Նիկոս Փափազոգլու

Վիքիպեդիայից՝ ազատ հանրագիտարանից
Նիկոս Փափազոգլու
Papazoglou2.jpg
Հիմնական տվյալներ
Ի ծնե անուն Նիկոլաոս Փափազոգլու
Ծնվել է 20 մարտ 1948
Սալոնիկ
Երկիր Հունաստան
Մահացել է 17 ապրիլ 2011
Սալոնիկ
Ժանրեր ավանդական, Ժամանակակից
Մասնագիտություն Երգիչ, երգահան,երաժիշտ
Գործիքներ Բագլամաս, բուզուկի
Գործունեություն 1965 - 2011
Լեյբլ Λύρα

Նիկոս Փափազոգլու (հուն.՝ Νίκος Παπάζογλου, մարտի 20, 1948, Սալոնիկ - ապրիլի 17, 2011[1], Սալոնիկ), հույն երգիչ, երգահան, երաժիշտ։ Ծնվել, ապրել ու մահացել է Սալոնիկում (Թեսաղոնիկե)։ Բեմերում յուրահատուկ էր իր կարմիր փողկապով։ Նա ունեցել է բացառիկ խոր ձայն, բանաստեղծական կրքոտ երգերով։ Հիմնականում երգեր է ստեղծագործել հին ու ավանդական ժանրերը մեկտեղելով Ժամանակակից ձայների հետ։

Փափազոգլուն իր երգի ասպարեզն սկսել է 1960-ականների կեսերին Հունաստանում, ելույթ ունենալով տեղական տարբեր երաժշտական խմբերի հետ։ 1972-ին, Հունական «Զիլոտիս» խմբի հետ անցել է Գերմանիայի Աախեն քաղաքը, միջազգային ճանաչում ձեռք բերելու նպատակով։ Այնուհետև, կարճ ժամանակով մեկնել է Իտալիայի Միլան քաղաքը նոր երգեր ձայնագրելու համար։ Շատ չանցած, նա վերադարձել է Հունաստան։[2]

1976-ին, Ախարնիս փառատոնի շրջանակներում, Փափազոգլուն ծանոթացել է երգահան-կոմպոզիտոր Մանոլիս Ռասուլիսին հետ, որտեղից էլ սկսել է նրանց համագործակցությունը։ 1978-ին թողարկել են Էկդիկիսի դիս Կիֆտիաս (հուն.՝ Εκδίκηση της γυφτιάς, նշանակում է՝ Գնչուների վրեժը Հունաստանում) վիճահարույց ալբոմը։ Նրանց համագործակցությունը տևել է մինչև նրանց մահը։

1984-ից, Փափազոգլուն սկսել է համերգներով շրջագայել Հունաստանի զանազան շրջաններում իր հետ ունենալով Լոքսի Ֆալագա երաժշտական խումբը։ Այս բոլորի արդյունքում, Փափազոգլուն մեծ համբավ է ձեռք բերել Հունաստանում և արտերկրում որպես "կարմիր փողկապով բագլամասը ձեռքին կրող" երգիչ։

Նրա հայտնի երգերից են Ախ Էլլադա, Ի մագես դեն իփարխուն փիա, Կանիս էդո դեն տրագուդա, Իդրոխոս, ևայլն։

Նիկոս Փափազոգլուն ապրել ու ստեղծագործել է իր ծննդավայր Սալոնիկում, կողքին ունենալով կինն ու 2 զավակները։ Մահացել է 2011-ին քաղցկեղից։

Ծանոթագրություններ[խմբագրել | խմբագրել կոդը]