Նարե Գևորգյան

Նարե Գևորգյան; Նարե Գևորգյան
Ծնվել է	1990 թվականի սեպտեմբերի 23
Ծննդավայր	Գետաշեն, Արմավիրի մարզ
Քաղաքացիություն	Հայաստան
Ազգություն	հայ
Կրթություն	Շիրակի պետական համալսարան (2016)
Մասնագիտություն	երգչուհի
Աշխատավայր	Դիմակ» թատերախմբ
Կայք	hy-am.facebook.com/narerunni

Նարե Գևորգյան, երգչուհի։ Ծնվել է 1990 թվականի սեպտեմբերի 22-ին, Հայաստանի Արմավիրի մարզի Գետաշեն գյուղում։

Կենսագրություն[խմբագրել | խմբագրել կոդը]

Նարե Գևորգյանը ծնվել է 1990 թվականի սեպտեմբերի 22-ին, ՀՀ Արմավիրի մարզի Գետաշեն գյուղում։ Սովորել է Մեծամորի թիվ 1 միջնակարգ դպրոցում։ 10 տարեկան հասակից եղել է Գյումրիի «Դեղձանիկ» համույթի մենակատար։ 2001-2003 թվականներին «Էջմիածին» երգի մրցույթում ստացել է «Գրան Պրի»։ 2002 թվականին ճանաչվել է Գյումրիի լավագույն պատանի կատարող։ 2001-2003 թվականներին սովորել է Հայաստանի Երգի պետական թատրոնի վոկալ բաժնում։ Հայաստանում և արտերկրում Նարեն ունեցել է բազում համերգներ և մենահամերգներ։ 2011-2016 թվականներին սովորել է Գյումրիի Միքայել Նալբանդյանի անվան պետական մանկավարժական համալսարանում։

Գործունեություն[խմբագրել | խմբագրել կոդը]

2006 թվականին մասնակցել է «Շանթ» հեռուստաընկերության «Հայսուպերսթար» նախագծին և «Ոսկե քնար» մրցույթին, որտեղ արժանացել է «Տարվա հայտնություն» մրցանակին։ 2010 թվականին ավարտել է Երևանի էստրադային և ջազային պետական քոլեջի վոկալ բաժինը։ 2012-2013 թվականներին ջազային ու էստրադային վոկալ է դասավանդել Գյումրիի Շառլ Ազնավուրի անվան երաժշտական արվեստի պետական դպրոցում։ 2014 թվականին մասնակցել է «Շանթ» հեռուստաընկերության «Դուետ» նախագծին և դարձել հաղթող։ 2015 թվականից դասավանդում է Երևանի Էրեբունի համայնքի մշակույթի տան և Գ. Բուդաղյանի անվան արվեստի պետական դպրոցներում։ 2016 թվականին մասնակցել է Շանթ հեռուստաընկերության կողմից կազմակերպված «Պրեմիերա» նախագծին և հաղթող է ճանաչվել։ 2017 թվականին մասնակցել է Շանթ հեռուստաընկերության կողմից կաղմակերպված «Արենա live» նագախծին։ Այժմ Նարեն աշխատում է Էրեբունու մշակույթի տան «Դիմակ» թատերախմբում՝ որպես երգչուհի։