Նաշիդե Գյոզդե Դուրմուշ

Վիքիպեդիայից՝ ազատ հանրագիտարանից
Jump to navigation Jump to search
Նաշիդե Գյոզդե Դուրմուշ
Ծնվել է1985[1]
Իզմիր, Թուրքիա
ՔաղաքացիությունFlag of Turkey.svg Թուրքիա
Մասնագիտությունգենետիկ
Հաստատություն(ներ)Ստենֆորդի համալսարան
Ալմա մատերՄիջինարևելյան տեխնիկական համալսարան, Բրաունի համալսարան և Բոստոնի համալսարան

Նաշիդե Գյոզդե Դուրմուշ (թուրք.՝ Naside Gözde Durmuş, 1985[1], Իզմիր, Թուրքիա), թուրք գիտնական և գենետիկ, ում ուսումնասիրությունները առնչվում են համաշխարհային առողջապահության հիմնախնդիրների ոլորտներում նանոտեխնոլոգիայի և միկրոտեխնոլոգիայի ունեցած դերակատարությանը, ինչպես օրինակ քաղցկեղի և հակաբիոտիկների ոլորտներում: 2015 թվականին «MIT Technology Review»-ն նրան դասակարգել է «պիոներների» կատեգորիայի տակ՝ ներառելով 35 ամենաերիտասարդ առաջնորդների ցանկում[2]:

Կենսագրություն[խմբագրել | խմբագրել կոդը]

Դուրմուշը ծնվել է 1985 թվականին Թուրքիայի Իզմիր քաղաքում[3]: 2003 թվականին ընդունվել է Անկարայի Միջինարևելյան տեխնիկական համալսարանի բակալավրիատ՝ մասնագիտանալով մոլեկուլային կենսաբանության և գենետիկայի ոլորտներում: Ավելի ուշ, նա մասնակցել է Ֆուլբրայթի ծրագրին և մեկնել Միացյալ Նահանգներ՝ ստանալու բարձրագույն կրթություն: 2009 թվականին Բոստոնի համալսարանում ստացել է ինժեներիայի մագիստրոսի կոչում, իսկ արդեն 2013 թվականի մայիսին Բրաունի համալսարանում ստացել է կենսաբժշկական ինժեներիայի թեկնածուի գիտական աստիճան[4]:

2014 թվականին, Սթենֆորդի համալսարանում սկսել է իրականացրել հետդոկտորական հետազոտություն: Ներկայումս, նա, Ռոնալդ Դեյվիսի հետ միասին, հետազոտություն է իրականացնում Սթենֆորդի համալսարանի գենետիկ տեխնոլոգիայի կենտրոնում և Սթենֆորդի բժշկության դպրոցում[5]: 2015 թվականին «MIT Technology Review»-ն նրան դասակարգել է «պիոներների» կատեգորիայի տակ՝ ներառելով 35 ամենաերիտասարդ լիդերների ցանկում:

Կարիերա[խմբագրել | խմբագրել կոդը]

Նրա ուսումնասիրությունները ուղղված էժան նանոտեխնոլոգիական գործիքների ստեղծմանը, որոնց միջոցով կարելի է տալ հիվանդությունների եզրակացությունը և բուժումը, ինչպես օրինակ բջիջների ֆիզիկական առանձնահատկությունները հայտնաբերելու արագ մեթոդի մշակում՝ մագնիսական դաշտում նրանց լևիտացիայի միջոցով: Սա հնարավորություն է տալիս կարճ ժամանակահատվածում չափել, թե ինչպես է մանրեն արձագանքում համապատասխան միջոցին[2] և ինչպես կարելի է քաղկեղածին հիվանդ բջիջները տարանջատել առողջ բջիջներից[6]:

Ծանոթագրություններ[խմբագրել | խմբագրել կոդը]