Մկրտիչ Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
| Մկրտիչ Հակոբյան | |
|---|---|
| Ծնվել է | 1885 |
| Ծննդավայր | Նոր Ջուղա, Ղաջարական Պարսկաստան |
| Մահացել է | 1971 |
| Մասնագիտություն | մշակութային գործիչ |
Մկրտիչ Հակոբյան (1885, Նոր Ջուղա, Ղաջարական Պարսկաստան - 1971), հայ մշակութային գործիչ։
Կենսագրություն
[խմբագրել | խմբագրել կոդը]Մկրտիչ Հակոբյանը ծնվել է 1885 թվականին Նոր Ջուղայում։ Նախնական կրթությունը ստացել է ծննդավայրում։ Հետագայում կրթությունը շարունակել է Կալկաթայի Մարդասիրական ճեմարանում։ Եղել է Կալկաթայի եկեղեցական երգչախմբի ղեկավարը, հիմնել է Հայկական ճեմարանի թատերախումբը, բեմադրել է պիեսներ՝ «Ներսես մեծ», «Արշակ Բ»։
Ավելի ուշ ստեղծել է իր թատերախումբ, բեմադրել է անգլերեն պիեսներ, որոնցում գլխավոր դերակատարը եղել է ինքը։ 1923 թվականին Սուրաբայայում հիմնել է հայկական մարզական ակումբ, ստեղծել է թատերախումբ, բեմադրել պիեսներ։
1930 թվականին տեղափոխվել է Սինգապուր, ընտրվել է Արքայական ասիական ընկերության անդամ։ Ընկերության առաջարկով Մկրտիչ Հակոբյանը հին հոլանդերենից անգլերեն է թարգմանել «Մալակայի բռնագրավումը 1561 թ․» աշխատությունը[1]։
Երկրորդ Համաշխարհային պատերազմից հետո ապրել է Սիդնեյում, եղել է հայերեն «Լույս» պարբերականի խմբագիրը։
Մահացել է 1971 թվականին։
Ծանոթագրություններ
[խմբագրել | խմբագրել կոդը]- ↑ Ստեփանյան Գառնիկ։ Կենսագրական բառարան. հայ մշակույթի գործիչներ, երեք հատորով։ հատոր Բ, Ժ-Մ։ Երևան։ Սովետական գրող։ 1981, էջ 147