Նորիկ Թադևոսյան
Նորիկ Թադևոսյան | |
---|---|
Ծնվել է | 1924 |
Ծննդավայր | Քանաքեռ, Երևանի գավառ, Հայկական ԽՍՀ, ԱԽՖՍՀ, ԽՍՀՄ |
Մահացել է | 2010 |
Քաղաքացիություն | ԽՍՀՄ |
Կրթություն | Հայկական պետական մանկավարժական համալսարան (1954) |
Մասնագիտություն | մանկավարժ |
Նորիկ Համբարձումի Թադևոսյան (1924, Քանաքեռ, Երևանի գավառ, Հայկական ԽՍՀ, ԱԽՖՍՀ, ԽՍՀՄ - 2010), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
Կենսագրություն[խմբագրել | խմբագրել կոդը]
Նորիկ Թադևոսյանը ծնվել է 1924 թվականին, Քանաքեռում։ Ավարտել է միջնակարգ դպրոցը, և որպես ուսուցիչ աշխատել նույն դպրոցում։
1941 թվականին, Գերմանա-խորհրդային պատերազմի առաջին օրերին կամավոր մեկնել է բանակ, ծառայել 25-րդ գվարդիական բրիգադում, մասնակցել ֆաշիստական հորդաների դեմ մղված բազմաթիվ մարտերին։ 1943 թվականի սեպտեմբերի 13-ին Թադևոսյանը հրաման է ստացել «լեզու» բերել, որի համար ընկերների հետ հրաձգության տակ ընկնելով կատարել են հրամանը, հրաձգության ժամանակ վիրավորել են գերմանացի սպային և գերի վերցրել։ Մարտական խնդիրը կատարելու համար պարգևատրվել է «Մարտական ծառայությունների համար» մեդալով։ 1943 թվականի սեպտեմբերին, մարտերին մասնակցել է Վյազմա-Սմոլենսկ ուղղությամբ։ Մարտերից մեկում Թադևոսյանը ծանր վիրավորվել է։ Երկարատև բուժումից հետո, 1944 թվականին զորացրվել է բանակից, որպես 2-րդ կարգի հաշմանդամ[1]։
Թադևոսյանը պարգևատրվել է «Մարտական ծառայությունների համար», «Գերմանացիների դեմ տարած հաղթանակի համար», «Հաղթանակի 30-ամյակին» մեդալներով[1]։
1954 թվականին ավարտել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը։ Վերջին 30 տարում Թադևոսյանն աշխատել է Ավանի և Սովետական շրջանի № 29 երեկոյան դպրոցներում ուսմասվար և պատմության ուսուցիչ։ Պարգևատրվել է «Աշխատանքի վետերան» մեդալով[1]։
Նորիկ Թադևոսյանը մահացել է 2010 թվականին։
Պարգևներ[խմբագրել | խմբագրել կոդը]
- «Մարտական ծառայությունների համար» մեդալ
- «Գերմանացիների դեմ տարած հաղթանակի համար» մեդալ
- «Հաղթանակի 30-ամյակին» մեդալ
- «Աշխատանքի վետերան» մեդալ
Ծանոթագրություններ[խմբագրել | խմբագրել կոդը]
- 1924 ծնունդներ
- Երևան քաղաքում ծնվածներ
- 2010 մահեր
- ՀՊՄՀ շրջանավարտներ
- Անձինք այբբենական կարգով
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալակիրներ
- «Աշխատանքի վետերան» մեդալակիրներ
- «Մարտական ծառայությունների համար» մեդալով պարգևատրվածներ
- Հայ մանկավարժներ
- Հայրենական մեծ պատերազմի հայ մասնակիցներ