Մասնակից:Maga 2007/Ձեր առողջությունը (մուլտֆիլմ)
 |
|---|
Ձեր առողջությունը (ռուս.՝ Ваше здоровье), Իվան Ակսենչուկի խորհրդային սատիրական մուլտիպլիկացիոն ֆիլմը, նկարահանվել է «Սոյուզմուլտֆիլմ» ստուդիայում 1965 թվականին: Մուլտֆիլմը պատմում է առողջ ապրելակերպի առավելությունների մասին:
Սյուժե[խմբագրել | խմբագրել կոդը]
Չափահաս դառնալու օրը ծնողները Տղային ճանապարհում են մեծ աշխարհ և մաղթում, որ նա ինքնուրույն գտնի իր կյանքի ուղին (մուլտֆիլմում այն պատկերվում է ուղենիշ սյուն-տարիների տեսքով): Որպեսզի գնալն ավելի հեշտ լինի, նրան տալիս են լավ օգնական` քաջ Առողջությունը. որը միշտ կպաշտպանի իր կրողին, եթե վերջինս հոգ տանի նրա մասին:
Տղան գնում է կյանքի ճանապարհով, կատարում աշխատանաքային սխրանքներ, և Առողջությունը միշտ օգնում է նրան: Ինժեների դիպլոմ ստանալով և վարպետ դառնալով` Տղան շարունակում է պահպանել իր ընկերոջը (Առողջությանը). զբաղվում է սպորտով և հաղթող է ճանաչվում տարբեր մրցույթներում:
Եվ հենց այստեղ հայտնվում են «ընկերները»` համոզելով գլխավոր հերոսին, որ հաջողությունների համար պետք է խմել: Եվ Տղան գայթակղվում է, հույս դնելով իր «երկաթե Առողջության վրա, որին ոչինչ չի պատահի»: Հենց նույն պահին հայտնվում են հիվանդությունները, և «30» նշանով սյանը հազիվհազ հասնում է Տղայի անառողջ մարմինը: Ծայրահեղ հյուծված Առողջությունն իր տիրոջը քարշ է տալիս բժշկի մոտ: Բայց նույնիսկ առողջարանում Տղան չի ցանկանում հետևել ռեժիմին, շարունակում է ծխել, իսկ հետո էլ` զբաղվել ինքնաբուժմամբ: Եվ գալիս է այն պահը, երբ Առողջությունն ուղղակի անհետանում է:
-Մի՞թե սա վերջն է - «40» նշանով սյանը հասնելով` զարմանում է գլխավոր հերոսը:
-Ինչո՞ւ է վերջը -զարմանում է Դյուցազուն Ծերուկն, ինչպիսին Տղան այդպես էլ չդարձավ: -Ամեն ինչ կախված է նրանից, թե ինչպես ես վերաբերվում քո առողջությանը:
Հեղինակներ[խմբագրել | խմբագրել կոդը]
- Սցենարի հեղինակ` Ե. Ագրանովիչ
- Բեմադրող նկարիչ` Ն. Լերներ
- Կոմպոզիտոր` Ա. Լոկշին
- Օպերատոր` Բ. Կոտով
- Հնչյունային օպերատոր` Գ. Մարտինյուկ
- Ռեժիսիորի օգնականներ` Բ. Պետին, Ե. Շիլովա
- Մոնտաժող` Լ. Գեորգիևա
- Խմբագիր` Պ. Ֆրոլով
- Մուլտֆիլմի տնօրեն` Գ. Կրուգլիկով
- Նկարիչներ` Տատյանա Տարանովիչ, Օլգա Օռլովա, Անատոլի Պետրով, Լեոնիդ Կայուկով, Վիտալի Բոբրով, Ելիզավետա Կոմովա, Էլվիրա Մասլովա, Իվան Դավիդով, Ալեքսանդր Դավիդով, Վլադիմիր Զարուբին, Դմիտրի Անպիլով
- Դերերը հնչյունավորել են` Ա. Պապանով (Տղա/ Առողջություն), Ե. Պոնսովա (Մայրիկ), Ա. Գրավե (բժիշկ), Գ. Վիցին (բաժակակից ընկեր/Հիվանդություն), Կ. Ռումյանովա (Աղջիկ-տրակտորավարուհի/աղջիկ)
- Ռեժիսոր` Իվան Ակսենչուկ
Պարգևներ[խմբագրել | խմբագրել կոդը]
- 1966- Սպորտային ֆիլմերի 22-րդ միջազգային փառատոնի պատվավոր դիպլոմ, Կորտինա դ’Ամպեցո, Իտալիա
Կարծիքներ[խմբագրել | խմբագրել կոդը]
|
Ակսենչուկի ստեղծագործության մեջ կարելի է առանձնացնել ժանրային երեք «լար»... Երկրորդ ուղղությունը սատիրան է, մի ժանր, որը շատ կարևոր է 1960-ական թվականների մուլտիպլիկացիայի համար: Ակսենչուկը այս նյութը փորձարկել է դեռ 1950-ական թվականներին, «Անտառային էստրադայում», «13-րդ երթաշրջան», «Ձեր առողջությունը», «Դրախտը խրճիթում», «Կային-չկային մի պապիկ ու տատիկ» և այլ մուլտֆիլմերում: Ակսենչուկի հեքիաթային կամ պլակատային շատ մուլտֆիլմերում առկա է երգիծական տարրը: Եվ իհարկե, այս ցանկում են նաև «Ֆիտիլ» հաղորդաշարի համար գրված սյուժեները: - Գեորգի Բորոդին: «Ակսենչուկի 90-ամյակի առթիվ[1]»
|
|
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- «Ձեր առողջությունը» «Հայրենական կինոյի հանրագիտարան» կայքում
- «Ձեր առողջությունը» մուլտֆիլմը «Անիմատոր.ռու» կայքում