Մարինե Բալասանյան

Մարինե Բալասանյան
Ծնվել է	հոկտեմբերի 4, 1959 (64 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Երևանի Մխիթար Հերացու անվան Պետական Բժշկական Համալսարան (1982)
Մասնագիտություն	բժիշկ
Աշխատավայր	Երևանի Մխիթար Հերացու անվան Պետական Բժշկական Համալսարան

Մարինե Գառնիկի Բալասանյան (հոկտեմբերի 4, 1959(1959-10-04)^[1], Երևան, Հայկական ԽՍՀ, ԽՍՀՄ), հայ բժիշկ, դեղագետ։ Դեղագործական գիտությունների դոկտոր (2003):

Կենսագրություն[խմբագրել | խմբագրել կոդը]

Մարինե Բալասանյանը ծնվել է 1959 թվականի հոկտեմբերի 4-ին, Երևանում։ 1977-1982 թվականներին սովորել և ավարտել է Երևանի Մխիթար Հերացու անվան պետական բժշկական համալսարանի դեղագիտական ֆակուլտետը։ 1982-1986 թվականներին աշխատել է Երևանի պետական բժշկական համալսարանի դեղագիտական քիմիայի ամբիոնում որպես ավագ լաբորանտ, 1986-1994 թվականներին աշխատել է ֆարմակոլոգիայի ամբիոնում, որպես կրտսեր գիտաշխատող, գիտաշխատող և ասիստենտ։ 1994-1998 թվականներին աշխատել է ՌԴ Մոսկվայի ֆարմակոլոգիայի գիտահետազոտական ինստիտուտի ուղեղային արյան շրջանառության խանգարումների ֆարմակոլոգիայի լաբորատորիայում, որպես ավագ գիտաշխատող։ 1998 թվականին ընդունվել է դոկտորանտուրա ՌԴ Մոսկվայի ֆարմակոլոգիայի գիտահետազոտական ինստիտուտում ֆարմակոլոլոգիա մասնագիտությամբ։ 1998-2007 թվականներին աշխատել է դեղագիտական քիմիայի ամբիոնում, որպես ասիստենտ, դոցենտ և պրոֆեսոր։ 2004-2007 թվականներին եղել է «Հայաստանի բժշկագիտություն» հանդեսի պատասխանատու քարտուղարը։ 2004-2009 թվականներին եղել է Տեսական բժշկություն մասնագիտական խորհրդի գիտքարտուղար և Երևանի պետական բժշկական համալսարանի գիտքարտուղար։ 2007-2011 թվականներին աշխատել է ֆարմակոլոգիայի ամբիոնում, որպես ամբիոնի վարիչի պաշտոնակատար։ 2011-2013 թվականներին ղեկավարել է Բարձրագույն կրթության որակի ապահովման Եվրոպական DIUSAS և PICQA Երևանի պետական բժշկական համալսարանի նախագծերը։ 2011 թվականից աշխատում է ֆարմակոլոգիայի ամբիոնում որպես ամբիոնի վարիչ։ 2013 թվականից համակարգում է Հայաստանի ԲՈՒՀ-երի դոկտորալ կրթության վերափոխումների Եվրոպական VERITAS նախագիծը։

Մասնագիտական վերապատրաստումներ է անցել Սալոնիկի, Մալտայի և Կամերինոյի, Հայդելբերգի, Բաթ ՍՊԱ, Զերոնայի, Հելսինկիի համալսարաններում։ Բարձրագույն ուսուցման որակի ապահովման գծով վերապատրաստում է անցել Կոբլենզի, Լեմանի, Փարիզի մանկավարժական և Մյունխենի տեխնիկական համալսարաններում^[2]։

Աշխատանքները վերաբերում են ուղեղային արյան շրջանառության խանգարումներին, դեղամիջոցներով շտկման դեղաբանությանը, մեխանիզմներին^[3]։

Բալասանյանի ղեկավարությամբ պաշտպանվել են բազմաթիվ թեկնածուական թեզեր։ Հեղինակ է տպագիր աշխատանքների՝ այդ թվում ուսումնամեթոդական ձեռնարկներ, հեղինակային իրավունք, նորարարության արտոնագիր։

Անդամակցություն[խմբագրել | խմբագրել կոդը]

Հայ դեղագետների գիտական ընկերության անդամ (1982)։
Հայաստանի դեղագետների ընկերակցության անդամ (1982)։
ԵՊԲՀ ատեստացիոն հանձնաժողովի անդամ (2011)։
Էթիկական կոմիտեի հանձնաժողովի նախագահի տեղակալ։
Դեղագիտական մասնագիտական առարկաների ցիկլային հանձնաժողովի նախագահ։

