Միսակ Մելքոնյան

Միսակ Մելքոնյան
Ծնվել է	մարտի 13, 1938(1938-03-13) Ծեբելդա, Գուլրիփշի շրջան, Աբխազիա
Մահացել է	նոյեմբերի 7, 2008(2008-11-07) (70 տարեկան) Յալթա, Ղրիմի Ինքնավար Հանրապետություն, Ուկրաինա
Քաղաքացիություն	Ուկրաինա և  ԽՍՀՄ
Ազգություն	հայ
Մասնագիտություն	գիտնական
Ալմա մատեր	Հայաստանի ազգային ագրարային համալսարան (1963)
Գիտական աստիճան	կենսաբանական գիտությունների դոկտոր, պրոֆեսոր և ակադեմիկոս
Կուսակցություն	ԽՄԿԿ

Միսակ Վաղարշակի Մելքոնյան (մարտի 13, 1938(1938-03-13), Ծեբելդա, Գուլրիփշի շրջան, Աբխազիա - նոյեմբերի 7, 2008(2008-11-07), Յալթա, Ղրիմի Ինքնավար Հանրապետություն, Ուկրաինա), այգեգործ-ընտրասերումնաբան։ Կենսաբանական գիտությունների դոկտոր (1981), պրոֆեսոր (1993), ՀՀ ԳԱԱ ակադեմիկոս (1996, թղթակից անդամ՝ 1990 թվականից)։

Կենսագրություն

1963 թվականին ավարտել է Հայաստանի գյուղատնտեսական ինստիտուտը։ 1975-1985 թվականներին եղել է Խաղողագործության, գինեգործության և պտղաբուծության ԳՀԻ փոխտնօրենը, 1985-1987 թվականներին` ՀԽՍՀ արդյունաբերության նախարարության միավորման ղեկավար, 1987-1994 թվականներին` Էջմիածնի «Զվարթնոց» ԱՄ-ի գլխավոր տնօրեն, 1994 թվականից՝ Յալտայի «Մագարաչ» խաղողագործության, գինեգործության ԳՀԻ խաղողի ընտրասերման բաժնի վարիչ։ Եղել է Ղրիմի ԳԱ անդամ, խաղողագործության և գինեգործության միջազգային ակադեմիայի անդամ։

Գործունեություն

Աշխատանքները վերաբերում են խաղողի վազի հետերոզիսի օրինաչափությունների, բերքի որակը որոշող կենսաքիմիական ու ֆիզիոլոգիական ցուցանիշների, խաղողի հիբրիդային սերնդում ժառանգականության բնույթի, բերքատվության, հիվանդա-ցրտադիմացկունության խնդիրներին։ Նկարագրել է հետերոզիսային նոր սորտեր։ Խաղողի Մեղրաբույր, Ակնալիճ, Զեյթունի, Բերքանուշ, Առատաբեր, Մուսալեռ, Աբովյանի նոր սորտերի հեղինակներից է։

Երկեր

• О виноградарстве Франзии, Е., 1976.
• Гетерозис винограда, М., 1986.