Նիկոլայ Գրիգորյան (լրագրող)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Նիկոլայ Գրիգորյան
Նիկոլայ Գրիգորյան
Տավուշի մարզպետի անվտանգության գծով խորհրդական
ապրիլի 17, 2019 - ներկայումս պաշտոնավարում է
Նախորդող Թաթուլ Ստեփանյան
«Արտակարգ ալիք» լրատվական կենտրոնի տնօրեն
հունվար, 1996 - ներկայումս պաշտոնավարում է
ՀՀ կառավարությանն առընթեր արտակարգ իրավիճակների վարչության լրատվական բաժնի պետ
1997 - 2008
ՀՀ ԱԻՆ աշխատակազմի Հասարակայնության հետ կապերի վարչության պետ
2010 - 2011
Հայաստանի փրկարար ծառայության տնօրենի տեղակալ
օգոստոս, 2011 - մայիսի 5, 2017
ՀՀ Անվտանգության խորհրդի քարտուղարի խորհրդական
հունվարի 9, 2018 - հունիսի 15, 2018
 
Կրթություն՝ Երևանի պետական համալսարան (1981)
Մասնագիտություն՝ ոստիկան, լրագրող, ուսուցիչ և հաղորդավար
Ազգություն հայ
Ծննդյան օր դեկտեմբերի 15, 1957(1957-12-15) (63 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն Flag of Armenia.svg Հայաստան
 
Պարգևներ

Գարեգին Նժդեհ մեդալ, «Անդրանիկ Օզանյան» մեդալ, Համագործակցության ամրապնդման համար մեդալ, «Կանխարգելում, օգնություն, փրկություն» մեդալ, ԱԺ նախագահի մեդալ, «Անբասիր ծառայություն» մեդալ և «Քաղպաշտպանության միջազգային կարգի ասպետ» շքանշան

Նիկոլայ Վլադիմիրի Գրիգորյան (դեկտեմբերի 15, 1957(1957-12-15), Երևան, Հայկական ԽՍՀ, ԽՍՀՄ), հայ պետական գործիչ, ճգնաժամային հաղորդակցության և տեղեկատվության կառավարման փորձագետ, լրագրող, Տավուշի մարզպետի անվտանգության գծով խորհրդական (ապրիլի 17, 2019), «Արտակարգ ալիք» լրատվական կենտրոնի տնօրեն (հունվար, 1996), ՀՀ Արտակարգ իրավիճակների վարչության (ԱԻՆ) լրատվական ծառայության ղեկավար (1997 - 2011), Հայաստանի Հանրապետության Արտակարգ իրավիճակների նախարարության Հայաստանի փրկարար ծառայության տնօրենի տեղակալ (2011-2017), փրկարարական ծառայության գեներալ-մայոր (2013)։

Կենսագրություն[խմբագրել | խմբագրել կոդը]

Նիոլայ Գրիգորյանը ծնվել է 1957 թվականի դեկտեմբերի 15-ին Երևանում։ 1976-1981 թվականներին սովորել է Երևանի պետական համալսարանի բանասիրական ֆակուլտետում։

Աշխատանքային գործունեություն[խմբագրել | խմբագրել կոդը]

1982-1989 թվականներին աշխատել է Հայաստանի հեռուստատեսության և ռադիոյի պետական կոմիտեում որպես «Մարդը և օրենքը», «Մարտական պոստում», «Իրավաբանի ընդունարան», «Ճանապարհ, տրանսպորտ, հետիոտն» հաղորդաշարերի խմբագիր-մեկնաբան։ 1990-1995 թվականներին աշխատել է ՀՀ Ներքին գործերի նախարարության լրատվական կենտրոնի հիմնադիր-ղեկավար, «02» հեռուստահաղորդաշարի հիմնադիր-մեկնաբան, «02» շաբաթաթերթի հիմնադիր-գլխավոր խմբագիր, միլիցիայի փոխգնդապետ։ 1996-1997 թվականներին եղել է «Նորք» հեռուստաալիքի փոխտնօրեն, «Լուրեր» լրատվական ծրագրի հիմնադիր տնօրեն։ 1997-2008 թվականներին եղել է ՀՀ կառավարությանն առընթեր արտակարգ իրավիճակների վարչության լրատվական բաժնի պետ, փրկարար ծառայության գնդապետ։ 2002-2003 թվականներին «Կենտրոն» հեռուստատեսության «Էպիկենտրոն» լրատվական ծրագրի հիմնադիր-տնօրեն։ 2008 թվականից դասավանդում է Երևանի պետական համալսարանում և Խաչատուր Աբովյանի անվան հայկական պետական մանկավարժական համալսարանում։ 2010-2011 թվականներին եղել է ՀՀ Արտակարգ իրավիճակների նախարարության աշխատակազմի Հասարակայնության հետ կապերի վարչության պետ, Հյոգոյի գործողությունների ծրագրի ազգային համակարգող։ 2011 թվականի օգոստոսին նշանակվել է ՀՀ ԱԻՆ Հայաստանի փրկարար ծառայության տնօրենի տեղակալ[1][2]։ 2015 թվականից՝ Սենդայի գործողությունների ծրագրի ազգային համակարգող։ 2017 թվականի մայիսի 5-ին, իր դիմումի համաձայն ազատվել է ՀՀ ԱԻՆ Հայաստանի փրկարար ծառայության տնօրենի տեղակալի պաշտոնից։ 2018 թվականի հունվարի 9-ին նշանակվել է ՀՀ Ազգային անվտանգության խորհրդի քարտուղարի խորհրդական[3][4]։ 2019 թվականի ապրիլի 17-ից նշանակվել է ՀՀ Տավուշի մարզպետի խորհրդական[5][6]։

Պարգևներ[խմբագրել | խմբագրել կոդը]

Արժանացել է ՀՀ վարչապետի, Ոստիկանության, Հայաստանի փրկարար ծառայության, Պաշտպանության և Արտակարգ իրավիճակների նախարարությունների, Ազգային անվտանգության խորհրդի, ԵՊՀ, Հանրային հեռուստաընկերության պատվոգրերի ու շնորհակալագրերի։

  • ՀՀ ՊՆ «Գարեգին Նժդեհ» մեդալ,
  • ՀՀ ՊՆ «Անդրանիկ Օզանյան» մեդալ,
  • ՀՀ Ոստիկանության «Ոստիկանությունում գերազանց ծառայության համար» մեդալ,
  • ՀՀ Ոստիկանության «Համագործակցության ամրապնդման համար» մեդալ,
  • ՀՀ ԱԻՆ «Կանխարգելում, օգնություն, փրկություն» մեդալ,
  • ՀՀ ԱԺ Պատվո մեդալ,
  • ՀՀ ԱԻՆ «Միջազգային կարգի փրկարար» մեդալ,
  • ՀՀ ԱԻՆ «Անբասիր ծառայություն» մեդալ։
  • Քաղպաշտպանության միջազգային կազմակերպության կողմից արժանացել է «ՔՊ միջազգային կարգի ասպետ» շքանշանի․
  • ՀՀ Ներքին գործերի նախարարության, Ոստիկանության, Երկրապահ կամավորական ծառայության, Արցախի Հանրապետության հոբելյանական կրծքանշաններ։

Կոչումներ[խմբագրել | խմբագրել կոդը]

Ընտանիք[խմբագրել | խմբագրել կոդը]

Ամուսնացած է, ունի երեք երեխա և երեք թոռ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]