Մարինկա Խաչատրյան

Վիքիպեդիայից՝ ազատ հանրագիտարանից
Մարինկա Խաչատրյան
Ծնվել էսեպտեմբերի 8, 1997 (26 տարեկան)
ԾննդավայրԵրևան, Հայաստան
Քաղաքացիություն Հայաստան
Մասնագիտությունդերասանուհի

Մարինկա Խաչատրյան (սեպտեմբերի 8, 1997(1997-09-08), Երևան, Հայաստան), հայ դերասանուհի։

Կենսագրություն[խմբագրել | խմբագրել կոդը]

Ծնվել է 1997 թ. սեպտեմբերի 8-ին, Երևանում։ 2013 թվականին ավարտել է Երևանի թիվ 179 հիմնական դպրոցը։ Դպրոցն ավարտելուց հետո ընտրել է դիմահարդարի մասնագիտությունը։ Դպրոցն ավարտելուց հետո մտածում էր կամ դառնալ դիմահարդար, կամ պարի գծով շարունակել ուսումը, քանի որ 7 տարի պարել է ժամանակակից պարեր։ Արդյունքում ընտրել է դիմահարդարի մասնագիտությունը, և ուսումը ստացել է նկարիչների միության «Make up» ատելյեում։ Նա իր դերասանական կարիերան սկսել է 16 տարեկանից, 2014-2015 թվականներին նկարահանվելով «Շանթ» հեռուստաընկերության «Սիրո գերին» հեռուստասերիալում մարմնավորելով Արփիի կերպարը։ 2015 թվականին նկարահանվում է Հենրի Քոչարյանի «Զգուշացեք կանայք են» ֆիլմում մարմնավորելով համեստ ուսանողուհի Լյուսիի կերպարը։ 2016 թվականին նկարահանվում է «Արմենիա» հեռուստաընկերության «Գնված երջանկություն» հեռուստասերիալում մարմնավորելով Մարիշի կերպարը։ 2016 թվականին նկարահանվում է «Արմենիա» հեռուստաընկերության «Ֆուլ հաուս» սիթքոմի 4-րդ եթերաշրջանում մարմնավորելով Մանեի կերպարը։ 2016-2017 թվականներին նկարահանվում է «Շանթ» հեռուստաընկերության «Փոխնակ մայրը» հեռուստասերիալում մարմնավորելով գլխավոր հերոսուհի Սոնայի կերպարը։ 2017 թվականին նկարահանվում է «Շանթ» հեռոոստաընկերության «Օտարը» հեռուստասերիալում մարմնավորելով գլխավոր հերոսուհի Նենեթի կերպարը։ 2017-2019 թվականներին նկարահանվել է «Շանթ» հեռուստաընկերության «Էլենի օրագիրը» հեռուստասերիալի առաջին և երկրորդ եթերաշրջաններում մարմնավորելով գլխավոր հերոսուհի Սառայի կերպարը։ 2019-2021 թվականներին նկարահանվում է «Շանթ» հեռուստաընկերության «Երկուսով» հեռուստասերիալում մարմնավորելով Մագայի կերպարը։ 2021 թվականին նկարահանվում է Արմենիա հեռուստաընկերության «5G ընտանիք» սիթքոմում մարմնավորելով գլխավոր հերոսուհի Աննայի կերպարը։

Ֆիլմագրություն[խմբագրել | խմբագրել կոդը]

Տարի Անվանում
2014-2015 «Սիրո գերին»
2015 «Զգուշացե´ք, կանայք են»
2016 «Գնված երջանկություն»
2016 «Ֆուլ հաուս»
2016-2017 «Փոխնակ մայրը»
2017 «Օտարը»
2017-2019 «Էլենի օրագիրը»
2019-2021 «Երկուսով»
2021 «5G ընտանիք»
2022-2023 «Սերը թակարդում»
2023 «Hotel grand»
2023 «Դժբախտ երջանիկը կամ իմ պառավ յարը»
2023 «Գերիները»
Երաժշտական հոլովակ
Տարի Անվանում Արտիստ
2015 «Հարսանիքի օրը» Գևորգ Մարտիրոսյան
2016 «Աննման» Արաբո Իսպիրյան
2019 «Լավն ես» Հակոբ Հակոբյան & Արմեն Հովհաննիսյան

Հաղորդումներ և հարցազրույցներ[խմբագրել | խմբագրել կոդը]

  • Բլից Հարցում - Մարինկա Խաչատրյան (2016)
  • Գուշակիր մեղեդին. Մարինկա Խաչատրյան, Գարիկ Սեփխանյան, Գևորգ Մարտիրոսյան
  • Ես կամ - Մարինկա Խաչատրյան
  • Համով ժամանց /Մարինկա Խաչատրյանի հետ/- Ծովամթերք բրնձի լապշայով

Արտաքին հղումներ[խմբագրել | խմբագրել կոդը]