Յուրի Մելիքով
| Յուրի Մելիքով | |
|---|---|
| Ծնվել է | 1997 Պարալիմնի, Ֆամագուստայի շրջան, Կիպրոս |
| Երկիր |  Կիպրոս |
| Մասնագիտություն | երգերի հեղինակ և երգիչ |
| Լեյբլ | Minos EMI |
Յուրի Մելիքով (հուն․՝ Γιούρι Μελίκοβ, 1997, Պարալիմնի, Ֆամագուստայի շրջան, Կիպրոս), կիպրահայ երգիչ և երգահան։ Նա իր երաժշտական կարիերան սկսել է 2014 թվականին որպես «Հունաստանի ձայն» նախագծի 1-ին սեզոնի մասնակից։ 2015 թվականին Մելիքովը իր «Victorious» («Հաղթանակ») երգով մտել է Եվրատեսիլ երգի նախագիծ (Եվրատեսիլ 2015 երգի մրցույթի Կիպրոսի ազգային ընտրական փուլ)։
Վաղ կյանք[խմբագրել | խմբագրել կոդը]
Յուրի Մելիքովը ծնվել է 1997 թվականին Պարալիմնիում հայ հոր և ռուս-կիպրացի մոր ընտանիքում։ Նա մեծացել է Պարալիմնիում։ Մայրը նրան գրանցել է կոնսերվատորիա, որտեղ վեց տարի առել է դասական և ժամանակակից երաժշտության դասեր[1]։ Դա այն բանից հետո էր, երբ մայրը նրան առաջարկել էր երաժշտության դասերի գնալ, քանի որ նա ամբողջ օրը երաժշտություն էր լսում, բայց երբեք չէր լսել նրա երգելը[2]։ Հայրը սովորեցրել է ջութակ նվագել, ինչպես նաև հանդես է եկել որպես մենեջեր[1]։
Կարիերա[խմբագրել | խմբագրել կոդը]
2014. «The Voice of Greece» և առաջին սինգլներ[խմբագրել | խմբագրել կոդը]
Յուրի Մելիքովն իր երաժշտական կարիերան սկսել է, երբ տասնվեց տարեկան հասակում մասնակցել է «Հունաստանի ձայն» մրցույթի առաջին եթերաշրջանին[1]։ Նա հայտնվել է ութ կույր լսումներից երրորդին և կատարել Թոմ Ջոնսի «Դալիլա» («Delilah») երգը։ Մրցույթում նա ընդգրկվել է Միխալիս Կուինելիսի թիմում[3]։ Մենամարտերի ժամանակ Պանոս Պատայանիսի հետ նա կատարել է «Այժմ կամ երբեք» («It's Now or Never») ստեղծագործությունը, իսկ Միխալիսը նրան թագադրել է որպես հաղթողի։ Նա շարունակել է ելույթ ունենալ առաջին ուղիղ եթերում «Let the Music Play» երգով, որի արդյունքում նա մնացել է նախագծում հանրության ձայների շնորհիվ։ Երրորդ ուղիղ եթերում նա կատարել է «She's a Lady» երգը և Արետի Կոսմիդուի հետ մեկ անգամ ևս փրկվել է հանրության քվեարկության շնորհիվ։ Չորրորդ ուղիղ եթերում նա կատարել է «Kiss» երգը և երրորդ անգամ է փրկվել հանրության քվեարկության շնորհիվ։ Կիսաեզրափակիչ փուլում նա կատարել է «Valerie» ստեղծագործությունը, իսկ Ելենա Պապարիզուի հետ դուետով կատարել է «Kenouria Agapi» երգը։ Մելիքովը չի կարողացել դուրս գալ եզրափակիչ՝ իր մարզչից ստանալով 47, իսկ հանրությունից՝ 43 միավոր։
2014 թվականի դեկտեմբերի 3-ին Մելիքովը iTunes-ի միջոցով թողարկել է իր առաջին սինգլները՝ «Merry Christmas» և դրա հունարեն տարբերակը՝ «Hristougenniatikes Agapes»[4][5]։
2015՝ Եվրատեսիլ 2015 երգի մրցույթ և երկրորդ սինգլ[խմբագրել | խմբագրել կոդը]
