գրիգորևնա (1987-2002)[5]
- Դմիտրի Վիկտորովիչ Գուդոչկին (2007-2013)[6]
- Կոնստանտին Վլադիմիրովիչ Լեշենկո (2007 թվականից սկսած)[7]
- Մարկ Շոլիմովիչ Գեյման[8]
- Վիկտորիա Յուրևնա Տարասովա (սկսած 1997 թվականից)[9]
- Յանինա Խաչատուրովա (սկսած 1989 թվականից)
Ներկայացումներ[խմբագրել | խմբագրել կոդը]
- «Գնացք երջանկության հետևից» (ըստ Արկադի Հայթի պիեսի)։
Ժամանակակից խաղացանկ[խմբագրել | խմբագրել կոդը]
- «Սառածը», ռեժ.` Միխայիլ Ցերիշենկո
- «Տիկին Ռոզա»
- «Աղացած ձուկ գարնիրով»
- «Զվարճալի 13 թիվը»
- «Նյու Յորքի կեսն ինձ հիմա հարազատ է»
- «Սերը խոչընդոտներով»
- «Ի՞նչ ես դու նրա մեջ գտել»
Մանկական ներկայացումներ[խմբագրել | խմբագրել կոդը]
- «Իսկ երրորդ պինգվինը ճամպրուկում է...»
- «Լեոպոլդ կատուն»
- «Դե, գա՛յլ, սպասի՛ր»
- «Տրալի-վալի օպերացիան կամ Շապոկլյակի խոսակցությունը»
Այլ ներկայացումներ[խմբագրել | խմբագրել կոդը]
- «Սիրո մասին տարբեր լեզուներով»
- «Անտանելի սեր մարդկանց հանդեպ». Ռուսաստանի վաստակավոր արտիստ, Ռոման Վիտյուկի թատրոնի առաջատար դերասան Դմիտրի Բոզինի պոեզիայի ծրագիր
Ծանոթագրություններ[խմբագրել | խմբագրել կոդը]
- ↑ 1,0 1,1 ««Շալոմ» թատրոնի մասին թատրոնի կայքում». Արխիվացված է օրիգինալից 2017 թ․ օգոստոսի 8-ին. Վերցված է 2017 թ․ օգոստոսի 4-ին.
- ↑ ««Շալոմ» թատրոնի մասին enc-dic.com կայքում». Արխիվացված է օրիգինալից 2017 թ․ օգոստոսի 7-ին. Վերցված է 2017 թ․ օգոստոսի 4-ին.
- ↑ «Շալոմ» թատրոնը պատրաստում է մյուզիքլ աստվածաշնչյան թեմայով.m24.ru
- ↑ «Москва 24»: Еврейский театр «Шалом» откроет сезон на двух площадках
- ↑ Մարինա Գոլուբի մասին նրա պաշտոնական կայքում
- ↑ «Դմիտրի Գուդոչկինի մասին ruskino.ru կայքում». Արխիվացված է օրիգինալից 2018 թ․ սեպտեմբերի 6-ին. Վերցված է 2017 թ․ օգոստոսի 4-ին.
- ↑ «Կոնստանտին Լեշենկոյի մասին «Շալոմ»-ի կայքում». Արխիվացված է օրիգինալից 2017 թ․ օգոստոսի 8-ին. Վերցված է 2017 թ․ օգոստոսի 4-ին.
- ↑ «Умер Марк Гейхман (Москва)» — Страстной бульвар, 10, Выпуск № 4-144/2011
- ↑ «Վիկտորիա Տարասովայի մասին «Շալոմ» կայքում». Արխիվացված է օրիգինալից 2017 թ․ օգոստոսի 8-ին. Վերցված է 2017 թ․ օգոստոսի 4-ին.