Յորդիս Գրյոնթոֆթ Ռակներունդ

Վիքիպեդիայից՝ ազատ հանրագիտարանից
Jump to navigation Jump to search
Յորդիս Գրյոնթոֆթ Ռակներունդ
Arkitekten Hjørdis Grøntoft.JPG
Ծնվել է հուլիսի 11, 1878(1878-07-11)
Ծննդավայր Քրիստիանիա, Նորվեգիա
Մահացել է հոկտեմբերի 13, 1918(1918-10-13) (40 տարեկանում)
Մահվան վայր Դրամեն, Նորվեգիա
Քաղաքացիություն Նորվեգիա
Կրթություն Թագավորական գեղարվեստական ակադեմիա
Մասնագիտություն ճարտարապետ
Ամուսին Nils M. Raknerud
Hjørdis Grøntoft Վիքիպահեստում

Յորդիս Գրյոնթոֆթ Ռակներունդ (ի ծնե՝ Grøntoft, նորվ.՝ Hjørdis Grøntoft Raknerud, հուլիսի 11, 1878(1878-07-11), Քրիստիանիա, Նորվեգիա - հոկտեմբերի 13, 1918(1918-10-13), Դրամեն, Նորվեգիա), նորվեգացի ճարտարապետ։ Նա ճարտարապետությամբ 1898 թվականից զբաղվելով Նորվեգիայում և Շվեդիայում՝ Սկանդինավիայի առաջին կին ճարտարապետներից մեկն էր[1][2]։

Կենսագրություն[խմբագրել | խմբագրել կոդը]

Sandsgården-ի հարկի համար ստորագրված նախագիծը, Յևիկ (1898)

Ռակներունդը մեծացել է Կրիստիանիայում (ներկայումս՝ Օսլո, Նորվեգիա), որտեղ նրա հայրը՝ Հագբարդ Օգոստոս Գրոնտոֆը (1847-84), առևտրական էր: Նա երեք տարի անցկացրել է Կրիստիանիա Կունստ-ոգ Հաանդվարսկսկոլեում, ստանալով կրթություն ճարտարապետության ոլորտում (1895-97)։ Կրթությունը ավարտելուց հետո նա սովորել է Օվե Էկմանի և Հոլգեր Սինդինգ-Լարսենի հետ։ 1898 թվականին նախագեծ է Sandsgården-ը՝ մեծ տուն Յևիկում, որտեղ կային նաև խանութներ և գրասենյակներ։ Նրա ստորագրված նախագծերը 1898 թվականի մայիսից գտնվում են համայնքային արխիվում[3]։ Հայդի Ֆրոնկնեսթադը, որն ուսումնասիրել էր Գրյոնթոֆթ Ռակներունդ կենսագրականը, նշում է, թե կանանց համար որքան անսովոր էր 19-րդ դարի վերջում կոմերցիոն կառույց նախագծելը[4]։

1898 թվականին նա շարունակել է իր ուսումը Լոնդոնի Գեղարվեստի թագավորական ակադեմիայում, որտեղ նա եղել է ամենաառաջին կին ուսանողներից մեկը: Մի նամակում նա գրել է. «Համենայն դեպս, ես այս դասարանում առաջին կինն եմ...»[4]։

Երբ նա վերադառնում է Լոնդոնից՝ Նորվեգիայում ճարտարապետների համար քիչ հնարավորություններ կային։ 1904 թվականին նա տեղափոխվում է Շվեդիա՝ Մալմյո, որտեղ նա աշխատում էր որպես քաղաքային ճարտարապետ։ Նա նաև նախագծում էր ինտերիերներ և կահույք։ Նրա կողմից նախագծված որոշ կառույցներ տեսանելի են Մալմյոյից և Լունդից։ Մալմյոյից հետո կրթությունը շարունակելու համար նա տեղափոխվում է Փարիզ։ Այստեղ էլ նա ծանոթանում է Նիլս Ռակներունդի հետ, որի հետ 1908 թվականին ամուսանում է[4][3]։

Զույգը բնակություն հաստատեց Նորվեգիայի ահարվում՝ Դրամեն քաղաքում, որտեղ Յորդիսը շարունակում էր նախագծել նախագծել բնակելի շենքեր և կահույք։ 1918 թվականին, Իսպանական գրիպով վարակվելուց հետո, նա հոկտեմբերի 13-ին թոքաբորբից մահանում է[3]։

Ծանոթագրություններ[խմբագրել | խմբագրել կոդը]

  1. Froknestad, Heidi (2012)։ Mjøsmuseet Årbok 2012: Sandsgården i Gjøvik og arkitekten Hjørdis Grøntoft (Norwegian)։ էջ 19 
  2. «Folketelling 1900 for 0301 Kristiania kjøpstad: Hjørdis Grøntoft» (Norwegian)։ Digitalarkivet։ Վերցված է 25 October 2015 
  3. 3,0 3,1 3,2 «Hjørdis Grøntoft Raknerud» (Norwegian)։ Localhistorie.no։ Վերցված է 25 October 2015 
  4. 4,0 4,1 4,2 Finborud Børresen, Mette (14 February 2013)։ «En målbevisst dame med revolver» (Norwegian)։ NRK: Hedmark og Oppland։ Վերցված է 25 October 2015