Մարքեթինգային ակտիվացում

Մարքեթինգային ակտիվացում, մարքեթինգ միքսի իրականացումը՝ որպես մարքեթինգային գործընթացի մաս: Ակտիվացման փուլը սովորաբար հաջորդում է պլանավորման փուլին, որի ժամանակ մենեջերները պլանավորում են իրենց մարքեթինգային գործունեությունը, և այնուհետև գալիս է հետադարձ կապի փուլը, որի ժամանակ արդյունքները գնահատվում են մարքեթինգային վերլուծության միջոցով։

Կախված բիզնեսի նպատակներից՝ մարքեթինգային ռազմավարության շրջանակներում կարելի է օգտագործել մարքեթինգի երկու տեսակի ակտիվացում։

Բրենդի ակտիվացում, որը երբեմն անվանում են բրենդի ներգրավվածություն, որը կենտրոնացած է բրենդի և հաճախորդի միջև երկարաժամկետ հուզական կապի ձևավորման վրա:
Ուղղակի արձագանքի մարքեթինգի վրա հիմնված ակտիվացումը կենտրոնանում է անմիջական վաճառքների գործարքներ ապահովելու վրա։

Ակտիվացման պլանավորում

Նախքան մարքեթինգային գործողությունների իրականացումը, ընկերությունը կարող է օգտվել այն հաճախորդների խմբերի նույնականացումից, որոնց պետք է թիրախավորել: «Համեմատաբար ավելի քիչ ինֆլյուենսերների վրա կենտրոնանալով՝ ակտիվացումը կարող է ավելի արդյունավետ դառնալ, և ավելի բարձր վերադարձ կարելի է ակնկալել»^[1]:

Հաճախորդների տվյալները կարևոր տեղեկատվության աղբյուր են մարքեթինգային ակտիվացումը պլանավորելու համար։ Ընդունված գործելակերպն է օգտագործել հաճախորդների հետ հարաբերությունների կառավարման (CRM) գործիքներ և տեխնիկաներ՝ մարքեթինգային ակտիվացման ազդեցությունը մեծացնելու համար, քանի որ CRM-ը «ապահովում է ինտեգրացիոն շրջանակ, որտեղ մարքեթինգային ակտիվացումն ու հաճախորդների գործողությունները համագործակցում են՝ ավելացնելու հաճախորդների նվիրվածությունը»^[2]։

Մարտահրավերներ

Մարքեթինգային հաջողված ակտիվացումը թույլ կտա բիզնեսներին մեծացնել իրենց շահույթը և հասնել իրենց ռազմավարական նպատակներին: Սակայն կան մարտահրավերներ, որոնց մենեջերները կհանդիպեն մարքեթինգային ակտիվացման ծրագիր իրականացնելիս: Մարտահրավերներից մեկը շուկայի մշտապես փոփոխվող բնույթի հետ գործ ունենալն է: Հաճախորդների նախապատվությունները և վերաբերմունքը շարունակում են զարգանալ և պահանջում են մենեջերներից արագ հարմարվել: Սա մարտահրավեր է հանդիսանում, քանի որ, օրինակ, «ուղղակի մարքեթինգային ակտիվացման միջոցները, որոնք ճշգրիտ էին 6 ամիս առաջ, այժմ կարող են լինել բոլորովին անհամապատասխան»^[3]:

Մարքեթինգային ակտիվացման հետ կապված մեկ այլ մարտահրավեր է տարբեր թիրախային շուկաներին մշակութային առումով համապատասխան առաջարկություններով հասնելը: ՄաքԴոնալդսը համարվում է լավ օրինակ այն ընկերության, որը կարող է արդյունավետ կերպով հասնել բազմազան լսարանի: Նրա կիրառած մեթոդների շարքում է «մարքեթինգի յուրահատուկ ակտիվացումը, ներառյալ հանրային կապերի և միջոցառումների ակտիվ օգտագործումը, որոնք ուղղված են սևամորթ, ասիական և լատինոամերիկյան երիտասարդությանը»^[4]։

Տվյալների վրա հիմնված մարքեթինգային ակտիվացում

Տարիների ընթացքում մարքեթինգային ակտիվացումը դարձել է ավելի ու ավելի տվյալների վրա հիմնված: Սա թույլ է տալիս մարքեթոլոգներին լինել ավելի ճշգրիտ իրենց գործողություններում, ավելի արդյունավետ չափել արդյունքները և մեծացնել եկամուտները: Այս երևույթը դարձել է ավելի ու ավելի կարևոր, քանի որ «մարքեթինգային ակտիվացումը սովորաբար ենթադրում է տեղեկատվության համընդհանուր տարածում բոլոր սպառողների շրջանում: Հաճախ սպառողների միայն փոքր մասն է դրական արձագանքում նման ակտիվացմանը, ինչը հանգեցնում է մարքեթինգային ծախսերի վատնման: Եթե հնարավոր է որոշակի իրադարձությունների կամ երևույթների համար բացահայտել ազդեցության շրջանակ, ապա այդպիսի գործողությունները կարող են կենտրոնացվել գործոնների կամ անհատների խմբի վրա՝ այդպիսով օպտիմալացնելով արդյունքները»^[5]:

Մարքեթինգային ակտիվացման մեջ օգտագործվում են տվյալների տարբեր տեսակներ: Օրինակ՝ «վիդեո-հիմնված չափումը (...) տեսանելիություն է ապահովում գնորդների ներգրավվածության և վարքագծի վերաբերյալ՝ կապված կոնկրետ մարքեթինգային ակտիվացման հետ, ինչը հնարավորություն է տալիս ամբողջական մոտեցում ցուցաբերել շոփեր մարքեթինգի նկատմամբ»^[6]:

CRM տվյալները և մոդելները նույնպես օգտագործվում են մարքեթինգային ակտիվացման արդյունավետությունը բարելավելու համար: Այս մոդելներից մեկը՝ մարքեթինգային ձագարը, «կարևոր հայեցակարգային շրջանակ է, որը կանոնավոր կերպով օգտագործվում է պրակտիկ մասնագետների կողմից՝ մարքեթինգային ակտիվացումը վերլուծելու և հիմնական խնդիրները բացահայտելու համար»^[7]։

Օնլայն տեսանյութեր

Մարքեթինգային ակտիվացումը կարող է հարստացվել առցանց գործիքների օգտագործմամբ: Օնլայն տեսանյութերի ի հայտ գալը բազմաթիվ հնարավորություններ է բացել մարքեթոլոգների համար, որոնք օգտագործում են դրանք՝ հաճախորդներին ավելի գրավիչ եղանակներով ներգրավելու համար՝ գովազդի նոր ձևերի միջոցով: YouTube-ը, օրինակ, «մարքեթոլոգներին տրամադրել է հարթակ՝ գրեթե յուրաքանչյուր մարքեթինգային ակտիվացում նշելու և ուժեղացնելու համար»^[8]։

Սպորտային մարքեթինգ

Մարքեթինգային ակտիվացման տեխնիկաները հաճախ են օգտագործվում սպորտային մարքեթինգում: Դրանք հաճախ կապված են մի բրենդի կողմից մարզիկի կամ միջոցառման հովանավորման հետ՝ իրենց բրենդի ճանաչելիությունը բարձրացնելու նպատակով: Ասվել է, որ «հզոր մարքեթինգային ակտիվացման և ստեղծարարության շնորհիվ սպառողները պետք է հիշեն հովանավորի արշավը»^[9]։

Ի՞նչ չէ այն

Չնայած որ մարքեթինգային ակտիվացումն ընդգրկում է ընկերության կողմից իրականացվող մարքեթինգային գործողությունների մեծ մասը, հաղորդակցության և հաճախորդների սպասարկման ոլորտներում որոշ մոտեցումներ կարող են չորակվել որպես մարքեթինգային ակտիվացում: Օրինակ՝ «հանրային կապերը կարող են դիտվել որպես լայն հաղորդակցական գործողություն, այլ ոչ թե կոնկրետ մարքեթինգային ակտիվացում»^[10]։

Ծանոթագրություններ

↑ Nalica, Angela; Barrios, Erniel B.; G. Lansanga, Joseph Ryan. «Identifying Influencers of Consumer Activity» (PDF). Working paper series. School of statistics - UNIVERSITY OF THE PHILIPPINES DILIMA. Արխիվացված է օրիգինալից (PDF) 24 April 2012-ին. Վերցված է 18 August 2011-ին.
↑ G. Lansanga, Joseph Ryan; Barrios, Erniel B. «Forecasting Customer Lifetime Value» (PDF). Working paper series. School of statistics - UNIVERSITY OF THE PHILIPPINES DILIMA. Արխիվացված է օրիգինալից (PDF) 24 April 2012-ին. Վերցված է 18 August 2011-ին.
↑ Wood, Andy (June 2009). «Speaking my language?» (PDF). Journal of Financial Services Marketing. 14 (1): 92–97. Արխիվացված է օրիգինալից (PDF) 6 April 2012-ին. Վերցված է 18 August 2011-ին.
↑ Anonymous (October 1, 2010). «What are the most crucial factors to effectively reach multicultural youth?». PRWeek. Արխիվացված է օրիգինալից 29 March 2012-ին. Վերցված է 18 August 2011-ին.
↑ Nalica, Angela; Barrios, Erniel B.; G. Lansanga, Joseph Ryan. «Identifying Influencers of Consumer Activity» (PDF). Working paper series. School of statistics - UNIVERSITY OF THE PHILIPPINES DILIMA. Արխիվացված է օրիգինալից (PDF) 24 April 2012-ին. Վերցված է 18 August 2011-ին.
↑ Stahlberg, Markus; Maila, Ville (2009). Shopper Marketing: How to Increase Purchase Decisions at the Point of Sale. Kogan Page. էջ 107. ISBN 978-0-7494-5702-0.
↑ Nair, Ciju T.R. «ESSAYS ON ONLINE BROWSING AND PURCHASE». Dissertation presented to the Graduate School of Arts and Sciences of Washington Universityin partial fulfillment of the requirements for the degree of Doctor of Philosophy. WASHINGTON UNIVERSITY - Olin School of Business. Արխիվացված է օրիգինալից 15 July 2012-ին. Վերցված է 18 August 2011-ին.
↑ Jarboe, Greg; Reider, Suzie (2009). YouTube and Video Marketing: An Hour a Day. John Wiley and Sons. էջ 474. ISBN 0-470-45969-7.
↑ R. Chase, Christopher; Rick Kurnit (8 April 2010). «Fighting for what is left of exclusivity: Strategies to protect the exclusivity of sponsors in the sports industry» (PDF). Journal of Sponsorship. 3 (4): 379–393. Արխիվացված է օրիգինալից (PDF) 30 March 2012-ին. Վերցված է 18 August 2011-ին.
↑ Bhatia, B. S.; Batra, G. S. (1995). Management of Public Enterprises: Performance and policy perspectives. University of Michigan: Deep & Deep Publications. ISBN 81-7100-731-7.

