Մարիա Փար

Վիքիպեդիայից՝ ազատ հանրագիտարանից
Jump to navigation Jump to search
Մարիա Փար
նորվ.՝ Maria Parr
Maria Parr.jpg
Ծնվել է1981 հունվարի 18
ԾննդավայրՖիսկոբյուգդ, Վանուլվեն, Սոգն օգ Ֆյուրանե Նորվեգիա
Մասնագիտությունգրող, մանկագիր և Lector
ԼեզուՆյունորսկ
ՔաղաքացիությունՆորվեգիա Նորվեգիա
ԿրթությունԲերգենի համալսարան
Ստեղծագործական շրջան2005թ.-ից մինչև հիմա
ԺանրերՄանկական գրականություն
Ուշագրավ աշխատանքներ«Վաֆլե սիրտը» (2005թ.)
ՊարգևներNynorsk User of the Year? Q4571467? Sigmund Skard Fellowship? Պաստոր Ալֆրեդ Անդերսոն Ռյուստի հիմնադրամ Ole Vig-prisen? Brageprisen? և Դպրոցական գրադարանավարների ասոցիացիա
Maria Parr Վիքիպահեստում

Մարիա Փար (նորվ.՝ Maria Parr, հունվարի 18, 1981(1981-01-18)[1][2], Vanylven, Մյորե օգ Ռոմսդալ, Նորվեգիա), նորվեգացի գրող, ով ստեղծագործում է մանկական գրականության ժանրում:

Ստեղծագործական կյանք[խմբագրել | խմբագրել կոդը]

Մարիա Փարը գրական ասպարեզ է մտել 2005 թվականին՝ ներկայացնելով «Վաֆլե սիրտը» աշխատությունը: Գրքում ներկայացվում է Մաթիլդայի գլխարկը ծոցում բնակվող 9-ամյա Թրիլլեի, նրա դասընկերուհու և հարևանուհի Լենայի մասին: Լենան հանդես է գալիս անհավանական գաղափարներով, իսկ Թրիլլեն դրսևորում է իրեն առավել հավասարակշռված, երբեմն զգուշանալով իրենց արարքների հետևանքներից: Զույգը հայտնվում է տարբեր իրավիճակներում՝ զվարճալի, տխուր, երբեմն էլ վտանգավոր: Հետևելով մեծահասակների գործողություններին՝ նրանք սովորում են գնահատել ընկերությունն ու մոտիկ մարդկանց:

Գիրքը ջերմորեն ընդունվեց գրաքննադատների կողմից, ովքեր Փարին անվանեցին «նոր Աստրիդ Լինդգրեն»[3]: Այս գրքի համար Փարին արժանացավ մրցանակների և ներկայացվեց Բրագի մրցանակի:

2009 թվականին լույս տեսավ նրա երկրորդ գիրքը՝ «Տոնյա Գրիմմերդալ»-ը՝ «մանկական գրականություն» կատեգորիայում արժանանալով Բրագի մրցանակի: Ինչպես Լինդգրենը իր «Մենք բոլորս Բյուլերբոից ենք» աշխատությունում, այնպես էլ Փարը ներկայացնում է իր գրքում գյուղական կյանքը: Գլխավոր դերակատարը կարմրահեր Տոնյան է, ով ունի անվախ, ճարպիկ և համառ բնավորություն, սակայն երբեմն ահավոր միայնակ և արվարձանում մոլորված, արվարձան, որտեղ գրեթե չեն լինում այլ երեխաներ: Գիրքը պատմում է մեծահասակների և երեխաների միջև անջրպետի մասին և ներկայացնում դրանց հաղթահարման եղանակները ծեր Գունվալդի և իր դստեր հաշտեցման օրինակով: Գունվալդը իր դստեր հետ չէր խոսել երկար տարիներ: Տոնյան, որպեսզի օգնի նրան, դիմում է շատ քայլերի: Աղջնակի մայրը ուսումնասիրում է հալվող սառույցները և ստիպված է երկար ժամանակով բացակայել տանից: Նա ստիպված է լինում դստերը թողնել հոր մոտ: Փարն այս պատմությամբ հուշում է փոքրիկ ընթերցողներին, որ չի կարելի թաքնվել խնդիրներից, նույնիսկ նորվեգական հեռավոր գյուղերում, այլ պետք է դրանք լուծել:

Մարի Փարը գրում է իր գրքերը նյույորսկ լեզվով (նորնորվեգերեն): Նորաստեղծ լեզվով ստեղծագործելու համար երկու անգամ արժանացել է «Նորնորվեգերեն լեզվով մանկական գրականության համար» մրցանակի: Գրողի երկու գրքերն էլ թարգմանվել են տարբեր լեզուներով:

Մարի Փարը դպրոցական ընթերցողների հետ հանդիպմանը, 2009 թ.

Գրականություն[խմբագրել | խմբագրել կոդը]

  • «Վաֆլե սիրտ» (նորվ.՝ Vaffelhjarte) - 2005 թ.
  • «Տոնյա Գրիմմերդալ» (նորվ.՝ Tonje Glimmerdal) - 2009 թ.

Մրցանակներ[խմբագրել | խմբագրել կոդը]

  • «Նորնորվեգերեն լեզվով մանկական գրականության համար» մրցանակ за «Вафельное сердце», 2005 թ.
  • Ալֆրեդ Անդերսոն-Րյուսթի դրամաշնորհ «Վաֆլե սիրտը» գրքի համար, 2006 թ.
  • Ուլե Վինգի մրցանակ «Վաֆլե սիրտը» գրքի համար, 2009 թ.
  • Բրագի մրցանակ «Տոնյա Գրիմմերդալ» գրքի համար
  • Թեշեհերինգի դրամաշնորհ, 2009 թ.
  • Նորվեգացի քննադատների մրցանակ «Մանկական լավագույն գրականություն» անվանակարգում «Տոնյա Գրիմմերդալ» գրքի համար
  • Գերմանական Luchs մրցանակ «Տոնյա Գրիմմերդալ» գրքի համար:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]