Մվանզա

Վիքիպեդիայից՝ ազատ հանրագիտարանից
Jump to navigation Jump to search
Քաղաք
Մվանզա
Mwanza from Capri Point, Tanzania.jpg
ԵրկիրՏանզանիա Տանզանիա
Հիմնադրված է1892 թ.
ԲԾՄ1140 մետր
Բնակչություն385 810 մարդ (2002)
Ժամային գոտիUTC+3
##Մվանզա (Տանզանիա)
Red pog.png

Մվանզա (անգլ.՝ Mwanza), քաղաք Տանզանիայում:

Ընդհանուր տեղեկություն[խմբագրել | խմբագրել կոդը]

Մվանզա քաղաքը Տանզանիայի Մվանզա շրջանի վարչական կենտրոնն է: Քաղաքային բնակչության թիվը կազմում է 225 244 մարդ, արվարձաններում` 436 811 մարդ (2005 թվականի հունվարի 1-ի դրությամբ): Քաղաքը գտնվում է այն տարածքում, որտեղ ապրում են սուկումացիները: Այն հանդիսանում է նաև Վիկտորիա լճի մեծ նավահանգիստ, միջազգային օդանավակայան, երկաթուղային հանգույց: Բամբակյա խոշոր պլանտացիաները գտնվում են Մվանզայի շրջակայքում: Լճային ձկնորսությունը կարևոր դեր ունի քաղաքի տնտեսության մեջ: Քաղաքում գործում են լաստանավային ծառայություններ դեպի Տանզանիայի Մուսոմա և Բուկոբա նավահանգիստներ, ինչպես նաև Քենիա և Ուգանդա:

Աշխարհագրություն և պատմություն[խմբագրել | խմբագրել կոդը]

Մվանզա քաղաքը գտնվում է Վիկտորիա լճի հարավային ափին, Տանզանիայի հյուսիս-արևմուտքում, Մվանզա ծոցի (Mwanza Gulf) արևելյան ափին:

Մվանզան հիմնադրվել է 1892 թվականին գերմանական գաղութային իշխանությունների կողմից: 1916 թվականին քաղաքը գրավվել է բրիտանացիների կողմից:1920-ական թվականներին քաղաքի տարածքում հայտնաբերվել են ոսկու հանքեր: 1928 թվականին Թաբորայից երկաթուղային գիծը բերվել է Մվանզա: 1978 թվականին Ուգանդա-Տանզանիա Երկրորդ պատերազմի ժամանակ քաղաքը ռմբակոծվել է Ուգանդայի ՌՕՈՒ-ի կողմից:

Կլիմա[խմբագրել | խմբագրել կոդը]

Քաղաքի կլիման մերձհասարակածային է: Հոկտեմբերից դեկտեմբեր ամիսներին տեղում են կարճատև անձրևներ, մարտից մայիս ամիսներին՝ երկարատև: Հունվարից փետրվար (ներառյալ) ամիսներին քաղաքում երաշտ է: Տարածաշրջանում միջին տարեկան տեղումները 930 մմ է, հարավում, հարավ-արևելքում, Ուկերևյան կղզիներում՝ 1200 մմ: Օդի ջերմաստիճանի վրա մեծ ազդեցություն ունի Վիկտորիա լճի մոտիկությունը: Ջերմաստիճանը տատանվում է 25 °C մինչև 28 °C: Սեպտեմբեր, դեկտեմբեր ամիսներին ջերմաստիճանը հասնում է առավելագույն 29 °C, հունիս,օգոստոս ամիսներին՝ 11-20 °C:

Կլիմա
Ցուցանիշ Հունվար Փետրվար Մարտ Ապրիլ Մայիս Հունիս Հուլիս Օգոստոս Սեպտեմբեր Հոկտեմբեր Նոյեմբեր Դեկտեմբեր Տարեկան
Միջին առավելագույն 29 28 29 28 29 29 29 29 29 29 29 28 28,8
Միջին նվազագույն 18 18 18 18 18 17 16 17 18 19 19 18 17,9
Տեղումների քանակ, մմ 97 104 155 145 94 20 13 20 46 46 114 147 1001
Источник: Weatherbase: Historical Weather for Mwanza, Tanzania

Տնտեսություն[խմբագրել | խմբագրել կոդը]

Մվանզայում աճեցնում են բամբակ։ Tanzania Breweries Limited ընկերությունը գարեջրի գործարան ունի Մվանզայում[1] :

Քույր քաղաքներ[խմբագրել | խմբագրել կոդը]

Ծանոթագրություն[խմբագրել | խմբագրել կոդը]

  1. «Առևտրային վարկային հաշվետվություն Tanzania Breweries Limited- ի համար - զեկույցի նախադիտում»։ www.crmz.com։ Վերցված է 2017-09-04 

Արտաքին հղումներ[խմբագրել | խմբագրել կոդը]