Մարկուլիո
 | |
|---|---|
 | |
| Ծնվել է | հունվարի 1, 1975[1] (49 տարեկան) |
| Ծննդավայր | Լահթի, Ֆինլանդիա |
| Քաղաքացիություն |  Շվեդիա |
| Մասնագիտություն | երգիչ, դերասան, երգերի հեղինակ և ստուդիական երաժիշտ |
| Ժանրեր | հիփ հոփ |
| markoolio.com | |
Մարկոոլիո կամ Մարկուլիո (շվեդ.՝ Markoolio), իսկական անուն՝ Մարկո Կրիստիան Լեհտոսալո (շվեդ.՝ Marko Kristian Lehtosalo; հունվարի 1, 1975[1], Լահթի, Ֆինլանդիա), շվեդ երգիչ, դերասան և հաղորդավար։ Իր մականունը նա վերցրել է ի պատիվ իր անվան և ամերիկացի ռեփեր Կուլիոյի։
Կենսագրություն[խմբագրել | խմբագրել կոդը]
Երաժշտական գործունեություն[խմբագրել | խմբագրել կոդը]
Բնիկ ֆինլանդացի։ 6 ամսական հասակում ընտանիքի հետ տեղափոխվեց Օրմինգ, Շվեդիա։ Այնտեղ ավարտեց միջնակարգ դպրոցը, բանակում ծառայեց որպես դիպուկահար։ Շվեդիա վերադարձել է զինվորական ծառայությունից հետո և պատահական նկատվել է պրոդյուսերների կողմից, երբ զբաղեցնում էր Ստոկհոլմի գնացքի ուղևորներին իր ռեփով։ Այդպես Մարկուլիոն սկսեց իր գործունեությունը՝ թողարկելով 9 ալբոմ։ Մարկուլիոն հայտնի է իր երեկույթների, աղջիկների և սպիրտային խմիչքների օգտագործման վերաբերյալ կատակերգական երգերի շնորհիվ։ Առանձնանում են «Sommar och sol» (շվեդ.՝ «Ամառ և արև»), «Vi drar till fjällen» (շվեդ.՝ «Բարձրանում ենք սարերը»), «Sola och bada i Piña Colada» (շվեդ.՝ «Արևային լոգանք և Պինյա-Կոլադեում լող»)։ Ինչպես նաև նա գրում է մարդու սովորական կյանքի վերաբերյալ երգեր՝ «Åka Pendeltåg» (շվեդ.՝ «Ուղևորությունում շրջելով»), «Värsta schlagern», ինչպես նաև գրում է իր պատմական հայրենիքի մասին երգեր՝ «Drömmen om Finland» (շվեդ.՝ «Երազ Ֆինլանդիայի մասին») և «Jag orkar inte mer» (շվեդ.՝ «Այլևս չեմ տանի»)։
Կինո և հեռուստատեսություն[խմբագրել | խմբագրել կոդը]
Մարկուլիոն հանդիսանում է շատ մրցանակների դափնեկիր։ Շվեդ հեռուստաալիք TV4-ով նա «Talang» տաղանդների շոուի հաղորդավարն է։ Նկարահանվել է «Doktor Mugg» և «Hem till Midgård» սիթքոմներում։
Բիզնես[խմբագրել | խմբագրել կոդը]
Մարկուլիոն հանդիսանում է գիշերային ակումբի սեփականատեր և մտնում է բրիտանական Netgames Holdings ընկերության տնօրենների խորհրդի մեջ՝ տիրապետելով ընկերության բաժնետոմսերի ակցիայի 3,3%-ով։
Ֆուտբոլ[խմբագրել | խմբագրել կոդը]
Մարկուլիոն հանդիսանում է Շվեդիայի ֆուտբոլի հավաքականի ամենահայտնի երկրպագուներից մեկը։ 2008 թվականին Մարկուլիոն Եվրոպայի չեմպիոնատի նախօրեին ձայնագրեց «Sverige, Det Bästa På Vår Jord» (շվեդ.՝ «Շվեդիա, լավագույնը աշխարհում») երգը, որտեղ նաև դրել է Շվեդիայի հիմնից դրվագներ։ 2013 թվականի նոյեմբերի 19-ին Մարկուլիոն աշխարհի չեմպիոնատի նախօրյակին ձայնագրեց երգ Պորտուգալիայի դեմ՝ փորձելով աջակցել շվեդական խմբին և վնաս պատճառել պորտուգալացիներին, անգամ 7:15-ին RIX FM ռադիոկայանի հետ կազմակերպել է համերգ հյուրանոցի պատուհանների տակ՝ բարձրացնելով մեծ աղմուկ[2][3][4][5]։
Ընտանիք[խմբագրել | խմբագրել կոդը]
Կինը՝ Ջեսիկա Վեստերգորտ։ 3 երեխա (որդի՝ Մելկեր և դստրեր՝ Մոա ու Մայկեն)[6]։
Սկավառակագրություն[խմբագրել | խմբագրել կոդը]
- Sticker hårt (1998)
- Dikter från ett hjärta (1999)
- Tjock och lycklig (2001)
- I skuggan av mig själv (2003)
- Suomessa Syntynyt (2004)
- Värsta plattan (2007)
- Jag är konst (2008)
- Jag är Markoolio (2012)
Ծանոթագրություններ[խմբագրել | խմբագրել կոդը]
- ↑ 1,0 1,1 Sveriges befolkning 2000 (շվեդերեն) — Sveriges Släktforskarförbund, 2020.
- ↑ https://www.theguardian.com/football/video/2013/nov/19/swedish-singer-portugal-world-cup-play-off-video
- ↑ http://www.expressen.se/sport/fotboll/landslaget/markoolios-kupp--vid-portugals-spelarhotell/
- ↑ http://www.sport-express.ru/football/world/news/629455/
- ↑ http://www.sport.ru/football/CHM-2014_Vtoroy_stykovoy_match_SHvetsiya_-_Portugaliya_Pryamaya_translyatsiya/article239095/
- ↑ https://www.aftonbladet.se/nojesbladet/klick/article19306770.ab
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Մարկուլիո» հոդվածին։ |
| ||||||||||||||
