Միսակ Մելքոնյան
- Վիքիպեդիայում կան հոդվածներ Մելքոնյան ազգանունով այլ մարդկանց մասին։
Միսակ Մելքոնյան | |
|---|---|
| Ծնվել է | մարտի 13, 1938 Ծեբելդա, Գուլրիփշի շրջան, Աբխազիա |
| Մահացել է | նոյեմբերի 7, 2008 (70 տարեկան) Յալթա, Ղրիմի Ինքնավար Հանրապետություն, Ուկրաինա |
| Քաղաքացիություն |  ԽՍՀՄ և  Հայաստան |
| Մասնագիտություն | այգեգործ և ընտրասերիչ |
| Հաստատություն(ներ) | ՀՀ գյուղատնտեսության նախարարության խաղողապտղագինեգործության գիտական կենտրոն, ՀՀ տնտեսական զարգացման և ներդրումների նախարարություն և Խաղողի և գինու ինստիտուտ «Մագարաչ» |
| Ալմա մատեր | Հայաստանի ազգային ագրարային համալսարան (1963) |
| Կոչում | պրոֆեսոր և ակադեմիկոս |
| Գիտական աստիճան | կենսաբանական գիտությունների դոկտոր |
| Կուսակցություն | ԽՄԿԿ |
Միսակ Վաղարշակի Մելքոնյան (մարտի 13, 1938, Ծեբելդա, Գուլրիփշի շրջան, Աբխազիա - նոյեմբերի 7, 2008, Յալթա, Ղրիմի Ինքնավար Հանրապետություն, Ուկրաինա), այգեգործ-ընտրասերումնաբան։ Կենսաբանական գիտությունների դոկտոր (1981), պրոֆեսոր (1993), ՀՀ ԳԱԱ ակադեմիկոս (1996, թղթակից անդամ՝ 1990 թվականից)[1]։
Կենսագրություն[խմբագրել | խմբագրել կոդը]
1963 թվականին ավարտել է Հայաստանի գյուղատնտեսական ինստիտուտը։ 1975-1985 թվականներին եղել է Խաղողագործության, գինեգործության և պտղաբուծության ԳՀԻ փոխտնօրենը, 1985-1987 թվականներին` ՀԽՍՀ արդյունաբերության նախարարության միավորման ղեկավար, 1987-1994 թվականներին` Էջմիածնի «Զվարթնոց» ԱՄ-ի գլխավոր տնօրեն, 1994 թվականից՝ Յալտայի «Մագարաչ» խաղողագործության, գինեգործության ԳՀԻ խաղողի ընտրասերման բաժնի վարիչ։ Եղել է Ղրիմի ԳԱ անդամ, խաղողագործության և գինեգործության միջազգային ակադեմիայի անդամ։
Գործունեություն[խմբագրել | խմբագրել կոդը]
Աշխատանքները վերաբերում են խաղողի վազի հետերոզիսի օրինաչափությունների, բերքի որակը որոշող կենսաքիմիական ու ֆիզիոլոգիական ցուցանիշների, խաղողի հիբրիդային սերնդում ժառանգականության բնույթի, բերքատվության, հիվանդա-ցրտադիմացկունության խնդիրներին։ Նկարագրել է հետերոզիսային նոր սորտեր։ Խաղողի Մեղրաբույր, Ակնալիճ, Զեյթունի, Բերքանուշ, Առատաբեր, Մուսալեռ, Աբովյանի նոր սորտերի հեղինակներից է[2]։
Երկեր[խմբագրել | խմբագրել կոդը]
- О виноградарстве Франции, Е., 1976.
- Гетерозис винограда, М., 1986.
Ծանոթագրություններ[խմբագրել | խմբագրել կոդը]
- ↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ հուլիսի 11-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
 | Վիքիդարանն ունի նյութեր, որոնք վերաբերում են «Միսակ Մելքոնյան» հոդվածին։ |
| ||||||
