Մարգարիտա Իգեր

Մարգարիտա Իգեր
Ծնվել է	օգոստոսի 12, 1863(1863-08-12)
Ծննդավայր	Լիմերիկ, Մանսթեր, Մեծ Բրիտանիայի և Իռլանդիայի միացյալ թագավորություն
Մահացել է	1936
Մահվան վայր	Միացյալ Թագավորություն
Քաղաքացիություն	Միացյալ Թագավորություն
Մասնագիտություն	դայակ

Մարգարիտա Ալեքսանդրա Իգեր (անգլ.՝ Margaretta Alexandra Eagar, օգոստոսի 12, 1863(1863-08-12), Լիմերիկ, Մանսթեր, Մեծ Բրիտանիայի և Իռլանդիայի միացյալ թագավորություն - 1936, Միացյալ Թագավորություն), բուժքույր և դաստիարակչուհի։

Նիկոլայ II-ի և Ալեքսանդրա Ֆեոդորովնայի երեխաների դաստիարակ, հուշերի գրքի հեղինակ։

Իգերը գրել է «Վեց տարի Ռուսաստանի կայսերական արքունիքում» (անգլ.՝ Six Years at the Russian Court) հուշագրությունը՝ Ռոմանովների ընտանիքի հետ գտնվելու ժամանակի մասին։

Երիտասարդություն

Իգերը ծնվել է 1863 թվականի օգոստոսի 12-ին Իռլանդիայի Լիմերիկ քաղաքում։ Ֆրենսիս Հոլդեն և Ֆրենկիս Իգեր բողոքական զույգի տասը երեխաներից մեկն էր։ Բելֆաստում սովորում էր բժշկություն, ինչպես նաև ապաստարանում աշխատում էր որպես բուժքույր։

Աշխատանքն արքունիքում

1898-1904 թվականներին Իգերը Նիկոլայ II-ի դուստրերի դաստիարակն էր։ Ավելի ուշ, Մեծ դքսուհու մորաքույրը՝ Օլգա Ալեքսանդրովնան հիշել է, որ օրիորդ Իգերը հետաքրքրված էր քաղաքականությամբ.

Հայրիկին հասնելու ցանկությամբ փոքրիկ Մարիան փախել է լոգարանից, մերկ ներխուժել պալատի միջանցքները, մինչդեռ դայակը՝ օրիորդ Իգերը, որը քաղաքականության սիրահար էր, իր օգնականի հետ խանդավառությամբ քննարկում էր Դրեյֆուսի դատը։ Բարեբախտաբար ես այդ պահին հասա, վերցրեցի փոքրիկին և տարա օրիորդ Իգերի մոտ, որը դեռ խոսում էր Դրեյֆուսի մասին։

Ձախից աջ. Մեծ դքսուհիներ Օլգա, Տատյանա, Մարիա և Անաստասիա, 1906

Օրիորդ Իգերի օգնությամբ չորս Մեծ դքսուհիներ սովորել են անգլերեն և նույնիսկ իռլանդական շեշտադրումները զգացվում էին այնքան, որ աղջիկները հասունանալուց հետո ստիպված եղան վարձել անգլիացի դաստիարակ Չարլզ Սիդնեյին։

Իգերը, որը դաստիարակել է բոլոր չորս Մեծ դքսուհիներին, իր գրքում գրել է, որ թագավորական ընտանիքը լքել է անձնական պատճառներով։ Ըստ վարկածներից մեկի, նա աշխատանքից հեռացվել է ռուս-ճապոնական պատերազմի հետ կապված լարված քաղաքական իրավիճակի պատճառով։ Բրիտանիան ակտիվորեն աջակցում էր Ճապոնիային։

Որոշ ժամանակ անց

Ծառայության ընթացքում Իգերը կենսաթոշակ է ստացել Ռուսաստանի կառավարությունից։ Նա նամակագրվել է Մեծ դքսուհիների հետ մինչ նրանց սպանությունը՝ 1918 թվականը։ Հետագայում ղեկավարել է պանսիոնը, որն անհաջող էր և արդյունքում առաջացավ պարտքեր։ Նրա ընտանիքի անդամները նշել են, որ իրեն հաճախ հետապնդում են իր դաստիարակած աղջիկների դաժան սպանության մասին մտքերը։ Մինչև իր մահանալը (1936 թվական) անհանգստացել է նրանց համար։

Գրականություն

• Дневники Александровского дворца (EN)
• Massie, Robert K., Nicholas and Alexandra, 1967, Dell Publishing Co., ISBN 0440163587
• Zeepvat, Charlotte, From Cradle to Crown: British Nannies and Governesses at the World’s Royal Courts, Sutton Publishing, ASIN B000GREBC0

Տես նաև

• Նիկոլայ II
• Ալեքսանդրա Ֆեոդորովնա (Ալիքս)
• Օլգա Նիկոլաևնա Ռոմանովա (մեծ իշխանուհի)
• Տատյանա Նիկոլաևնա Ռոմանովա (մեծ իշխանուհի)
• Անաստասիա Նիկոլաևնա Ռոմանովա
• Ռոմանովներ

Արտաքին հղումներ

• Шесть лет при русском императорском дворе (Six Years at the Russian Court) (EN)