Յուրի Կոլոկոլնիկով
 ռուս.՝ Юрий Андреевич Колокольников | |
|---|---|
 | |
| Ծնվել է | դեկտեմբերի 15, 1980[1][2] (44 տարեկան) |
| Ծննդավայր | Մոսկվա, ԽՍՀՄ |
| Կրթություն | Բորիս Շչուկինի անվան թատերական ինստիտուտ (2000) |
| Քաղաքացիություն |  Ռուսաստան և .svg){kind=small} Կանադա |
| Մասնագիտություն | կինոդերասան, դերասան, կինոպրոդյուսեր և հեռուստատեսային դերասան |
| Ամուսին(ներ) | Քսենյա Ռապոպորտ |
| Պարգևներ և մրցանակներ | |
Յուրի Կոլոկոլնիկով (ռուս.՝ Ю́рий Колоко́льников, դեկտեմբերի 15, 1980[1][2], Մոսկվա, ԽՍՀՄ), թատրոնի և կինոյի ռուս դերասան։
Կենսագրություն
[խմբագրել | խմբագրել կոդը]Յուրի Կոլոկոլնիկովը ծնվել է 1980 թվականի դեկտեմբերի 15-ին, Մոսկվայում։
Յուրիի ծնողները բաժանվել են և երեխան՝ թարգմանչուհի մոր և եղբոր հետ, մի քանի անգամ փոխել է բնակության վայրը։ Բնակվել են ԱՄՆ-ում և Կանադայում[3][4]։ Բացի ՌԴ քաղաքացիությունից, Կոլոկոլնիկովն ունի նաև կանադական քաղաքացիություն։
Հենց Կոլոկոլնիկովի խոսքերով, եղել է չլսող և չկառավարվող երեխա[5]։ Չկարողանալով հաջողել որդու դաստիարակության հարցում՝ մայրը նրան ուղարկում է հետ՝ Ռուսաստան, հոր՝ Անդրեյ Կոլոկոլնիկովի մոտ։ Վերջինս մաթեմատիկոս գիտնական էր, որն զբաղվում էր սոցիոնիկայի ոլորտում։
Մոսկվա ժամանելուց անմիջապես հետո, ընդունվել է կինոդպրոց և սկսել մասնակցել մանկական ներկայացումներին։ Շուտով հայրը նրան տանում է Սավվա Կուլիշի մոտ լսումների և երեխային տալիս են փոքր դեր «Երկաթե վարագույր» ֆիլմում։
15 տարեկանում էքստերն կարգով հանձնել է միջին դպրոցի վերջին երկու դասարանների քննությունները և ընդունվել Բորիս Շչուկինի անվան թատերական ինստիտուտ։ Առաջին փորձից ընդունվել է Ալեքսանդր Գրավեի կուրս։
Կոլոկոլնիկովի առաջին ռեժիսորները եղել են Պյոտր Տոդորովսկին, Միխայիլ Պտաշուկը և Վլադիմիր Մենշովը։
2000 թվականին, ինստիտուտն ավարտելուց անմիջապես հետո, մեկնել է Հոլիվուդ։ Մեկ տարի ապրել է Լոս Անջելեսում և Նյու Յորքում՝ աշխատելով որպես մատուցող, առաքիչ և բեռնակիր։ Չկարողանալով մտնել մեծ կինոաշխարհ՝ Կոլոկոլնիկովը վերադարձել է Մոսկվա։
Կոլոկոլնիկովը ծանոթանում է ռեժիսոր Կիրիլ Սերեբրեննիկովի հետ, որը նրան հրավիրում է նկարահանվելու «Մարդասպանի օրագիրը» հեռուստասերիալում և «Երիտասարդության քաղցրաձայն թռչունը» ներկայացումում, որը բեմադրվելու էր Մոսկվայի «Սովրեմեննիկ» թատրոնում։ Ներկայացման պրեմիերան կայացել է 2002 թվականին։
Այնուհետև նկարահանվել է նաև այլ ֆիլմերում և խաղացել ներկայացումներում։
2013 թվականին թելադրություն է կարդացել Մոսկվայի պետական համալսարանի լրագրության ֆակուլտետի ամենամյա «Տոտալ թելադրություն» կրթական ակցիայի ժամանակ։
2014 թվականին «Գահերի խաղը» հեռուստասերիալի 4-րդ եթերաշրջանում մարմնավորել է տեների առաջնորդ Ստիրի դերը։
Անձնական կյանք
[խմբագրել | խմբագրել կոդը]Ունի ավագ դուստր՝ Տայիսիան։
Ամուսնացած է եղել (տարբեր տվյալներով՝ քաղաքացիական ամուսնության մեջ)[6] թատրոնի և կինոյի ռուս դերասան Քսենյա Ռապպոպորտի հետ։ Նրանք ունեցել են դուստր՝ Սոֆիան (ծնվել է 2011 թվականի հունվարին)[6]։ Դերասանները բաժանվել են 2014 թվականին։ Քսենյան կրկին ամուսնացել է, իսկ Յուրին 2016 թվականին հանրությանն է ներկայացրել իր նոր սիրեցյալին՝ Սանկտ Պետերբուրգից երգչուհի և մոդել Դայանա Ռամոս Լաֆորտեն[7]։
Ծանոթագրություններ
[խմբագրել | խմբագրել կոդը]- ↑ 1,0 1,1 ČSFD (չեխերեն) — 2001.
- ↑ 2,0 2,1 filmportal.de — 2005.
- ↑ «Юрий Колокольников: «Мне легче играть на английском»». Արխիվացված է օրիգինալից 2019 թ․ հուլիսի 17-ին. Վերցված է 2019 թ․ հունիսի 6-ին.
- ↑ Колокольников — Голливуд, секс и «Игра престолов» / вДудь
- ↑ Колокольников на сайте театра «Современник»(չաշխատող հղում)
- ↑ 6,0 6,1 «Ксения Раппопорт родила от Колокольникова! . Новолитика». Արխիվացված է օրիգինալից 2012 թ․ մարտի 7-ին. Վերցված է 2011 թ․ սեպտեմբերի 24-ին.
- ↑ Колокольников променял Раппопорт на модель // «Дни.ру», 2016
Արտաքին հղումներ
[խմբագրել | խմբագրել կոդը]- Դեկտեմբերի 15 ծնունդներ
- 1980 ծնունդներ
- Ապրող անձինք
- Մոսկվա քաղաքում ծնվածներ
- Բորիս Շչուկինի անվան թատերական ինստիտուտի շրջանավարտներ
- «Ճայ» մրցանակի դափնեկիրներ
- «Տրիումֆ» մրցանակի դափնեկիրներ
- Անձինք այբբենական կարգով
- Դերասաններ այբբենական կարգով
- Ամերիկացի կինոպրոդյուսերներ
- Ամերիկացի տղամարդ հեռուստատեսային դերասաններ
- Թատրոնի դերասաններ
- Ռուս դերասաններ
- Ռուս կինոդերասաններ
- Ռուս կինոռեժիսորներ
- Ռուս հնչյունավորողներ