Մարքեթինգային պլան

Վիքիպեդիայից՝ ազատ հանրագիտարանից
Jump to navigation Jump to search

Մարքեթինգային պլան, կազմակերպության պլանավորման ամենակարևոր մասերից մեկը: Մարքեթինգի պլանավորման գործընթացը պետք է իրագործվի որպես ընկերության ընդհանուր պլանավորման և բյուջեն կազմելու մաս:

Մարքեթինգային պլանավորման տարատեսակներ[խմբագրել | խմբագրել կոդը]

Ավանդական պլանավորման դեպքում պլաններն սովորաբար տեսականացվում են՝ կախված այն բանից, թե որքան ժամանակի համար են նրանք հաշվարկված, օրինակ.

  • երկարաժամկետ պլաններ,
  • միջնաժամկետ պլաններ,
  • կարճաժակետ պլաններ:

Մարքեթինգային պլանի բաղկացուցիչներ[խմբագրել | խմբագրել կոդը]

Մարքեթինգային պլանը ներառում է վեց տարր. իրավիճակի վերլուծություն, նպատակներ, ռազմավարություն, մարտավարություն, բյուջե և վերահսկողություն:

  1. Իրավիճակի վերլուծություն: Վերլուծության ընթացքում կազմակերպությունը հետազոտում է մակրոմակարդակում գործող արտաքին գործոնները (տնտեսական, քաղաքական-իրավական, սոցիալական-մշակութային, տեխնոլոգիական), ինչպեսնաև խաղացողներին, կամ իրավիճակի մասնակիցներին (կազմակերպությանը, մրցակիցներին, մատակարարներին և տեղաբաշողներին): Կազմակերպությունն իրականացնում է ուժեղ և թույլ կողմերի, հնարավորությունների և սպառնալիքների վերլուծություն: Այստեղ հարկ է արտաքին գործոններից շարժվել դեպի ներքինները:
  2. Նպատակներ: Այն բանից հետո, ինչ իրավիճակի վերլուծության ընթացքում ի հայտ են գալիս ընկերության լավագույն հնարավորությունները, այդ հնարավորությունները դիտարկվում են, ձևավորվում են կազմակերպության նպատակներն ու որոշվում են դրանց հասնելու ժամկետները: Նպատակները պետք է սահմանվեն՝ հաշվի առնելով բիզնեսի բոլոր մասնակիցների հետաքրքրությունները, ընկերության վարկանիշը և այլ նշանակալի գործոններ:
  3. Ռազմավարություն: Նպատակներին հասնելու լավագույն ուղու որոշումը ռազմավարության առաջադրանքն է:
  4. Մարտավարություն: Ռազմավարությունը հարկ է զարգացնել՝ մանրամասն ներկայացնելով այն քայլերը, որոնք վերաբերում են մարքեթինգի գործիքակազմին և կոնկրետ միջոցառումներին: Վերջիններիս համար ընտրվում են պատասխանատուներ և անցկացման ժամանակաընթացք:
  5. Բյուջե: Միջոցառման պլանավորումը և աշխատանքները կապված են ծախսերի հետ, որոնք գումարվում են բյուջեին, որ անհրաժեշտ է կազմակերպության նպատակներին հասնելու համար:
  6. Վերահսկողություն: Կազմակերպությունը պետք է սահմանիչ պլանի վերանայման վերահսկողություն և ստուգող ցուցանիշներ, որոնք թույլ կտան որոշել, թե ինչպես է ընթանում նպատակին հասնելու աշխատանքը: Եթե ցուցանիշները հետ են մնում պլանայինից, ընկերությունը պետք է վերանայի նպատակները, ռազմավարությունը կամ միջոցառումների շարքը, որպեսզի շտկի իրադրությունը:

Տես նաև[խմբագրել | խմբագրել կոդը]

Գրականություն[խմբագրել | խմբագրել կոդը]

  • Филипп Котлер, «Маркетинг от А до Я. 80 концепций, которые должен знать каждый менеджер». Москва 2010 г.

Արտաքին հղումներ[խմբագրել | խմբագրել կոդը]