Մարիա Պեյչինովիչ Բուրիչ
| Մարիա Պեյչինովիչ Բուրիչ | |
.jpg)
| |
| Կուսակցություն՝ | Խորվաթիայի ժողովրդավարական միության |
|---|---|
| Կրթություն՝ | Զագրեբի համալսարան և Եվրոպական քոլեջ |
| Գիտական աստիճան՝ | գիտության մագիստր և Բակալավր |
| Մասնագիտություն՝ | քաղաքական գործիչ |
| Ծննդյան օր | ապրիլի 9, 1963 (56 տարեկան) |
| Ծննդավայր | Մոստար, Հերցեգովինա-Ներետվա կանտոն, Բոսնիա և Հերցեգովինա ֆեդերացիա, Բոսնիա և Հերցեգովինա |
| Քաղաքացիություն |  Խորվաթիա
|
Մարիա Պեյչինովիչ Բուրիչ (խորվ.՝ Marija Pejčinović Burić, ապրիլի 9, 1963, Մոստար, Հերցեգովինա-Ներետվա կանտոն, Բոսնիա և Հերցեգովինա ֆեդերացիա, Բոսնիա և Հերցեգովինա)[1], խորվաթ քաղաքական, պետական գործիչ, տնտեսագետ: Եղել է Խորվաթիայի 14-րդ արտաքին և եվրոպական կապերի նախարարը և 2017 թվականի հունիսի 19-ից Խորվաթիայի փոխվարչապետ (Մարտիանա Դալիչի, Դամիր Կրստիչևիչի և Պրեդրար Շտրոմարի հետ միասին): Երրորդ կինն է, որ զբաղեցրել է Խորվաթիայի արտաքին և եվրոպական կապերի նախարարի պաշտոնը՝ հաջորդելով Կոլինդա Գրաբար Կիտարովիչին և Վեսնա Պուսիչին: Պեյչինովիչ Բուրիչը եղել է Վեցերորդ գումարման վեհաժողովի (2008-2011) անդամ՝ ներկայացնելով 6-րդ ընտրատարածքը: Եվրոպական ժողովրդական կուսակցության կազմում ընդգրկված Խորվաթիայի ժողովրդավարական միության պահպանողական կուսակցության անդամ է:
2019 թվականի հունիսի 26-ին ընտրվել է Եվրոպայի խորհրդի 14-րդ գլխավոր քարտուղար` հաղթելով Բելգիայի արտաքին գործերի նախարար Դիդիե Ռեյնդերին՝ հավաքելով 159 ձայն: Պեյչինովիչ Բուրիչը կհաջորդի 2009 թվականից գլխավոր քարտուղար նորվեգացի Թուրբյորն Յագլանդին՝ պաշտոնը ստանձնելով 2019 թվականի հոկտեմբերի 1-ին:
Բովանդակություն
Կրթություն և վաղ կարիերա[խմբագրել | խմբագրել կոդը]
1985 թվականին Պեյչինովիչ Բուրիչն ավարտել է Զագրեբի համալսարանի տնտեսագիտության բաժինը[2]: Ավարտելուց հետո՝ 1988-1991 թվականներին Končar Inženjering ընկերությունում աշխատել է որպես առևտրի փորձագետի ասիստենտ: 1991 թվականին նշանակվել է Զագրեբի Եվրոպական տան գլխավոր քարտուղար և Խորվաթիայի եվրոպական շարժման գլխավոր քարտուղարի տեղակալ: 1994 թվականին Եվրոպական քոլեջից (Նատոլին կամպուս)[2] ստացել է Եվրոպական ուսումնասիրությունների եվրոպական գիտությունների մագիստրոսի կոչում, որից հետո վերադարձել է աշխատանքի Končar Inženjering ընկերություն: 1997 թվականին Նշանակվել է Զագրեբում հիմնադրված դեղագործական ընկերության «Պլիվա» դեղագործական ընկերության կորպորատիվ հաղորդակցության տնօրեն:
Եվրոպայի խորհրդի գլխավոր քարտուղար[խմբագրել | խմբագրել կոդը]
2019 թվականի հունիսի 26-ին Եվրախորհրդի Խորհրդարանական վեհաժողովը քվեարկել է ընտրելու կազմակերպության 14-րդ գլխավոր քարտուղարին: Թեկնածուների շարքում են եղել Խորվաթիայի արտաքին գործերի նախարար Պեյչինովիչ Բուրիչը և նրա բելգիացի գործընկեր Դիդիե Ռեյնդերը: Պեյչինովիչ Բուրիչը հաղթել է Ռեյնդերին` ստանալով 159 ձայն, իսկ Ռեյնդերը՝ 105 ձայն: Երդման արարողությունը տեղի կունենա 2019 թվականի սեպտեմբերի 18-ին:
Այլ գործունեություն[խմբագրել | խմբագրել կոդը]
- Եվրոպական քաղաքականության ուսումնասիրությունների կենտրոն (CEPS), Տնօրենների խորհրդի անդամ (2016 թվականից)[2][3]
Ծանոթագրություններ[խմբագրել | խմբագրել կոդը]
- ↑ «Pejčinović Burić, Marija»։ www.sabor.hr (խորվաթերեն)։ Վերցված է 26 June 2019
- ↑ 2,0 2,1 2,2 http://www.mvep.hr/hr/ministarstvo/ministrica/zivotopis-ministra/
- ↑ «CEPS Board»։ CEPS (en-US)։ 2019-04-10։ Վերցված է 2019-06-29
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մարիա Պեյչինովիչ Բուրիչ կատեգորիայում։ |
