Նիկոլայ Վոզնեսենսկի

Վիքիպեդիայից՝ ազատ հանրագիտարանից
Jump to navigation Jump to search
Նիկոլայ Վոզնեսենսկի
Voznesenskiy NA.jpg
Ծնվել էնոյեմբերի 18 (դեկտեմբերի 1), 1903
ԾննդավայրՏուլա, Ռուսական կայսրություն
Մահացել էհոկտեմբերի 1, 1950(1950-10-01) (46 տարեկանում)
Մահվան վայրԼենինգրադ, ՌԽՖՍՀ, ԽՍՀՄ
ՔաղաքացիությունFlag of the Soviet Union (1924–1955).svg ԽՍՀՄ
Ռուսական կայսրություն
ԿրթությունՄոսկվայի կարմիր պրոֆեսուրայի ինստիտուտ
Գիտական աստիճանտնտեսագիտության դոկտոր
Մասնագիտությունտնտեսագետ և քաղաքական գործիչ
ԱշխատավայրՄոսկվայի կարմիր պրոֆեսուրայի ինստիտուտ
Զբաղեցրած պաշտոններԽՍՀՄ գերագույն խորհրդի պատգամավոր
Քաղաքական կուսակցությունԽՄԿԿ
Պարգևներ և
մրցանակներ
Ստալինյան մրցանակ Լենինի շքանշան «Հայրենական մեծ պատերազմի ժամանակ Անձնվեր աշխատանքի համար» մեդալ և «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
ԱնդամությունՌուսաստանի գիտությունների ակադեմիա, ԽՍՀՄ գիտությունների ակադեմիա և Կենտկոմի Պոլիտբյուրո

Նիկոլայ Ալեքսեևիչ Վոզնեսենսկի (նոյեմբերի 18 (դեկտեմբերի 1), 1903, Տուլա, Ռուսական կայսրություն - հոկտեմբերի 1, 1950(1950-10-01), Լենինգրադ, ՌԽՖՍՀ, ԽՍՀՄ), խորհրդային պետական և կուսակցական գործիչ։ ԽՍՀՄ ԳԱ ակադեմիկոս (1943)։ ԽՄԿԿ անդամ 1919 թվականից։

Ծնվել է ծառայողի ընտանիքում։ 1921 թվականից սովորել է Յա. Մ․ Սվերդլովի անվան կոմունիստական համալսարանում, ավարտելուց հետո կուսակցական աշխատանք կատարել Դոնբասում։ 1928-1931 թվականներին սովորել, ապա աշխատել է Կարմիր պրոֆեսուրայի տնտեսագիտական ինստիտուտում, միաժամանակ՝ ԲԳՏ-ԿՎՀ-ում, ավելի ուշ՝ Խորհրդային վերահսկողության հանձնաժողովում։ 1935 թվականին՝ Լենինգրադի քաղխորհրդի գործկոմի պլանային հանձնաժողովի նախագահ, քաղխորհրդի գործկոմի նախագահի տեղակալ։ 1938 թվականից՝ ԽՍՀՄ Պետպլանի նախագահ, միաժամանակ՝ Խորհրդային վերահսկողության հանձնաժողովի բյուրոյի անդամ։ 1939 թվականից՝ ԽՍՀՄ ԺԿԽ-ի նախագահի տեղակալ, 1941 թվականից՝ ԽՍՀՄ Մինիստրների խորհրդի նախագահի առաջին տեղակալ։ Հայրենական պատերազմի տարիներին եղել է Պաշտպանության պետական կոմիտեի անդամ։ 1943 թվականից՝ ԽՍՀՄ ԺԿԽ-ին առընթեր գերմանաֆաշիստական զավթիչներից ազատագրված շրջանների տնտեսության վերականգնման կոմիտեի անդամ։ ՀամԿ(բ) կ XVII համագումարում (1934) ընտրվել է Խորհրդային վերահսկողության հանձնաժողովի, իսկ XVI 11-ում (1939)՝ ՀամԿ(բ) կ ԿԿ-ի անդամ։ 1941 թվականի փետրվարից՝ ՀամԿ(բ) կ ԿԿ-ի քաղբյուրոյի անդամության թեկնածու, 1947 թվականից՝ անդամ։ «ԽՍՀՄ-ի ռազմական էկոնոմիկան Հայրենական պատերազմի ժամանակաշրջանում» գրքի, ինչպես նաև տնտեսագիտական մի շարք աշխատությունների հեղինակ է։ ԽՍՀՄ պետական մրցանակ (1948)։ Պարգևատրվել է Լենինի 2 շքանշանով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 483 CC-BY-SA-icon-80x15.png