Յոհան Բատիստ Էնգեր

Վիքիպեդիայից՝ ազատ հանրագիտարանից
Jump to navigation Jump to search
Յոհան Բատիստ Էնգեր
Ծնվել էմարտի 23, 1793(1793-03-23)
ԾննդավայրԷրենկիրհեն
Մահացել էմարտի 30, 1856(1856-03-30) (63 տարեկանում)
Մահվան վայրՎիեննա, Գերմանական միություն
ՔաղաքացիությունFlag of Austria.svg Ավստրիա
Մասնագիտությունկոմպոզիտոր և դաշնակահար

Յոհան Բատիստ Էնգեր (գերմ. Johann Baptist Jenger; մարտի 23, 1793, Էրենկիրհենմարտի 30, 1856, Վիեննա), ավստրիացի երաժիշտ, կոմպոզիտոր: Ֆրանց Շուբերտի ընկերն է:

Կենսագրություն[խմբագրել | խմբագրել կոդը]

Երեք ընկերներ (Յոհան Բատիստ Էնգեր, Անսելմ Հյութենբրեներ և Ֆրանց Շուբերտ): Պատկերազարդող՝ Յ. Թելչեր, 1827

Շնորհիվ իր հայրիկի ծանոթ՝ ավստրիացի ֆելդմարշալ Կարլ Ֆիլիպ ցու Շվարցենբերգի միջնորդության, 1818-1825 թվականներին ընդունվում է աշխատանքի Գրացի Կայսերական դաշտային գրասենյակում՝ որպես պետական պաշտոնյա (չինովնիկ):

Վիրտուոզ-դաշնակահարը և երգեհոնահարն իր ողջ ազատ ժամանակը նվիրում էր Ավստրիայում ժամանակակից երաժշտության զարգացմանը:

Ակտիվ մասնակցություն է ունենում Շտիրի հերցոգության երաժշտական գործունեության մեջ՝ լինելով քարտուղարը:

Վիեննա տեղափոխվելուց հետո ղեկավարել է տեղական երաժշտական ակումբի գործունեությունը: Ավելի ուշ դարձել է վիեննացի երաժշտասերների համայնքի (գերմ.՝ Gesellschaft der Musikfreunde) անդամ:

Նվագակցությամբ հանդես է եկել Շուբերտի ընկեր, նրա երգերի լավագույն կատարող բարոն Կարլ ֆոն Շոյնշտեյնի (1797—1876) հետ:

Լինելով Ֆրանց Շուբերտի երաժշտության երկրպագուն՝ Էնգերը, Վիեննայում գտնվելու ժամանակ, հանդիպել է նրան ու դարձել վերջինիս ընկերը: Շուբերտի վաղաժամ մահից (1828 թվական) հետո Էնգերը Վիեննայի Սուրբ Ավգուստին եկեղեցում կազմակերպել է հոգեհանգստի արարողություն: Կոմպոզիտորի գերեզմանի վրա հուշարձան կառուցելու նպատակով կազմակերպել է ստորագրահավաք:

Իր մտերիմ ընկեր, կոմպոզիտոր Անսելմ Հյութենբրեների կենսագրական ակնարկի հեղինակն է:

Նրանց ընկերական շրջապատից էր պատկերազարդող Յուզեֆ Թելչերը: