1907-1919 թվականներին եղել է ՄԳԹ դերասան, ուր կատարելագործվել է Կ. Ս. Ստանիսլավսկու և Վ. Ի. Նեմիրովիչ-Դանչենկոյի ղեկավարությամբ։ 1925 թվականից հաստատվել է Բուլղարիայում։ Դերերից են՝ Տարտյուֆ (Մոլիերի «Տարտյուֆ»), Մատիաս Կլաուզեն (Հաուպտմանի «Արևամուտից առաջ»)։ 1925-1944 թվականներին՝ Սոֆիայի ժողովրդական թատրոնի գլխավոր ռեժիսոր, այնուհետև՝ ռեժիսոր, 1925 թվականից գլխավորել է այդ թատրոնին կից դպրոց-ստուդիան (1948 թվականից՝ թատերական արվեստի բարձրագույն ինստիտուտ)։ Մասալիտինովը նպաստել է ռեալիզմի հաստատմանը բուլղարական բեմում։ Առաջիններից էր, որ Բուլղարիայում բեմադրել է խորհրդային դրամատուրգների գործեր (Կատաևի «Շրջանի քառակուսի մակերեսը», 1931, Կոռնեյչուկի «Պլատոն Կրեչետ», 1940 և այլն)։ Այլ բեմադրություններից են Օստրովսկու «Անօժիտը» (1937), Զիդարովի «Թագավորական ողորմություն» (1948)։ Արժանացել է Դիմիտրովյան մրցանակի (1950)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 266)։