Մ. Ժուրավսկայայի եկամտաբեր տուն
 | |
|---|---|
 | |
| Տեսակ | տեսարժան վայր և պատմության հուշարձան |
| Երկիր |  Ռուսաստան |
| Տեղագրություն | Խամովնիկի շրջան |
| Առաջին հիշատակում | 1907 |
| Հիմնադրված է | 1907 |
| Ժառանգության կարգավիճակ | Ռուսաստանի դաշնային մշակութային ժառանգության օբյեկտ[1] |
 | |
 | |
Մ. Ժուրավսկայայի եկամտաբեր տուն (ռուս.՝ Доходный дом М. Журавской), շենք-տեսարժանություն Ռուսաստանի մայրաքաղաք Մոսկվայում։ Մշակութային ժառանգության դաշնային նշանակության օբյեկտ է։
Հասցեն` Մոսկվա, Կենտրոնական վարչական շրջան, Դենեժնի նրբանցք, 12։ Խամովնիկի շրջան։
Պահպանվում է որպես մշակութային ժառանգության օբյեկտ։
Պատմություն
[խմբագրել | խմբագրել կոդը]Մ. Ժուրավսկայայի եկամտաբեր տունը կառուցվել է 1907 թվականին ճարտարապետ Վլադիմիր Դմիտրիևիչ Ադամովիչի նախագծով[2]։
2015 թվականի մայիսի դրությամբ շենքում տեղակայված էին Ռուսաստանի Դաշնության Կամչատկայի երկրամասի և Ուլյանովսկի մարզի ներկայացուցչությունները, ինչպես նաև «Պիֆագոր և ընկ.» մասնավոր դպրոցը[2]։
Ճարտարապետություն
[խմբագրել | խմբագրել կոդը]Շենքի ճարտարապետն է Վլադիմիր Դմիտրիևիչ Ադամովիչը։ Եկամտաբեր տան մեծ մասը կառուցված է մոդեռն ոճով։ Սակայն տունը, ատտիկոսը ունեն նաև այլ ոճի` անգլիական գոթական ճարտարապետության, Թյուդորների ոճի առանձնահատկություններ։ Ճակատը պատված է կերամիկական սալիկներով, ինչն ընդգծում է գոթական ճարտարապետության տարրերը։ Ճակատի կողային մասից դուրս ցցվող ելունը շենքին հաղորդում է անհամաչափություն[2]։ Տան ձեղնահարկում գտնվել է նկարիչների արվեստանոց[3]։
Անվանի մարդիկ
[խմբագրել | խմբագրել կոդը]Այս տանը 1918-1922 թվականներին բնակվել է ռուսական և խորհրդային դերասան, ռեժիսոր Եվգենի Վախթանգովը։ Այդ մասին վկայում է պատին փակցված հուշատախտակը[2]։ Տանն ապրել և աշխատել են նաև ճարտարապետներ Վեսնին եղբայրները[3]։
Ծանոթագրություններ
[խմբագրել | խմբագրել կոդը]- ↑ Постановление Совета Министров РСФСР № 1327 от 30.08.1960
- ↑ 2,0 2,1 2,2 2,3 «Доходный дом М. Журавской» (ռուսերեն). Վերցված է 2015 թ․ մայիսի 31-ին.
- ↑ 3,0 3,1 «Доходный дом М. Журавской» (ռուսերեն). Վերցված է 2015 թ․ մայիսի 31-ին.
Արտաքին հղումներ
[խմբագրել | խմբագրել կոդը]Страница в реестре объектов культурного наследия Արխիվացված 2017-03-16 Wayback Machine.