Երկեր[խմբագրել | խմբագրել կոդը]

Фармакология мозгового кровообращения, 1984, т. л. (Сост.: Э. А. Амроян, М. Г. Баласанян).
Քիմիայի խնդիրներ բուհ ընդունվողների համար։ Երևան, Լիգանդ, 1991 (համահեղինակ)^[4]։
Վերլուծման ֆիզիկական և ֆիզիկաքիմիական եղանակների կիրառումը դեղերի չափորոշման համար։ Մեթոդական ցուցումներ V կուրսի ուսանողներին, Երևանի Մ. Հերացու անվան պետական բժշկական համալսարան, Դեղագիտության ֆակուլտետի քիմիայի ամբիոն, Երևան, Կաիսա, 2000 (համահեղինակ)^[5]։
Դեղախառնուրդների կոտորակային վերլուծություն։ Մեթոդական ցուցումներ V կուրսի ուսանողներին, Մ. Հերացու անվան Երևանի պետական բժշկական համալսարան, Դեղագիտության ֆակուլտետ, Քիմիայի ամբիոն, Երևան, Կաիսա, 2002 (համահեղինակ)^[6]։

Ծանոթագրություններ[խմբագրել | խմբագրել կոդը]

↑ ^1,0 ^1,1 http://am.hayazg.info/index.php?curid=504
↑ www.ysmu.am https://www.ysmu.am/hy/main/update_your_browser/. Վերցված է 2020 թ․ ապրիլի 4-ին. {{cite web}}: Missing or empty |title= (օգնություն)
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
↑ Սահակյան, Լիդա Արշակի (1991). Բալասանյան, Մարինե Գառնիկի (ed.). Քիմիայի խնդիրներ բուհ ընդունվողների համար. Երևան: Լիգանդ. ISBN 978-5-8079-0291-7.
↑ Բալասանյան, Մարինե Գառնիկի; Մարգարյան, Կ Ս; Սահակյան, Լ Ա (2000). Վերլուծման ֆիզիկական և ֆիզիկաքիմիական եղանակների կիրառումը դեղերի չափորոշման համար։ Մեթոդական ցուցումներ V կուրսի ուսանողներին. Երևանի Մ.Հերացու անվան պետական բժշկական համալսարան. Երևան: Կաիսա.
↑ Բալասանյան, Մարինե Գառնիկի; Ժամհարյան, Ա Գ; Սահակյան, Լ Ա (2002). Դեղախառնուրդների կոտորակային վերլուծություն։ Մեթոդական ցուցումներ V կուրսի ուսանողներին. Մ. Հերացու անվան Երևանի պետական բժշկական համալսարան. Երևան: Կաիսա.

[_6f77cac7e016f65b-1] 1,0 ^1,1 http://am.hayazg.info/index.php?curid=504

[2] www.ysmu.am https://www.ysmu.am/hy/main/update_your_browser/. Վերցված է 2020 թ․ ապրիլի 4-ին. {{cite web}}: Missing or empty |title= (օգնություն)

[3] Ով ով է. Հայեր. Կենսագրական հանրագիտարան, հատոր առաջին, Երևան, 2005։

[4] Սահակյան, Լիդա Արշակի (1991). Բալասանյան, Մարինե Գառնիկի (ed.). Քիմիայի խնդիրներ բուհ ընդունվողների համար. Երևան: Լիգանդ. ISBN 978-5-8079-0291-7.

[5] Բալասանյան, Մարինե Գառնիկի; Մարգարյան, Կ Ս; Սահակյան, Լ Ա (2000). Վերլուծման ֆիզիկական և ֆիզիկաքիմիական եղանակների կիրառումը դեղերի չափորոշման համար։ Մեթոդական ցուցումներ V կուրսի ուսանողներին. Երևանի Մ.Հերացու անվան պետական բժշկական համալսարան. Երևան: Կաիսա.

[6] Բալասանյան, Մարինե Գառնիկի; Ժամհարյան, Ա Գ; Սահակյան, Լ Ա (2002). Դեղախառնուրդների կոտորակային վերլուծություն։ Մեթոդական ցուցումներ V կուրսի ուսանողներին. Մ. Հերացու անվան Երևանի պետական բժշկական համալսարան. Երևան: Կաիսա.

[1]

[2]

[3]

[4]

[5]

[6]