Մովսես Սիմոնյան
- Վիքիպեդիայում կան հոդվածներ Սիմոնյան ազգանունով այլ մարդկանց մասին։
| Մովսես Սիմոնյան | |
|---|---|
| Ծնվել է | 1916 |
| Ծննդավայր | Ախլաթյան, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն |
| Մահացել է | 1943 |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Կրթություն | Հայկական պետական մանկավարժական համալսարան (1939) |
| Մասնագիտություն | մանկավարժ |
| Պարգևներ և մրցանակներ |  |
Մովսես Միքայելի Սիմոնյան (1916, Ախլաթյան, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - 1943), հայ մանկավարժ։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Մովսես Սիմոնյանը ծնվել է 1916 թվականին Սիսիանի շրջանի Ախլաթյան գյուղում։ Տեղի տարրական, ապա՝ 7-ամյա դպրոցն ավարտելուց հետո տեղափոխվել է Բաքու։ 1935 թվականին ավարտել է Բաքվի մանկավարժական տեխնիկումը և որպես ուսուցիչ աշխատել Կիրովաբադի շրջանի Զագլիկ գյուղի միջնակարգ դպրոցում։ 1935-1939 թվականներին սովորել և ավարտել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը, այնուհետև նշանակվել Սիսիանի շրջանի Բազարչայ գյուղի դպրոցի տնօրեն[1]։
1939 թվականին Սիմոնյանը զորակոչվել է զինվորական ծառայության։ Թերմեզի հրետանային ուսումնարանն ավարտելուց հետո ծառայել է Իրանի հայկական զորամասում։ Այնուհետև գործող բանակում կռվել է գերմանաֆաշիստական զորքերի դեմ, մասնակցել մեր քաղաքների ու բնակավայրերի ազատագրման մարտերին[1]։
Սիմոնյանն աչքի է ընկել Օրյոլ-Կուրսկի ճակատամարտում ցուցաբերած քաջությամբ ու արիությամբ և ներկայացվել «Կարմիր աստղի» շքանշանով պարգևատրման, սակայն 1943 թվականի օգոստոսին Օրյոլ-Կուրսկի ճակատամարտում զոհվել է՝ կրծքին չկրելով պարգևը[1]։
Մովսես Սիմոնյանի աճյունը հանգչում է Օրյոլի մարզի Կիրովսկի շրջանի Վոժով գյուղի եղբայրական գերեզմանոցում, որտեղ հուշարձանին փորագրված է նաև Մովսես Միքայելի Սիմոնյանի անունը[1]։
Պարգևներ[խմբագրել | խմբագրել կոդը]
- «Կարմիր աստղի» շքանշան