«Նյու Յորք» մարզադաշտ (անգլ.՝ AESSEAL New York Stadium), մարզադաշտ ԱնգլիայիՀարավային Յորքշիր կոմսության Ռոթերհեմ քաղաքում։ Հանդիսանում է «տնային» մրցասպարեզը «Ռոթերհեմ Յունայթեդ» ֆուտբոլային ակումբի, որը միաժամանակ նրա սեփականատերն ու կառավարիչն է։ Անվանման հիմքում ընկած է այն ընկերության անունը, որը նախկինում շուրջ 150 տարի շարունակ զբաղեցրել է տարածքը և հայտնի է եղել նրանով, որ հակահրդեհային հիդրատներ է մատակարարել ամերիկյանՆյու Յորք քաղաքին։ Տարածքի համար տևական վեճերից հետո 2011 թվականի հունիսին նոր մարզադաշտի 17 մլն. ֆունտ ստեռլինգ արժողությամբ շինարարությունը վերջապես սկսվել է։ Նորակառույցն իր դռները պաշտոնապես բացել է 2012 թվականիմարտի 12-ին։ Ընդ որում՝ բացման հանդսավոր արարողությանը մասնակցել է Քենտի կոմս Էդվարդ դը Քենտը[1]։ Առաջին խաղն այստեղ կայացել է 2012 թվականիհուլիսի 21-ին «Ռոթերհեմ Յունայթեդ»-ի և «Բառնսլի»-ի միջև և ավարտվել է 2:1 հաշվով՝ հօգուտ տանտերերի[2]։ Անգլիայի ֆուտբոլի լիգայի առաջնության առաջին խաղը նորակառույց մրցասարեզում տեղի է ունեցել 2012 թվականիօգոստոսի 18-ին. «Ռոթերհեմ Յունայթեդ»-ը մրցել է «Բերտոն Ալբիոն»-ի դեմ և 11 441 հանդիսականների ներկայությամբ հաղթանակ տարել խոշոր՝ 3:0 հաշվով[3]։ Պաշտոնապես գրանցված առաջին գոլի հեղինակ է դարձել Դանիել Նարդիելլոն[4]։
«Նյու Յորք» մարզադաշտում կայացել են նաև մջազգային մրցախաղեր։ 2014 թվականիապրիլի 14-ին ֆուտբոլի Անգլիայի մինչև 18 տարեկանների հավաքականն այստեղ մրցել է գերմանացի հասակակիցների հետ և 9000 ֆոտբոլասերների ներկայությամբ հաղթանակ տարել 2-1 հաշվով[5]։ 2022 թվականի հուլիսին այստեղ անց են կացվել Եվրոպայի կանանց ֆուտբոլի առաջնության հանդիպումներից մի քանիսը։
«Նյու Յորք» մարզադաշտում հանդիսականների առավելագույն թվաքանակի ռեկորդը սահմանվել է 2013 թվականիսեպտեմբերի 7-ին, երբ այստեեղ 11 758 ֆուտբոլասերներ հետևել են «Շեֆիլդ Յունայթեդ»-ի դեմ տանտերերի մրցապայքարին[6]։