Միքայել Սալլանթյան
Միքայել Սալլանթյան | |
---|---|
Ծնվել է | մարտի 6, 1782 |
Ծննդավայր | Կոստանդնուպոլիս |
Մահացել է | օգոստոսի 10, 1851 (69 տարեկան) |
Մահվան վայր | Մոսկվա, Ռուսական կայսրություն |
Մասնագիտություն | լեզվաբան, ուսուցիչ և բանասեր |
Աշխատավայր | Լազարյան ճեմարան |
Միքայել Սալլանթյան (Հովակիմ Սալլանթյան, մարտի 6, 1782, Կոստանդնուպոլիս - օգոստոսի 10, 1851, Մոսկվա, Ռուսական կայսրություն)՝ լեզվաբան, մանկավարժ, եկեղեցական գործիչ։ 1822-1840-ական թվականներին դասավանդել է Լազարյան ճեմարանում[1]։
Կենսագրություն[խմբագրել | խմբագրել կոդը]
Միքայել Սալլանթյանը ծնվել է Կոստանդնուպոլսում։ Սովորել է Լիբանանի Սուրբ Անտոնի հայ կաթոլիկ վանքում, այնուհետև՝ Վենետիկի Մխիթարյան միաբանության վարժարանում, աշակերտել Միքայել Չամչյանին։ 1810 թվականից եղել է արքեպիսկոպոս։ 1810-1822 թվականներին եղել է Վրաստանի, Աստրախանի և Ղրիմի կաթոլիկ հայերի հոգևոր առաջնորդը։ Տիրապետել է լատիներեն, գերմաներեն, ֆրանսերեն, արաբերեն լեզուներին։ Լազարյան ճեմարանում դասավանդել է հայոց լեզու, գրականություն, լատիներեն, աստվածաբանություն, գեղագիտություն։ 1827 թվականին լույս է ընծայել «Քերականութիւն գրաբառ լեզուիս հայոց...» դասագիրքը։ Հրատարակվել են Սալլանթյանի «Կրօնագիտութիւն քրիստոնէական» (1831), «Հրահանգ ճարտասանութեան կամ ճառաբանութեան» (1936), «Պատմութիւն եկեղեցւոյն ուղղահաւատ հայոց» (1840) և այլ աշխատություններ[2]։
Գրականություն[խմբագրել | խմբագրել կոդը]
- Իգնատյան Ա. Հ., Լազարյան ճեմարան, Երևան, 1969։
- Ջահուկյան Գ. Բ., Գրաբարի քերականության պատմությում, Երևան, 1974։
- Բարսեղյան Հ. Խ. Հայերենի խոսքի մասերի ուսմունքը, Երևան, 1980։
Ծանոթագրություններ[խմբագրել | խմբագրել կոդը]
- ↑ «Հայկական դպրոցը 1800-1870 թթ».
- ↑ Երվանդ, Շահազիզ, (1946 թ․ մարտի 31). «Միքայել վարդապետ Սալլանթյան». arar.sci.am.
{{cite web}}
: CS1 սպաս․ բազմաթիվ անուններ: authors list (link) CS1 սպաս․ հավելյալ կետադրություն (link)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 118)։ |