Միլ էնդս փարք
 անգլ.՝ Mill Ends Park | |
|---|---|
 | |
| Տեսակ | քաղաքային զբոսայգի, flowerbed? և pocket park? |
| Երկիր |  ԱՄՆ |
| Վարչատարածք | Պորտլենդ |
| Հիմնվել է | 1948 |
| Մակերես | 0,000000292 |
  | |
.svg) | |
Միլ էնդս փարք (անգլ.՝ Mill Ends Park), քաղաքային փոքրիկ զբոսայգի ԱՄՆ-ի Օրեգոն նահանգի Պորտլենդ քաղաքում։ Որպես աշխարհի ամենափոքր զբոսայգի գրանցված է Գինեսի ռեկորդների գրքում[1]։
Տվյալներ[խմբագրել | խմբագրել կոդը]
Ներկայացնում է երկու փողոցների խաչմերուկում գտնվող` ներսում բուսականությամբ «շրջան», որի տրամագիծը 0,61 մ է, իսկ մակերեսը՝ 0,292 քմ։ Աշխարհի ամենափոքր զբոսայգին է (պաշտոնապես ճանաչվել է այդպիսին 1971 թվականին և ներառվել Գինեսի ռեկորդների գրքում)։
Պատմություն[խմբագրել | խմբագրել կոդը]
Այգին 1948 թվականին ստեղծել է տեղական Oregon Journal թերթի մեկնաբան Դիկ Ֆագանը։ Այդ տեղում նախատեսված էր տեղադրել լապտերասյուն, բայց դա չի արվել, և որոշ ժամանակ անց փորված փոսում սկսել է մոլախոտ աճել։ Ֆագանը, որի գրասենյակի լուսամուտները նայում էին այդ խաչմերուկին, փոսի մեջ ծաղիկներ տնկեց։ Նա այդ այգին անվանեց ի պատիվ այն խորագրի, որը վարում էր թերթում (բառացի՝ mill ends՝ փայտասղոցարանի թափոններ)[2]։
Զբոսայգին նվիրված է եղել Սուրբ Պատրիկի օրվան (քանի որ հիմնադրվել է հենց այդ օրը) և անվանվել է «Իռլանդիայից արևմուտք լեպրեկոնի միակ բնակության վայրը»[3]։
Ֆագանը պատմում էր զբոսայգու հիմնադրման ֆանտաստիկ պատմություն։ Իբր նա պատուհանից տեսել է ոչ թե սովորական փոս, այլ այն փորող լեպրեկոնի։ Ֆագանը դուրս եկավ փողոց և բռնեց նրան, ինչը նշանակում էր, որ իրավունք վաստակեց, որ լեպրեկոնը կատարի իր մի ցանկությունը։ Ֆագանն ինքն իրեն մաղթեց սեփական զբոսայգի, սակայն չնշեց դրա չափը, ուստի լեպրեկոնը նրան տվեց այդ փոսը[4]։ Հետագա երկու տասնամյակների ընթացքում Ֆագանը թերթի իր սյունակում հաճախ էր նկարագրում այդ փոքրիկ զբոսայգին և իբր այնտեղ բնակություն հաստատած լեպրեկոնին։ Վերջինիս անունը, ըստ լրագրողի, Պատրիկ Օ'Թուլ էր, իսկ տեսնել նրան կարող էր միայն ինքը` Ֆագանը[3]։
Ֆագանը մահացավ 1969 թվականին, բայց զբոսայգին շարունակում է գոյություն ունենալ, և նրա մասին հոգ են տանում այլ մարդիկ։ 1976 թվականին այն պաշտոնապես ճանաչվել է քաղաքային զբոսայգի[1]։
Տասնամյակների ընթացքում փոքրիկ շրջանում գտնվել են տարբեր առարկաներ` լողավազան թիթեռների համար, ցատկահարթակ, պայտեր, Journal շենքի փոքրիկ դրվագ և նույնիսկ «Պտտվող անիվ» փոքրիկ կարուսել։ 2001 թվականին Սուրբ Պատրիկի օրը զբոսայգում հայտնվեցին ոսկու պուտուկով լեպրեկոնի փոքրիկ արձանիկ և թզուկների ու քառատերև երեքնուկների մանկական նկարներ[1]։ Զբոսայգին քաղաքում այդ օրը տոնելու կենտրոնն է. նրա մոտ անցկացվում են տոնական փառատոներ և համերգներ[3]։
2006 թվականի փետրվարին ճանապարհի նորոգման պատճառով զբոսայգին ժամանակավորապես տեղափոխվեց իր սովորական տեղից 24 մետր հեռու, բայց 2007 թվականի մարտի 16-ին վերադարձվեց իր նախկին տեղը։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Young, Amalie (2001 թ․ մայիսի 6). «One step and you've left Mill Ends Park». Los Angeles Times. Associated Press. Վերցված է 2011 թ․ հուլիսի 15-ին.
- ↑ Mill Ends Park: The Smallest Park in the World – Portland, Oregon …
- ↑ 3,0 3,1 3,2 City of Portland. «Portland Parks and Recreation: Mill Ends Park». Վերցված է 2010 թ․ հուլիսի 8-ին.
- ↑ Kimmel, Eric A. «Mill Ends Park». The Oregon Encyclopedia. Portland State University. Վերցված է 2011 թ․ նոյեմբերի 11-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Միլ էնդս փարք» հոդվածին։ |
|
