Ներսես Հայրապետյան

Ներսես Հայրապետյան
Ծնվել է	օգոստոսի 8, 1956(1956-08-08) (67 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Ազգություն	հայ
Կրթություն	Հայկական պետական մանկավարժական համալսարան
Մասնագիտություն	գրադարանավար և մատենագետ

Ներսես Հայրապետյան (օգոստոսի 8, 1956(1956-08-08), Երևան, Հայկական ԽՍՀ, ԽՍՀՄ), հայ գրադարանավար, մատենագետ, գրքագետ։ Հայաստանի ազգային գրադարանի հանրային կապերի բաժնի վարիչ, տնօրենի խորհրդական։

Կենսագրություն

Ներսես Վարազդատի Հայրապետյանը ծնվել է 1956 թվականին Երևանում։ 1978 թվականին ավարտել է Երևանի պետական մանկավարժական ինստիտուտը, 1985 թվականին՝ Հայաստանի Գիտությունների ազգային ակադեմիայի ասպիրանտուրան։ 1994–1996 թվականներին գրադարանագիտություն է ուսումնասիրել Իլինոյսի համալսարանում (Ուրբանա-Շամպեյն, ԱՄՆ)։ 1991–2003 թվականներին եղել է Հայաստանի Ազգային գրադարանի փոխտնօրեն։ 1994–2003 թվականներին եղել է Հայաստանի գրադարանային միության հիմնադիր-նախագահ։ 1990-1995 թվականներին եղել է պատգամավորների Երևանի քաղաքային խորհրդի պատգամավոր։ 2003-2022 թվականներին աշխատել է Հայաստանի ամերիկյան դեսպանատանը։ 2022թ. օգոստոսից աշխատում է Հայաստանի ազգային գրադարանում։ Դասավանդում է Խ. Աբովյանի անվան հայկական պետական մանկավարժական համալսարանում։ Զեկուցումներով և դասախոսություններով հանդես է եկել շուրջ 20 միջազգային և տարածաշրջանային գիտաժողովներում։ Համահեղինակությամբ պատրաստել և խմբագրել է Հայկական գրադարանային ասոցիացիայի «Հայկական գրադարան» տարեգրքի (1996-2003թթ.) № 1-7 թողարկումները։ Որպես Հայաստանի գրադարանային միության նախագահ Ներսես Հայրապետյանի նախաձեռնությամբ 2002 թվականի ապրիլից Հայաստանում մեկնարկել և մինչև օրս յուրաքանչյուր տարվա ապրիլին նշվում են ամենամյա Ազգային գրադարանային շաբաթները։ 2021 թվականից առ այսօր «Հայ գրադարանավարների և արխիվագետների միջազգային ասոցիացիայի» գործադիր խորհրդի հիմնադիր անդամ է (International Association of Armenian Librarians and Archivists):

Գրքեր

• «Չարենցը և գիրքը» (1987)
• «Արտասահմանյան մատենագիտություն» (1991)
• «Ամերիկյան գրադարանագիտություն և տեղեկատուներ» (2001)

Աշխատություններ

• «Մատենագիտություն նորանուն հայկական պարբերական մամուլի ցանկը, 1987–1996»
• “Библиотека как информационный центр: новый облик” (1999)
• “Библиотеки Южного Кавказа и кто есть кто в библиотечной сфере” (2003)
• «Ժողովրդավարության զարգացումը Հայաստանում» (1999)
• “The Public library service: IFLA/UNESCO guidelines for development”, (Մյունխեն, 2001)
• «Հայաստանի ազգային գրադարան» (2000) հայերեն-անգլերեն ուղեցույցի համահեղինակ

Գրականություն

• «Հայ գրատպություն և գրքարվեստ» (Եր., 2015, 1120 էջ)
• http://armhistory.do.am/load/haykakan_grqer/haykakan_grqer/charency'_ev_girqy'_nerses_hayrapetyan/3-1-0-42
• http://lists.americancorners.am/pipermail/alis/2014-March/000053.html