Միխայիլ Իլյենկո
 ուկրաիներեն՝ Михайло Герасимович Іллєнко | |
|---|---|
 | |
| Ծնվել է | հունիսի 29, 1947 (76 տարեկան) |
| Ծննդավայր | Մոսկվա, ԽՍՀՄ |
| Կրթություն | Մոսկվայի Գերասիմովի անվան կինեմատոգրաֆիայի ինստիտուտ |
| Քաղաքացիություն |  ԽՍՀՄ և  Ուկրաինա |
| Մասնագիտացում | կինոռեժիսոր, դերասան և սցենարիստ |
| Պարգևներ |  և  |
| IMDb | ID ID 0407941 |
Միխայիլ Գերասիմովիչ Իլյենկո (ուկրաիներեն՝ Михайло Герасимович Іллєнко, հունիսի 29, 1947, Մոսկվա, ԽՍՀՄ), խորհրդային և ուկրաինացի կինոռեժիսոր, սցենարիստ, դերասան։ Ուկրաինայի արվեստի ակադեմիայի թղթակից անդամ, Ուկրաինայի արվեստի վաստակավոր գործիչ (2003)[1], Ուկրաինայի Ալեքսանդր Դովժենկոյի անվան պետական մրցանակի դափնեկիր։ Պարգևատրվել է նաև Վաստակի համար III աստիճանի շքանշանով (2021)[2]։
Կենսագրություն[խմբագրել | խմբագրել կոդը]
Միխայիլ Իլյենկոն ծնվել է 1947 թվականի հունիսի 29-ին Մոսկվայում, ինժեների ընտանիքում։ Ավարտել է Կինեմատոգրաֆիայի համամիութենական պետական ինստիտուտի ռեժիսորական ֆակուլտետը (1970, Միխայիլ Ռոմի արվեստանոց)։ 1973 թվականից եղել է Կիևի Ա. Պ. Դովժենկոյի անվան կինոստուդիայի ռեժիսորը։ Աշխատել է «Կիևնաուչֆիլմ» կինոստուդիայում, 1997 թվականից՝ «Բաց գիշեր» կինոփառատոնի կազմակերպիչ, 2000 թվականից՝ Կիևի Իվան Կարպենկո-Կարիի անվան թատրոնի, կինոյի և հեռուստատեսության ազգային համալսարանի կինոյի ֆակուլտետի դեկան։ Ուկրաինայի կինեմատոգրաֆիստների ազգային միության անդամ է։ Հեղինակ է մի շարք արձակ ստեղծագործությունների, ուկրաինական ժամանակակից կինոյի մասին հոդվածների։
2009 թվականին մասնակցել է շուրջերկրյա ճանապարհորդության առաջին փուլին «Կուպավա» զբոսանավով։ 2012 թվականի հունվարի 19-ին կայացել է Իլյենկոյի «Նա, ով անցել է կրակի միջով» ֆիլմի պրեմիերան, մայիսին ֆիլմը թողարկվել է DVD տարբերակով, կինոքննադատներն այն անվանում են առաջին ամբողջովին ուկրաինական ֆիլմը, որը թողարկվել է լայն վարձույթի համար։ Այս կինոնկարն ընդգրկվել է «Օսկար» հեղինակավոր կինոմրցանակի հավակնորդների երկար ցուցակում։
Ընտանիք[խմբագրել | խմբագրել կոդը]
- Եղբայրները՝ Յուրի Իլյենկո (ռեժիսոր, օպերատոր, սցենարիստ և քաղաքական գործիչ), Վադիմ Իլյենկո(օպերատոր, ռեժիսոր, սցենարիստ)։
- Դուստրը՝ Իվաննա Միխայլովնա Իլյենկո (դերասանուհի, բալետի պարուհի)։
Ֆիլմագրություն[խմբագրել | խմբագրել կոդը]
- 1975 – Այնտեղ հեռվում՝ գետի մյուս կողմում
- 1977- Թերխաշ ճտքակոշիկներ
- 1980 - Դպրոց
- 1983 - Միրգորոդը և նրա բնակիչները
- 1985 - Յուրաքանչյուր որսորդ ուզում է իմանալ ...
- 1994 - Ֆուչժոու խարսխակայանում՝ Պագոդայի մոտ, բեռի սպասելիս
- 1997 - Յոթերորդ երթուղի
- 2002 - Փոքրիկ ճամփորդություն մեծ կարուսելով
- 2011 - Նա, ով անցել է կրակի միջով
- 2014 – Արոտավայր
Ֆիլմերի սցենարների հեղինակ[խմբագրել | խմբագրել կոդը]
- 1988 - «Թութակով տիկինը»
- 1996 - «Իշխանուհի ռեգատա»
- 1997 - «Ճանապարհ դեպի ժայռ»
Դերերը կինոյում[խմբագրել | խմբագրել կոդը]
- 1968 - «Իվան Կուպալայի նախօրեի երեկոն» - ծպտյալ երիտասարդը
- 1971 - «Սև նշանով սպիտակ թռչուն»՝ Գեորգի
- 1988 - «Փոխանցեք այն կողմ ...»
- 1990 - «Փոսը» (նկարահանվել է, բայց դերը նշված չէ)
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Gazeta.ua «Михаил Ильенко снимает фильм „Толока“ по произведению Тараса Шевченко»
- Картина «Тот, кто прошёл сквозь огонь» Михаила Ильенко вошла в лонг-лист номинантов на «Оскар».
- о премьере фильма «Тот, кто прошёл сквозь огонь» в Донецке
- ЗАСЛУЖЕННЫЙ ДЕЯТЕЛЬ ИСКУССТВ УКРАИНЫ МИХАИЛ ИЛЬЕНКО ОСНОВАЛ КИНОВИДЕОФЕСТИВАЛЬ «ОТКРЫТАЯ НОЧЬ. ДУБЛЬ 8» В КИЕВЕ Արխիվացված 2022-02-22 Wayback Machine
- Фильмография режиссёра и сценариста на сайте «Кинопоиск»
- Участники «Киношока» (среди которых кинорежиссёр Михаил Ильенко) опубликовали открытое письмо Путину Արխիվացված 2021-03-07 Wayback Machine
 | Վիքիպահեստն ունի նյութեր, որոնք վերաբերում են «Միխայիլ Իլյենկո» հոդվածին։ |
| ||||||||||
