Նամակ խմբագրության (հունվար, 1897)
| Նամակ խմբագրության | |
|---|---|
| Տեսակ | գրական ստեղծագործություն |
| Ժանր | հոդված |
| Հեղինակ | Հովհաննես Թումանյան |
| Բնագիր լեզու | հայերեն |
| Հրատարակվել է | 1897 թվական |
| Վիքիդարան | Նամակ խմբագրության |
«Նամակ խմբագրության», Հովհաննես Թումանյանի հոդվածներից մեկը, որը տպագրվել է 1897 թվականի հունվարի 26-ին[1]։
Պատմություն[խմբագրել | խմբագրել կոդը]
«Նամակ խմբագրության» հոդվածը տպագրվել է 1897 թվականի հունվարի 26-ին «Տարազ» շաբաթաթերթի № 4-ում։ Ապա հոդվածը տպագրվել է Երևանում 1935 թվականին տպագրված, Նվարդ Թումանյանի կազմած և խմբագրած «Թումանյանը քննադատ» գրքի 62-63-րդ էջերում։ Այնուհետև հրատարակվել է Հովհաննես Թումանյանի «Երկերի ժողովածու վեց հատորով» (1940-1959 թվականներ) շարքի 4-րդ հատորի 49-50-րդ էջերում[1]։
Հոդվածը գրված է ի պատասխան Արշակ Հարությունյանի «Նամակ խմբագրության» հոդվածի[2], որտեղ ծաղրուծանակի է ենթարկվում երիտասարդ դերասան Կարապետ Գալֆայանը, որը մեկենասների օգնությամբ մեկնել է Փարիզ կատարելագործվելու և, ըստ լրագրային տեղեկությունների, հաջողությունների է հասել։
Թումանյանի երկեր լիակատար ժողովածուի 6-րդ հատորում արտատպվել է «Տարազ» շաբաթաթերթից։
