Մոնտազա պալատ

Մոնտազա պալատ
Տեսակ	կառույց
Երկիր	Եգիպտոս
Վայր	Ալեքսանդրիա
Մակերես	370 feddan
Հիմնադրված է	1892
Պատվիրող	Abbas II?

Էլ-Հարամլիկ պալատը Մոնտազա պալատի համալիրում, Էլ Մոնտազայի արքայական այգիներում

Մոնտազա պալատ (արաբ․՝ قصر المنتزة‎‎‎), պալատ, թանգարան և ընդարձակ այգիներ Ալեքսանդրիայի Մոնտազա շրջանում (Եգիպտոս)։ Այն կառուցվել է Կենտրոնական Ալեքսանդրիայի ցածր սարահարթի արևելքում` Միջերկրական ծովի ափին։

Պատմություն

Ընդարձակ Մոնտազա պալատի հիմքերը սկզբում պատկանել են Սալամլեկ պալատին, որը կառուցվել է 1892 թվականին, Աբբաս երկրորդի խեդիվի կողմից։ Արքայատոհմի վերջին իշխանը՝ Մուհամմեդ Ալին, ով խեդիվի կոչում էր կրում Եգիպտոսում և Սուդանում, այն օգտագործել է որպես որսատեղի և նստավայր` իր ուղեկիցների համար։

Ավելի մեծ Էլ-Սալամլեկ պալատը և արքայական այգիները, կառուցված 1932 թվականին թագավոր Ֆուադ առաջինի կողմից որպես ամառանոց, ավելացվել են Մոնտազա պալատի հիմքերին։ Կառույցը օսմանյան և իտալական ոճերի համադրություն է՝ բաղկացած երկու աշտարակներից։ Աշտարակներից մեկը՝ իտալական վերածննդի մանրակրկիտ ընտրված դետալներով, վեր է խոյանում դեպի երկինք։ Պալատը յուրաքանչյուր հարկում ունի դեպի ծովը նայող բաց աղեղներ։ Նախագահ Անվար Սադաթը, վերանորոգելով Սալամլեկ պալատը, դարձրել է այն նախագահական նստավայր։ Վերջերս այն օգտագործվել է նախկին նախագահ Հոսնի Մուբարաքի կողմից։

Հանրային մուտք

Մոնտազա պալատի այգիները

Էլ-Մոնտազա զբոսայգին (բաղկացած նախկին ընդարձակ թագավորական այգիներից (61 հեկտար)) բաց է որպես հանրային լանդշաֆտային այգի և անտառային արգելոց։ Էլ-Սալամլեկ (Մոնտազա) պալատը Մուհամեդ Ալիի ընտանիքի պատմության և արվեստի առարկաների հանրային թանգարան է։

Տես նաև

• Ալեքսանդրիա

Արտաքին հղումներ

• Things to do in Alexandria: "Montaza Palace" Արխիվացված 2020-01-27 Wayback Machine
• Memphistours: The Montaza Palace royal gardens Park, Al-Haramlik Palace, and Salamlek Palace.

Վիքիպահեստն ունի նյութեր, որոնք վերաբերում են «Մոնտազա պալատ» հոդվածին։