Միքայել Պողոսյան (ավիակոնստրուկտոր)

Միքայել Պողոսյան; Михаил Погосян
Ծնվել է	ապրիլի 18, 1956 (68 տարեկան); Մոսկվա, ԽՍՀՄ
Քաղաքացիություն	Ռուսաստան
Ազգություն	հայ
Մասնագիտություն	ավիատիեզերքային ճարտարագետ, գյուտարար, ոչ գեղարվեստական գրող և գիտնական
Հաստատություն(ներ)	Ռուսաստանի միացյալ ինքնաթիռաշինության ընկերության նախագահ
Անդամակցություն	Ռուսաստանի գիտությունների ակադեմիա, Sixth Civic Chamber of the Russian Federation (2017–2020)? և Public Chamber of the Russian Federation of the seventh composition (2020–2023)?
Ալմա մատեր	Մոսկվայի ավիացիոն ինստիտուտ
Կոչում	Ռուսաստանի Գիտությունների ակադեմիայի իսկական անդամներ
Գիտական աստիճան	տեխնիկական գիտությունների դոկտոր
Տիրապետում է լեզուներին	ռուսերեն և անգլերեն
Պարգևներ	; ; Golden Idea national award? Լև Նիկոլաևի անվան ոսկե մեդալ և Ստոլիպինի մեդալ
	Ստորագրություն;
	Mikhail Pogosyan Վիքիպահեստում

Անվան այլ կիրառումների համար տե՛ս՝ Միքայել Պողոսյան (այլ կիրառումներ)

Վիքիպեդիայում կան հոդվածներ Պողոսյան ազգանունով այլ մարդկանց մասին։

Միքայել (Միխայիլ) Ասլանի Պողոսյան (Михаил Асланович Погосян, ապրիլի 18, 1956(1956-04-18), Մոսկվա, ԽՍՀՄ), հայազգի ավիակոնստրուկտոր, Մոսկվայի ավիացիոն ինստիտուտի ռեկտոր (2016)^[2] տեխնիկական գիտությունների դոկտոր (2002), պրոֆեսոր, ՌԳԱ ակադեմիկոս, ՀՀ ԳԱԱ արտասահմանյան անդամ (28.12.2011)։

Կենսագրություն

1979 թվականին ավարտել է Մոսկվայի ավիացիոն ինստիտուտի ինքնաթիռաշինության ֆակուլտետը։ Ինստիտուտից հետո աշխատանքի է նշանակվել Մոսկվայի Սուխոյի անվան ավիաշինական գործարանում որպես ինժեներ-կոնստրուկտոր, 1994 թվականից՝ գլխավոր կոնստրուկտորի տեղակալ, 1997 թվականից՝ «Սուխոյ» ավիացիոն ռազմաարդյունաբերական համալիրի, 1999 թվականից, միաժամանակ՝ Սուխոյի ՀԿԲ ձեռնարկության գլխավոր տնօրեն^[3]^[4]։

Անդամակցություն

ՀՀ ԳԱԱ պատվավոր դոկտոր, 2002
Հայկական տեխնոլոգիական համալսարանի անդամ, 2001

Գործունեություն

Պողոսյանի ղեկավարման տարիները նշանակալի են ռուսական իրականության համար բացառիկ մի քանի նախագծերի սկզբնավորմամբ։ 2002 թվականին «Սուխոյ» կոնցեռնը հաղթեց նոր 5-րդ սերնդի կործանիչի ստեղծման մրցույթում, ինչն ամենամեծ ձեռքբերումն էր կոնցեռնի պատմության մեջ։ Բացի դրանից Պողոսյանը նախաձեռնեց նաև ընկերության համար բոլորովին նոր մարդատար ինքնաթիռի ստեղծման գործընթաց։ 2010 թվականին կոնցեռնի ֆինանսական շրջանառությունը կազմել է մոտավորապես 40 միլիարդ ռուբլի։ Պողոսյանի ղեկավարությամբ մինչև 2010 թվականը «Սուխոյ» կոնցեռնը բացառիկ վերելք է ապրել։ 2007 թվականին Պողոսյանն ընտրվել է ռուսական «Ավիաշինական միավորված ընկերության» ղեկավարի առաջին տեղակալ, 2008 թվականից համատեղության կարգով նշանակվել է «Սուխոյի» հիմնական մրցակից «ՄիԳ» կոնցեռնի գերագույն տնօրեն։

Պողոսյանը ղեկավարել է Սու-21 «բիզնես-դասի» գերձայնային ուղևորատար ինքնաթիռի և Սու-47 թևի հակադարձ սլաքաձևությամբ ռմբակոծիչի նախագծման աշխատանքները^[5]։

Գիտական գործունեություն

Զբաղվում է ռազմական և քաղաքացիական նշանակման նոր թռչող ապարատների ստեղծման հարցերով։ Հեղինակ է 14 գիտական աշխատանքների, ունի 11 հայտնագործություն։

Պարգևներ

ՌԴ պետական մրցանակ, 1997
ՌԴ կառավարության մրցանակ, 1998
«Պատվո նշան» շքանշան, 2001

Ընտանիք

Ունի երկու զավակ։ Դուստրը սովորել է Տնտեսագիտության բարձրագույն դպրոցում, որդին՝ Արտուշը, տեխնիկական գիտությունների թեկնածու է։

Ծանոթագրություններ

↑ http://www.fsvts.gov.ru/materialsdoc2018/59FE16D3C97D9A1CC32576380043CDE6.html (ռուս.)
↑ Ավիակոնստրուկտոր Միխայիլ Պողոսյանն ընտրվել է Մոսկվայի ավիացիոն ինստիտուտի ռեկտոր
↑ ՀՀ ԳԱԱ, Արտասահմանյան անդամներ Միքայել (Միխայիլ) Պողոսյան
↑ «Ռուսական ավիաարդյունաբերության ղեկավարը և Հայաստանը որպես ինքնաթիռի առաջին գնորդ». Արխիվացված է օրիգինալից 2016 թ․ մարտի 4-ին. Վերցված է 2015 թ․ փետրվարի 21-ին.
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Վիքիպահեստն ունի նյութեր, որոնք վերաբերում են «Միքայել Պողոսյան (ավիակոնստրուկտոր)» հոդվածին։

[_728421722bb502d7-1] ttp://www.fsvts.gov.ru/materialsdoc2018/59FE16D3C97D9A1CC32576380043CDE6.html (ռուս.)

[2] Ավիակոնստրուկտոր Միխայիլ Պողոսյանն ընտրվել է Մոսկվայի ավիացիոն ինստիտուտի ռեկտոր

[3] ՀՀ ԳԱԱ, Արտասահմանյան անդամներ Միքայել (Միխայիլ) Պողոսյան

[4] «Ռուսական ավիաարդյունաբերության ղեկավարը և Հայաստանը որպես ինքնաթիռի առաջին գնորդ». Արխիվացված է օրիգինալից 2016 թ․ մարտի 4-ին. Վերցված է 2015 թ․ փետրվարի 21-ին.

[5] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]

[3]

[4]

[5]