Գրականություն

Schultz, Don E.; Barnes, Beth E.; Schultz, Heidi F.; Azzaro, Marian (2009). Building customer-brand relationships. M. E. Sharpe. էջ 293. ISBN 978-0-7656-1799-6.

Duffy, Neil; Hooper, Jo (2009). Passion branding: harnessing the power of emotion to build strong brands. John Wiley & Sons. էջ 173. ISBN 978-0-470-85052-7.

Արտաքին հղումներ

Միացյալ Թագավորության իրավունք(անգլ.)
Փոքր բիզնես ասոցիացիա ԱՄՆ (մարքեթինգային պլան)(անգլ.)
Սահմանում(ֆր.)
Ավստրիական իրավունք(անգլ.)
Ֆրանսիայի առևտրային ուղեցույց(անգլ.)

[1] Nalica, Angela; Barrios, Erniel B.; G. Lansanga, Joseph Ryan. «Identifying Influencers of Consumer Activity» (PDF). Working paper series. School of statistics - UNIVERSITY OF THE PHILIPPINES DILIMA. Արխիվացված է օրիգինալից (PDF) 24 April 2012-ին. Վերցված է 18 August 2011-ին.

[2] G. Lansanga, Joseph Ryan; Barrios, Erniel B. «Forecasting Customer Lifetime Value» (PDF). Working paper series. School of statistics - UNIVERSITY OF THE PHILIPPINES DILIMA. Արխիվացված է օրիգինալից (PDF) 24 April 2012-ին. Վերցված է 18 August 2011-ին.

[3] Wood, Andy (June 2009). «Speaking my language?» (PDF). Journal of Financial Services Marketing. 14 (1): 92–97. Արխիվացված է օրիգինալից (PDF) 6 April 2012-ին. Վերցված է 18 August 2011-ին.

[4] Anonymous (October 1, 2010). «What are the most crucial factors to effectively reach multicultural youth?». PRWeek. Արխիվացված է օրիգինալից 29 March 2012-ին. Վերցված է 18 August 2011-ին.

[5] Nalica, Angela; Barrios, Erniel B.; G. Lansanga, Joseph Ryan. «Identifying Influencers of Consumer Activity» (PDF). Working paper series. School of statistics - UNIVERSITY OF THE PHILIPPINES DILIMA. Արխիվացված է օրիգինալից (PDF) 24 April 2012-ին. Վերցված է 18 August 2011-ին.

[6] Stahlberg, Markus; Maila, Ville (2009). Shopper Marketing: How to Increase Purchase Decisions at the Point of Sale. Kogan Page. էջ 107. ISBN 978-0-7494-5702-0.

[7] Nair, Ciju T.R. «ESSAYS ON ONLINE BROWSING AND PURCHASE». Dissertation presented to the Graduate School of Arts and Sciences of Washington Universityin partial fulfillment of the requirements for the degree of Doctor of Philosophy. WASHINGTON UNIVERSITY - Olin School of Business. Արխիվացված է օրիգինալից 15 July 2012-ին. Վերցված է 18 August 2011-ին.

[8] Jarboe, Greg; Reider, Suzie (2009). YouTube and Video Marketing: An Hour a Day. John Wiley and Sons. էջ 474. ISBN 0-470-45969-7.

[9] R. Chase, Christopher; Rick Kurnit (8 April 2010). «Fighting for what is left of exclusivity: Strategies to protect the exclusivity of sponsors in the sports industry» (PDF). Journal of Sponsorship. 3 (4): 379–393. Արխիվացված է օրիգինալից (PDF) 30 March 2012-ին. Վերցված է 18 August 2011-ին.

[10] Bhatia, B. S.; Batra, G. S. (1995). Management of Public Enterprises: Performance and policy perspectives. University of Michigan: Deep & Deep Publications. ISBN 81-7100-731-7.

[1]

[2]

[3]

[4]

[5]

[6]

[7]

[8]

[9]

[10]