Մեծ կամուրջ (Բանանց)

Մեծ կամուրջ
Երկիր	Ադրբեջան
Տեղանք	Բանանց
Տեսակ	կամուրջ

Մեծ կամուրջ նաև Հին կամուրջ, ենթադրաբար 17-րդ դարում կառուցված կամուրջ Մեծ Հայքի Ուտիք նահանգի Գարդման գավառի Բանանց գյուղի հարավարևելյան եզրին՝ Արթինաջուր գետի վրա։ Գյուղը ներկայումս գտնվում է Ադրբեջանի Դաշքեսանի շրջանում։

Նկարագիր

Կամուրջը ծովի մակարդակից բարձր է 916 մ։ Այն միաթռիչք կառույց է։ Կամուրջը հիմնականում շարված է անմշակ քարով և կրաշաղախով։ Սրբատաշ են միայն թաղակիր կամարի անկյունաքարերը։ Կամրջի մեջ՝ երկու կողմերում առկա են մեկական թաղակապ սենյակները, որոնք ծառայել են իբրև պահակատուն, հյուրատուն կամ մաքսատուն։

Կամրջի թռիչքը 9,25 մ է, իսկ անցուղու լայնությունը՝ 4,90 մ։ Ենթադրաբար կառուցվել է 17-րդ դարում, որին բնորոշ են կամրջի շինարվեստն ու կառուցողական առանձնահատկությունները։