Նազենիկ (պարուհի)

Վիքիպեդիայից՝ ազատ հանրագիտարանից
Jump to navigation Jump to search
Նազենիկ
Ծնվել էանհայտ
Մասնագիտություներգչուհի, պարուհի
Գործունեություն2-րդ դար

Նազենիկ (2-րդ դար, ծննդյան և մահվան թվականներն անհայտ են), երգչուհի, պարուհի, վարձակ, Սյունյաց Բակուր նահապետի հարճը։

Պատմություն[խմբագրել | խմբագրել կոդը]

Նազենիկի ծննդյան և մահվան թվականներն անհայտ են, նրա մասին առաջին տեղեկությունները հաղորդել է Մովսես Խորենացին․ եղել է վարձակ երգչուհի և պարուհի, Սյունյաց Բակուր նահապետի հարճը, «յոյժ գեղեցիկ», «եւ երգէր ձեռամբ» (շատ գեղեցիկ և ձեռքերով նվագող)[1]: Ըստ Մանուկ Աբեղյանի «երգէր ձեռամբ» արտահայտությունը նշանակում է «պար», իսկ ըստ Սրբուհի Լիսիցյանի՝ «պար ձեռամբ»[2]: Պատմահոր հաղորդած տեղեկությունները համարվում է հայ մշակույթում ամենահին գրավոր փաստը հայկական կանացի մենապարերի մասին, իսկ Նազենիկը (կամ Նազինիկը)՝ «ձեռքերով պարող» առաջին հայ պարուհու անվան հիշատակությունը։

Նազենիկին է նվիրված Դանիել Վարուժանի «Հարճը» պոեմը:

Aquote1.png Գուսանների ելույթներն, ըստ էության, տոնական ներկայացումներ էին, որոնց մասնակցում էին պարուհիներ: Խնջույքների ժամանակ հանդես եկող դերասանուհի-պարուհիները կոչվում էին վարձակներ: Երկրորդ դարում Բակուր Սյունեցու կազմակերպած խնջույքում վարձակ Նազենիկի մասին գրել է Խորենացին: Նազենիկը անչափ գրավիչ էր, գեղեցիկ և երգում էր «ձեռամբ», այսինքն՝ ելույթ էր ունենում մնջախաղով:
- Հատված Գր. Գրիգորյանի, Ս. Հախվերդյանի «Սյունիքի պատմություն» գրքից՝ Երևան, «Հրազդան», 2001, էջ 61-62
Aquote2.png

Մշակույթում[խմբագրել | խմբագրել կոդը]

2001 թվականի հոկտեմբերի 4-10-ը Երևանում տեղի է ունեցել մնջախաղի «Նազենիկ» միջազգային առաջին փառատոնը[3]։

Ծանոթագրություններ[խմբագրել | խմբագրել կոդը]

  1. kh_tert (2010-12-15)։ «ԴԱՆԻԵԼ ՎԱՐՈՒԺԱՆ»։ ՔՐԻՍՏՈՆՅԱ ՀԱՅԱՍՏԱՆ։ Վերցված է 2019-07-28 
  2. «Старинные пляски и театральные представления армянского народа», Србуи С Лисициан, 1958
  3. Մնջախաղի ավանդույթները շարունակվում են

Արտաքին հղումներ[խմբագրել | խմբագրել կոդը]