2015 թվականին Յուրի Մելիքովը փորձել է ներկայացնել Կիպրոսը Եվրատեսիլ 2015 երգի մրցույթում Կիպրոսի ազգային ընտրական փուլի՝ Եվրատեսիլ երգի նախագծի միջոցով։ Նա մրցույթին մասնակցել է Ջոնի Լոգանի «Hold Me Now» երգով, ինչպես նաև իր «Victorious» օրիգինալ երգով և բոլոր չորս մրցավարների կողմից ստացել է «Այո» գնահատականը՝ որակավորվելով մրցույթին մասնակցելու համար[6]։ 2015 թվականի հունվարի 16-ին «Victorious» երգով նա հանդես է եկել «Եվրամարտահրավեր 1» մրցույթում և զբաղեցրել 11-20-րդ տեղերը՝ դուրս մնալով մրցույթից[7]։
2015 թվականի փետրվարի 23-ին Մելիքովը թողարկել է իր երկրորդ սինգլը՝ «You Got Me (Aha Aha)»[8]։ Նույն օրը նա թողարկել է նաև երգի ուղեկցող տեսահոլովակը[9]։
Յուրին նշել է, որ ծրագրում է շարունակել իր երգչի կարիերան Հունաստանից դուրս, քանի որ իր երաժշտական ոճը թույլ չի տալիս շատ բան անել երկրում, և որ նա պատրաստ է իր երգարվեստը տանել Միացյալ Նահանգներ կամ Միացյալ Թագավորություն[2]։
Անձնական կյանք[խմբագրել | խմբագրել կոդը]
2014 թվականի ապրիլի 23-ին Մելիքովը հայտնել է, որ հարաբերությունների մեջ է Վալենտինա անունով մի աղջկա հետ, և որ երգ է նվիրել նրան «Հունաստանի ձայն»-ի կիսաեզրափակիչ փուլի ժամանակ[2]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Profile: Uri Melikov» (հունարեն). ANT1. Արխիվացված է օրիգինալից 2015 թ․ հուլիսի 6-ին. Վերցված է 2015 թ․ հուլիսի 6-ին.
- ↑ 2,0 2,1 2,2 «ΔΕΙΤΕ την κοπέλα του Γιούρι από το "The Voice"!». Star.gr. 2014 թ․ ապրիլի 23. Վերցված է 2015 թ․ հուլիսի 9-ին.
- ↑ «The Voice: Η Βανδή "μαγνήτης" των ροκάδων, η απόρριψη του Σαντικάι, τα σχόλια Ρέμου-Βανδή για Νότη!». Tralala. Վերցված է 2014 թ․ հունվարի 25-ին.
- ↑ «iTunes - Music - Merry Christmas - Single by Yuri Melikov». iTunes Store. 2014 թ․ դեկտեմբերի 3. Վերցված է 2015 թ․ հուլիսի 6-ին.
- ↑ «iTunes - Music - Hristougenniatikes Agapes - Single by Yuri Melikov». iTunes Store. 2014 թ․ դեկտեմբերի 3. Վերցված է 2015 թ․ հուլիսի 6-ին.
- ↑ Roxburgh, Gordon (2015 թ․ հունվարի 5). «Results of fifth audition show in Cyprus». eurovision.tv. Վերցված է 2015 թ․ հունվարի 5-ին.
- ↑ Ioannou, Dimitris (2015 թ․ հունվարի 16). «Cyprus: 10 out of 20 qualify to the second Eurochallenge». escXtra. Արխիվացված է օրիգինալից 2015 թ․ փետրվարի 10-ին. Վերցված է 2015 թ․ հունվարի 16-ին.
- ↑ «iTunes - Music - You Got Me (Aha Aha) - Single by Yuri Melikov». iTunes Store. 2015 թ․ փետրվարի 23. Վերցված է 2015 թ․ հուլիսի 6-ին.
- ↑ «Yuri Melikov - You Got Me (Aha Aha) - YouTube». YouTube.com. 2015 թ․ փետրվարի 23. Վերցված է 2015 թ․ հուլիսի 6-ին.