Շալյապին Պալաս

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Շալյապին Պալաս
Shalyapin Palace Hotel, Kazan 13 11 05.JPG
Տեսակտեսարժանություն և ՌԴ մշակութային ժառանգության օբյեկտ
ԵրկիրFlag of Russia.svg Ռուսաստան
ՏեղագրությունԿազան
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 55°47′15.900000100009″ հս․ լ. 49°7′11.2872001″ ավ. ե. / 55.78775000002777773° հս․. լ. 49.119802000028° ավ. ե. / 55.78775000002777773; 49.119802000028
Պաշտոնական կայք

«Շալյապին Պալաս Հոթել» հյուրանոց (ռուս.՝ Гостиница «Шаляпин Палас Отель», թաթ.՝ «Шаляпин Палас Отель» кунакханә), հյուրանոց Թաթարստանի մայրաքաղաք Կազանում։ Զբաղեցնում է երկու փոխկապակցված շենքեր (առաջինը` անկյունային և երկրորդը` փողոցի երկայնքով) Բաումանի հետիոտնային փողոցի (թիվ 80 շենք) և Համալսարանական փողոցի (թիվ 7 շենք) խաչմերուկում։ Շենքերի համալիրը հանրապետական նշանակության մշակութային հուշարձան է[1]։

Անկյունային առաջին շենքը
Երկրորդ շենքը Շալյապինի հուշարձանի հետևում

Նկարագրություն[խմբագրել | խմբագրել կոդը]

Առաջին շենքը կառուցվել է 1869-1873 թվականներին որպես Կազանի վաճառականների առաջին գիլդիայի առևտրական Զիգանշի Ուսմանովի տուն։ 1899 թվականին շենքը վերակառուցվել է նոր սեփականատերերի համար` դառնալով Ե. Ս. Սմոլենցևի և Ն. Պ. Շմելյովի առևտրի տուն։ Այդ ժամանակ էլ շենքի վերևի մասում հայտնվել հյուրանոցը, որը հայտնի էր որպես «Հյուսիսային համարներ»։

Հարևանությամբ 1909-1910 թվականներին նույն Սմոլենցևի և Շմելյովի պատվերով կառուցվել է հյուրանոցի երկրորդ` երկգմբեթանի շենքը։ Երկու շենքերը կապվել են միմյանց հետ և ներկված են եղել կանաչ երանգներով։

Խորհրդային տարիներին հյուրանոցը կոչվում էր «Սովետ»։

Կազանի 1000-ամյակի կապակցությամբ 2005 թվականին շենքերն ամբողջությամբ վերակառուցվեցին և վերականգնվեցին։ Փոխվեց նաև շենքի գունավորումը` ստանալով կրեմագույն-շագանակագույն երանգներ։ Շենքերը սկսեցին լուսավորվել գիշերային պայծառ լուսավորության սարքերով, որից հետո հյուրանոցը ստացավ ժամանակակից անվանումը։

Հյուրանոցի գլխավոր մուտքի առջևի հարթակում (երկրորդ շենք) 1999 թվականին տեղադրվել է ռուս բաս երգիչ, ռուսական ռեալիստական վոկալ-բեմական արվեստի խոշորագույն ներկայացուցիչ Ֆեոդոր Շալյապինի հուշարձանը, որը ծնվել է Կազանում:

Առաջին շենքի առաջին հարկում խանութներ ու գրասենյակներ են։

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]