Մոճոռյանց Պետրոս։ «Բանաստեղծություններ»
| Մոճոռյանց Պետրոս։ «Բանաստեղծություններ» | |
|---|---|
| Տեսակ | հոդված |
| Ժանր | հոդված |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1892 թվականի հոկտեմբերի 14 |
| Հրատարակվել է | 1892 թվական |
| Վիքիդարան | Մոճոռյանց Պետրոս։ «Բանաստեղծություններ» |
«Մոճոռյանց Պետրոս։ «Բանաստեղծություններ»», Հովհաննես Թումանյանի հոդվածներից, որը գրվել է 1892 թվականի հոկտեմբերի 14-ին, Թիֆլիսում[1]։
Պատմություն[խմբագրել | խմբագրել կոդը]
Գրված է 1892 թվականի հոկտեմբերի 14-ին, Թիֆլիսում։ Ինքնագիրը պահվում է Եղիշե Չարենցի անվան գրականության և արվեստի թանգարանի Թումանյանի ֆոնդում։
Առաջին անգամ տպագրվել է «Մուրճ» ամսագրի № 10-ի 1485-1488 էջերում, ապա՝ 1935 թվականին Երևանում հրատարակված Նվարդ Թումանյանի կազմած և խմբագրած «Թումանյանը քննադատ» գրքի 19-22 էջերում։ Այնուհետև տպագրվել է Հովհաննես Թումանյանի երկերի ժողովածուի 6-րդ հատորի 9-12 էջերում։
Թումանյանի երկեր լիակատար ժողովածուի 6-րդ հատորում տպագրված է ինքնագրից, քանի որ «Մուրճ» ամսագրում կան փոքր-ինչ տարբերություններ։ Դրանք հավանաբար խմբագրական միջամտությունների հետևանքն են։ Օրինակ՝ ինքնագրում գրված է «Սրանց սրտումը բանաստեղծական սրբազան կրակի տեղ», իսկ «Մուրճ» ամսագրում՝ «Սրանց սրտում բանաստեղծական կրակի տեղ»։ Ինքնագրում գրված է «Ստիպում է մեզ յուր դատարկ ու ամայի սրտում բանաստեղծական կրակի տեղ բանաստեղծի խանդ ու տաղանդ որոնել», մինչդեռ «Մուրճ» ամսագրում գրված է՝ «Ստիպում է մեզ յուր դատարկ ու ամայի սրտում բանաստեղծի խանդ ու ավյուն որոնել» և այլն։
Ծանոթագրություններ[խմբագրել | խմբագրել կոդը]
- ↑ Թումանյան, Հովհաննես (1994). Երկերի լիակատար ժողովածու. Երևան: ՀՀ ԳԱԱ «Գիտություն» հրատարակչություն. էջ 569.
